مارشدير النيو لوجان

**M.abdelkader** · 04-12-2014 09:02 PM

السلام عليكم يا جماعه
عندي مشكلة في مارشدير النيو لوجان والمشكله هي اني لما احرك الفتيس للمارشدير احيانا كتير مش بيعشق .. بالليل بعرف الموضوع ده لما الاقي لمبه المارش لسه منورتش .بس بالنهار مش بعرف غير لما اسيب دبرياش والاقي العربيه مش بترجع او اسمع صوت تروس بتفوت واعتقد انها كده بتبقى الخامس مش المارش.
انا خايف على التروس انها تتكسر بسبب حركه زي دي..وجربت ادوس دبرياش للآخر وكذا مره تحصل المشكله دي برضوا.
العربيه لسه معملتش صيانة الالف كيلو وانا اتقفلت منها بسبب الموضوع ده..ياترى دي مشكله ايه وفي التوكيل هيحلوها ولا هيقولي اصلك مش بتدوس دبرياش للآخر اللي كلهم معندهمش غيرها.

**abohend** · 05-12-2014 12:53 PM

المشاركة الأصلية كتبت بواسطة m.abdelkader

السلام عليكم يا جماعه
عندي مشكلة في مارشدير النيو لوجان والمشكله هي اني لما احرك الفتيس للمارشدير احيانا كتير مش بيعشق .. بالليل بعرف الموضوع ده لما الاقي لمبه المارش لسه منورتش .بس بالنهار مش بعرف غير لما اسيب دبرياش والاقي العربيه مش بترجع او اسمع صوت تروس بتفوت :o_stupid[1]: واعتقد انها كده بتبقى الخامس مش المارش.
انا خايف على التروس انها تتكسر بسبب حركه زي دي..وجربت ادوس دبرياش للآخر وكذا مره تحصل المشكله دي برضوا.
العربيه لسه معملتش صيانة الالف كيلو وانا اتقفلت منها بسبب الموضوع ده..ياترى دي مشكله ايه وفي التوكيل هيحلوها ولا هيقولي اصلك مش بتدوس دبرياش للآخر اللي كلهم معندهمش غيرها.

نفس المشكلة فالبيجو 301 بعد 4000 كيلو بس
لازم تجيب اول و بعد كده ترجع تجيب المارش
رحت التوكيل مفيش حل
لو الموضوع غوايش يبقى الموضوع فيه مصاريف مش رخيص

**Mahmoud_Lutfi** · 05-12-2014 09:42 PM

و دي موجودة في كل العربيات النيو لوجان ؟؟؟

**ahmedjemy** · 07-12-2014 12:38 PM

ممكن تبقى محتاج تعلى الدبرياج شوية علشان يفصل كويس انا حصلت معايا بس بالعكس يعني كان شغال كويس ولما خفضت الدبرياج ابتدى يعض فى المرشدير رجعت عليت الدبرياج تاني والمشكلة اتحلت

**Mecha** · 07-12-2014 12:43 PM

لو العربية زيرو ومرشدير بس ممكن الواير او التيش عاوز يتقصر

**M.abdelkader** · 07-12-2014 03:33 PM

الف شكر على ردودكم واهتمامكم ..
المشكلة مش ثابته وبتختفي كل ما حد يجي يشوفها .. تقولش بتعرف وبتتظبط .. عالعموم هحاول اطنشها لحد ما تبقى حاجه ثابته اعرف اقولهم عليها في التوكيل.

**georgedada82** · 07-12-2014 03:41 PM

المشكلة دي كانت في بدايات اللوجان القديمة ... وكان بيتم تغيير مجموعة الغيار الخامس اللي في الفتيس علي حساب الضمان طبعا

**ham_2010** · 10-12-2014 03:21 PM

هي حصات معايا مرتين
بس خدت بالى اني فى المرتين دول كنت مستعجل ... لكن فى العادي وانا براحتى مكانش فى مشكلة

**cato240** · 13-12-2014 01:42 AM

انا كانت بتحصل معايا واتعاملت معاه بطريقة مختلفة اني وانا على وضع المور بجيب يمين وبعدين بنزل للخلف بكل هدوء المارشدير يظبط ويجي جرب كدة وشوف النتيجة

الموضوع: مارشدير النيو لوجان

LinkBack

أدوات الموضوع

عرض

عندي كمان -

المواضيع المتشابهه

افضل لون فى النيو لوجان

صاج النيو لوجان

هشترى النيو لوجان

قطع غيار النيو لوجان !!

النيو لوجان

الكلمات الدلالية لهذا الموضوع

المفضلات

المفضلات

ضوابط المشاركة