السلام عليكم

حملة صيانة أعمل عربيتك بنفسك
(تغيير فلتر الهواء)


ان شاء الله هيكون موضوع مفسر و مبسط عن طريقة تغيير او تنظيف فلتر الهواء و انا حبيت ابداء بيه لعدة اسباب
اولا
معانا بعض الزملاء و الاخوة هنا فى القسم لا يفقهون اى شىء عن العربية فا هنبدأ معاهم من الالف
ثا نيا
اول شىء بيتفك عند صيانة الكربرتير او الموتور هو العمة بالكامل فا كدة نبدا بالموضوع ده

ثالثا
هيكون الموضوع شامل العدة و طريقة الفك و التركيب

رابعا
فلتر الهواء بيعتبر العامل الاساسى فى كفاءة الموتور


نسمى
بأسم الله الرحمن الرحيم




الادوات المستخدمة


مفتاح بيبة مقاس 10
وثمنه 5 جنية


مفك عادة وسط
و ثمنه 3 جنيه



فوطة صفراء
وثمنه 2 جنيه



اسبرى تنظيف WD 40 الصغيرة
وثمنه 8 جنية


دة بالنسبة للمعدات المطلوبة

بخصوص الخطوات الفك و التركيب

اولا هنفك مسامير الغطاء العمة بمفتاح بيبة مقاس 10
كما موضح بالصورة و عليها الاسهم المشارة الى 4 مسامير



ثانيا بالمفك العادة الوسط هنفك الكليبسات الموجودة على غطاء العمة
كما موضح بالصورة و عليها الاسهم المشار اليه


ثالثا نرفع الغطاء و هيكون بالشكل دة و اسفله فلتر الهواء



رابعا
نكشف على حالة الفلتر
يعنى لو بالشكل دة يبقى لابد من تغيره


و الفلتر الدائرى الخاص بالعربية
بيكون ثمنه من 20 الى 25 جنية



او فى حالة انو متوسط الاتساخ او اتساخ بسيط فا يفضل تنظيفه بالهواء عند اقرب محطة بنزين او مكان تغيير زيوت او مغسلة او مركز اصلاح الكاوتش


خامسا ننظف العمة من الداخل بالمنظف و الفوطة الصفراء لضمان عدم وجود اتربة
نرش اسبرى على الفوطة ثم نمسح العمة من الداخل ثم غطاء العمة
مع التحذير بعدم نفخ او سقوط اتربة فى فتحات الكربرتير

سادسا فك خرطوم او وصلة تغذية الهواء من العمة و تنظيفها بالغسيل بالماء البارد العادى
عن طريق سحبها من الكليبس المشار عليه بالسهم


ثم سحب الوصلة بالكامل لتنظيفها من الاتربة و العفار و الاتساخات
انا عن نفسى مرة بنظفها للقيت ريش جو الوصلة



راجع كل حاجة زى ما فكتها
مع الاخذ فى الاعتبار عند تركيب غطاء العمة له اتجاه تركيب و هو موضح على حرف العمة سهم مطبوع على الغطاء



نصيحة حاول تعمل شنطة عدة صغيرة فى العربية و تجيب العدة المذكورة هتنفعك تانى و تالت و سعرها ميجيش نص ثمن مصنعية الميكانيكة لو هتروح تغيير عنده الفلتر ما هو شغل بالنسباله

و الحمد لله على كل شىء

منتظرين تجارب الاخوة هنا فى القسم
و منتظرين تقييم الاداء بعد عملة فك و تركيب فلتر الهواء

تحياتى بالتوفيق للجميع
م / احمد سيد
منسق قسم سكودا