حاجة غريبة فى فليشيا 2001

**adam abdoon** · 05-12-2014 05:20 PM

السلام عليكم

اخوكم عبدالوهاب
كنت قررت أجيب فتيس جديد للعربية فليشيا 2001 وجبت فتيس مكنة 1600 وانا مروح العربية بطلت دوارة ولقيت الدينامو مبيشحنش. المهم دورت بكابل ووصلت زفتى بفضل الله. روحي لكهربائى حل الدينامو وقال عاوز كتاوت وربما فعلا. جينا ندور مادارتش. وبعد ساعة محاولة زقناها للميكانيكى وبردو مفيش فايدة وركبنا الفتيس الجديد وهى واقفة على مادورنا على حد بكمبيوتر. وتانى يوم جه واحد كشف عليها وقال ده حساس كرنك وطرمبة بنزين. جبنا كهربائى محترم شوية حل الكنترول وشمه وكان ريحتو شياط يعنى اتحرق. بعد رحلة عذاب خمس أيام جيبتو استيراد ونقلت دائرة الشفرة من القديم ليه العربية دارت. وهنا حصل مشكلة اكتر من اللى فات. أولا الفتيس معيوب بس اتفقت مع التاجر ع التغيير.
ثانيا ودى مشكلتى الآن العربية بتعلى وتوطى وتنتش معايا. مع العلم كشفت كمبيوتر ومش مسجلة أعطال. غيرتالاتى كل على حده

حساس شكمان
حساس ايدل بالبوابة
حساس ورا المنفولد
بوجيهات
موبينة
ولا فيه أى تغير للاحسن.
ارجو من السادة الاعضاء من عنده حل أو إرشادي لشخص محترم ومحترف عنده حل.

لا أعلم المشكلة من الكنترول الجديد أم من الفتيس 1600اللى ركب على 1300انجكشن خصوصا أن حساس الكرنك القديم هو اللى راكب ع الفتيس الجديد.

واعتذر على الإطالة. والسلام عليكم.

01129990690

**EngAhmedSayed** · 06-12-2014 11:18 AM

هقول لسيادتك
على تحليل علمى بحت
موضوع الفتيس 1600 يركب على موتور 1300 كربرتير دة مكنش فى اى مشكلة و محدش اشتكى منه
اما الفتيس 1600 يركب على 1300 انجكشن هنا بقى دة الجديد هنا فى القسم
حضرتك من الاعطال المذكورة فى قفلة على الضفيرة و كله مدى قرأت خطاء

سيادتك
اولا تراجع على لوحة الفيوزات و لو فى فيوز قاطع تعرف قطع ليه و تعرف الفيوز دة بتاع اية و تمشى مع المسار الخاص بيه
ثانيا تراجع على ضفيرة الموتور
ثالثا تتاكد انى الفيش كلها نظيفة و ركبه كويس
رابعا تتاكد انى سنون الفيشة بتاعة الكنترول مفيش سنة فيهم مقطومة او مش موجودة

**EngAhmedSayed** · 06-12-2014 11:19 AM

نسيت اسالك

ترس الفولام اللى بينقل الاشارة الى حساس الكرنك اتغييييير او جه على زيت او شحم

و انا متابع معاك باهتمام

**EngAhmedSayed** · 07-12-2014 07:12 AM

يا دكتور عبد الوهاب
الحاجات البسيطة دى سيبها علينا احنا هههههههههههههههه
معنى انى الدينمو شغال و اللمبة بتاعة البطارية منورة
يبقى السليكونات (المقاومات) الصنايعية بيقولو عليها سيلكونات بتاعة الدينمو اتحرقة و كدة مسجلة عطل على كارتة الكمبيوتر الخاص بالعربية
اول حاجة لازم يتصلح بتغيير المقاومات دى
يأما تريح دماغك و غير الدينمو بدينمو تانى استيراد و ثمنه من 100 الى 150 جنية لانى هتكون تكلفة الاصلاح قريبة من التغير
متنساش الدينمو القديم تيبقى تاخده لانى ممكن تيبقى تاخد منه قطع غيار بعد كدة زى الكتاوت الشربونات طنبورة
استاذنك غيره و ان شاء الله المشكلة تتحل
لانى كدة باين فى تقصير للكهرباء
و انتا مشكلتك كهربا