موضوع هام جدا (ازاي تغلي سعر عربيتك اوبل )

**ayman hamdy** · 07-12-2014 07:54 PM

المشاركة الأصلية كتبت بواسطة mecha

حضرتك دي مش الاعتماديه, اللي هيا مجاميع المحرك والفتيس والكهربا
العربيات مش معمولة عشان نخبط بعض والا الرخص تتسحب لسنين بالاضافه تدفع مصاريف الاصلاح او تغيير العربية

العربية يا فندم معمولة علشان تمشى على طرق وكمان بسرعة وكمان فى زحمة وكمان فى اخطاء الاخرين وكمان موتور وكروسلية زى العربية النقل بالضبط وكمان تصميم العربية المعقد دة معمول على الوصول الى اكبر درجة من الامان حسب اختبارات التصادم الاوروبية يبقى لازم تكون معرضة للحوادث لاقدر الله وكمان معرض حياتك وحياة اسرتك لاقدر الله للموت هى دى بقى الاعتمادية
دا يا راجل طيب عربية زميلنا عبد الرحمن حجاج طار بعربيته الفيكترا بى2 من فوق كوبرى ارتفاعه 10 متر وعلى سرعة فوق ال 200 كم فى الساعة والعربية نزلت رشق من فوق الكوبرى وطلع منها سلييييييييم مفيش غر الكروسلية اللى طبعا اتعجن تخيل بقى سيادتك لو بعربية كرولا ولا لانسر كان الله اكبر كل اللى فى العربية هيبقوا تونة بمعنى الكلمة
وراح اشترى واحدة تانية نفس الموديل ونفس المواصفات واعترف واقر بالجميل ان الفيكترا انقذته من موت محقق
دى قصة قصيرة للى ميعرفش يعنى ايه فيكترا بى ومش عايز ادخل فى تفاصيل كتير عن العربية لانى حفظها صم وعارف كويس انا راكب ايه لاننى مهما قلت محدش هيعرف اللى فيها غير اللى حفظها
وانا عن نفسى العربية مش محتاج اوديها لمكانيكى او كهربائي انا باعمل صيانتها بنفسى لانها اسهل ما يمكن بالنسبة لى وبفكها مسمار مسمار وسلك سلك على العلم انا معايا العربية اصعب موتور واصعب فتيس من وجهة نظر الصناعية الكفتجية
دا هشام اتش زميلنا بيفك المتور دا حتة حتة يا راجل وله موضيع كتيييير هنا عن كل مسمار فى الفيكترا بى ومننساش كمان اخويا فادى وزملاء اعزاء كتيير قتلنا تفنيط فى الفيكترا بى وتقولى معقدة والله العربية مفيش فيها اى تعقيد كل اللى فيها لازم واحد يكون فاهم علشان ما يعكش بس كدة مش تجيب لى كفتجى وتقول له اكشف كمبيوتر يقوم ماسك الجهاز بالمشقلب يا راجل دا هنا فى هولندا العربية دى تكاد تكون بدون اعطال ومطلوبة جدا فى الاعمال الشاقة لان معظمها بيركب لها قاطرة وبتجر كرفان اوقاطرة بتاع نقل حصان او قاطرة نقل اى اغراض
العيب يا عزيزى فى الميكانيكية والكهربائية الكفتجيىة اللى مبيعرفوش الالف من كوز الذرة مش فى العربية
تحياتى

**ayman hamdy** · 07-12-2014 08:22 PM

المشاركة الأصلية كتبت بواسطة mecha

حضرتك في هولندا جنب المانيا اللي مربي قرد عارف لعبه
هي عربية تقيله ومواصفات امان عشان autobahn وحلوه في الاجواء الباردة الاوروبية
تحياتي

هههههههههه
لاوالله القرد انا اشتريته من مصر واتربى فى مصر وانا اتعلمت كل شيئ عن القرد دا من مصر بمعنى اصح وادق من هذا المنتدى الاكثر من رائع تحياتى لكل الزملاء وكل القائمين على هذا المنتدى العظيم
على فكرة العربية مش معمولة للبلاد الباردة لان العربية منشرة فى الخليج ومعظم دول العالم مع اختلاف الاسم التجارى للعربية
تحياتى

**احمد فهمى** · 08-12-2014 09:39 AM

اختلفت وجهات النظر فى مواصفات السلامه واين يكمن عنصر الاعتماديه ببساطه قصة الصاج طبعآ فى صالح الالمانى لكن ده مش معيار السلامه يعني ببساطه فى عربيات رفارفها بلاستيك وواخده 5 نج م فى الامان من حوالي 8 سنين كنت على الزراعى وفيكنرا بي 2 دخلت فى اكسنت 1998 وش فى وش منغير فرامل ولا رحمه وزي كده اختبارات الحوادث فى الشركات والنتيجه بلا مبالغه العربيتين اتكسرو بشطل عجيب ويكاد يكون تلفيات العربيتين متساويه لازم نفهم ان حك عربيه او خبطه على سرعة 30 ملهاش علاقه بحادث حقيقى والشركات الكوري واليابانى مش بتلعب وفى وجهة نظرى الاعتماديه والامان شقين متكاملين يعنى مثلآ دبابه عطلانه والا 126 بتمشى ؟ الالماني معقد جدآ ولا يحل محلو الكورى او اليابانى فى اوروبا بسهوله لنوعية استخدام الاوروبيين يعنى مثلآ كنت فى المانيا بشوف الفيكترا a ساحبه كرفان وزنو معدى الطن وطالعه بي مطلع عادي جدآ وده مفيش يابانى او كورى يعرف يحققو بسهوله وده بيوضح ليه موانير الالمانى كانت low speed يعنى 1600 و73 حصان او 2000 و114 حصان زى الفيكترا والمرسيدس الهدف هو عزم المتور وليس التسارع وطبعآ ده مش هيفرق معانا محدش عندو كرفان فمصر لكن بشكل مجمل شوف كورى او يابانى عامل 150 الف كيلو والمانى وشوف ده غير ايه وعطل ايه عندو وشوف التانى هتعرف لوحدك مين اكثر اعتماديه