رينو لوجان ولا افيو ولا بي واي دي

**drmagdy** · 07-12-2014 12:52 AM

بسم الله الرحمن الرحيم

انا شغال مندوب بيع عاوز عربية واسعه لاني ضخم طولي 188 سم ووزني تقيل شوية ده جزء والجزء الثاني اني دايما معايا بضاعه مش اقل من 200 كيلو في العربية اية افضل عربية لاستخدامي ولاحظوا اني مش هقدر ادفع اكثر من 100 الف في العربية ( علي اساس ان الفلوس اللي معايا تكفي بس 40 % مقدم)

نحتار بين رينو لوجان او افيو او بي واي دي الصيني لو فية اقتراحات تانية ياريت اسمعها

شكرا مقدما علي تعبكم معايا

**georgedada82** · 07-12-2014 01:03 AM

حضرتك انزل اركب التلاتة في المعرض واعرف مواصفات التلاتة وشوف قطع غيار التلاتة اسعارهم ايه لان حضرتك مندوب بيع علي كلامك العربية طول النهار في الشارع
فرصتها في حدوث مواقف وخبطات ووو اكتر من العادي طبعا

**drmagdy** · 07-12-2014 03:06 AM

تست درايف لا معملتش

بس انا جربت الافيو واللوجان والاثنين واسعين

اسعار قطع الغيار تقريبا متساوية

الصيانه للافيو اسهل لان الوكيل قريب مني في شربين لكن اللوجان و البي واي دي في القاهرة

فرق السعر في صالح بي واي دي

فرق الصيانه وسعر اعادة البيع وتوافر قطع الغيار في صالح افيو

فرق الشكل في صالح لوجان

دلوقتي فرق التحمل في صالح مين عربية بتمشي 50 الف كيلو علي الاقل في السنة ودايما شايلة بضاعه