اعمل عملية فى ظهرى وﻻ بلاش؟

**abdoumahros** · 06-12-2014 10:57 AM

المشاركة الأصلية كتبت بواسطة nagy wassef

متشكر جدا لزوقكم و ردودكم
انا فعلا مش مشجع العملية خالص و عامل زى العيال الصغيرة اللى خايفة تاخد الحقنة
شكلى هتجه للجلسات بس هستنى شوية لما اظبت ظروفى علشان الجلسات ديه التأمين مش بيغطيها
ربنا يمد ايده
دعواتكم

زميلي العزيز
انا والحمد لله عندي نفس مشكلتك من 15 سنه تقريبا لكن موش بنفس الشده
احيانا بكون في حاله معقوله واحيانا بيكون الالم جامد شويه وده مرتبط بزياده الوزن او لو حملت حاجه تقيله او حركه غلط طبعا عكس الاخطاء دي بيقلل الالم وكمان حقن فيتامين ب 12 بتساعد
انا معملتش العمليه لان الدكتور نصحني وقتها بذلك نظرا لاني استطيع الحركه والالم محتمل
لكن الايام دي جراحه العمود الفقري تطورت وليا 2 من اصدقائي عملوا العمليه ونجحت وبقوا طبيعيين
وزميل اخر عملها ولم تتحسن حالته بس عرفنا بعد كده انه وقع مع طبيب نصاب لم يقم بازاله الغضروف
نصيحتي ليك انك تجرب اولا تقليل وزنك وعدم حمل اي شئ يزيد وزنه عن 3 كيلو وتجنب الحركات العنيفه
ولو ده حسن من حالتك يبقا خلاص لكن لو مازال الام شديد رأيي انك تتوكل علي الله في العمليه وتشوف دكتور ثقه ومتجرب
بخصوص جلسات العلاج الطبيعي فالهدف منها ابعاد الفقرات عن بعضها لتقليل الضغط عن العصب
ومدي نجاحها بيتوقف علي الحاله وبصفه عامه هيا حل مؤقت
اما حكايه العصا فده برضه حل مؤقت بيساعد علي تقليل الالم وبرضه بصفه مؤقته والراجل بيستخدم عصايه او ملعقه بالضغط بين الفقرات لابعادهم عن بعض
وعلي فكره انا جربت كل ده

واخيرا واهم حاجه ان الشفاء من عند الله سبحانه وتعالي
وتمنياني لك بالشفاء العاجل

**nagy wassef** · 06-12-2014 12:43 PM

المشاركة الأصلية كتبت بواسطة abdoumahros

زميلي العزيز
انا والحمد لله عندي نفس مشكلتك من 15 سنه تقريبا لكن موش بنفس الشده
احيانا بكون في حاله معقوله واحيانا بيكون الالم جامد شويه وده مرتبط بزياده الوزن او لو حملت حاجه تقيله او حركه غلط طبعا عكس الاخطاء دي بيقلل الالم وكمان حقن فيتامين ب 12 بتساعد
انا معملتش العمليه لان الدكتور نصحني وقتها بذلك نظرا لاني استطيع الحركه والالم محتمل
لكن الايام دي جراحه العمود الفقري تطورت وليا 2 من اصدقائي عملوا العمليه ونجحت وبقوا طبيعيين
وزميل اخر عملها ولم تتحسن حالته بس عرفنا بعد كده انه وقع مع طبيب نصاب لم يقم بازاله الغضروف
نصيحتي ليك انك تجرب اولا تقليل وزنك وعدم حمل اي شئ يزيد وزنه عن 3 كيلو وتجنب الحركات العنيفه
ولو ده حسن من حالتك يبقا خلاص لكن لو مازال الام شديد رأيي انك تتوكل علي الله في العمليه وتشوف دكتور ثقه ومتجرب
بخصوص جلسات العلاج الطبيعي فالهدف منها ابعاد الفقرات عن بعضها لتقليل الضغط عن العصب
ومدي نجاحها بيتوقف علي الحاله وبصفه عامه هيا حل مؤقت
اما حكايه العصا فده برضه حل مؤقت بيساعد علي تقليل الالم وبرضه بصفه مؤقته والراجل بيستخدم عصايه او ملعقه بالضغط بين الفقرات لابعادهم عن بعض
وعلي فكره انا جربت كل ده

واخيرا واهم حاجه ان الشفاء من عند الله سبحانه وتعالي
وتمنياني لك بالشفاء العاجل

متشكر جدا لردك و اهتمامك
افهم من كلام حضرتك ان العملية حل مؤقت؟ يعنى ممكن ترجع المشكلة بعد كام سنة؟
3كيلو؟؟؟؟؟ طب اشيل العيال ازاى :(
شكرا لحضرتك و ربنا يشفينا جميعا

**abdoumahros** · 07-12-2014 10:52 AM

المشاركة الأصلية كتبت بواسطة nagy wassef

متشكر جدا لردك و اهتمامك
افهم من كلام حضرتك ان العملية حل مؤقت؟ يعنى ممكن ترجع المشكلة بعد كام سنة؟
3كيلو؟؟؟؟؟ طب اشيل العيال ازاى :(
شكرا لحضرتك و ربنا يشفينا جميعا

العمليه بتكون حل نهائي ان شاء الله بشرط الالتزام بتعليمات الطبيب بعد الجراحه
وطبعا لازم تحافظ علي نفسك علشان الغضروف مايرجعش تاني
اما حكايه 3 كيلو بس فا انا بقولك كده علشان عارف ان احنا المصريين موش بنلتزم اوي فلما اقولك 3 انت هاتخليهم 6 وده برضه كويس
وتمنياتي بالشفاء