بفكر اغير سيفك 2007 لباسات 2006 او 2007

**sherif309** · 07-12-2014 10:37 AM

السلام عليكم يا رواد منتدى الفولكس الكراااام

كنت بفكر اغير من سيفك 2007 مفيهاش الحمد لله مشاكل ومريحانى جدا فى السحب والبنزين والتكييف عامله 170 الف بس بصراحه ربنا يباركلى فيها مفيهاش بس غير موضوع الوطيان دة ودة مدايقنى لانى مش عارف اركب حد معايا فصحابى واهلى بيزعلوا منى.
فكنت بفكر اركب جيتا او اوكتافيا والناس قلقونى من الاتنين فقولت اركب باسات بس الناس قلقونى من الفتيس والبنزين وقطع الغيار. فيا ريت حد يشرحلى الفرق بين fsi , tsi وموضوع بنزين 95 و 92 وهل دة فى موديلا وموديلات ولا كل الباسات كدة وقطع الغيار وسعر العربيه نفسه لو 2006 او 2007 تعمل تقريبا كام

وشكرا ليكوا وارجوا الافادة فى اسرع وقت

**mido_antouhh** · 07-12-2014 11:15 AM

معايا باسات 2006 مانتيول
االون اسود فيريكه دواخل بالكامل والخارج
رشه اكصدامين
فى اليكس

**sherif309** · 07-12-2014 11:23 AM

للاسف يا باشا مبعرفش اركب مانيوال.
ربنا يباركلك فيها

**sherif309** · 08-12-2014 10:22 AM

ايه يا جدعاان مفيش حد هيفدنى ولا ايه

**alzelafy** · 08-12-2014 10:28 PM

بص يا كبير الفرق كبير طبعا لصالح الباسات انا خالى كان بيشترى من سنه و شهرين و كان فى سيفيك 2008 برة و جوة زرقاء بتتباع و كان سعرها حلو بردو جربناها العربيه حلوة و شيك و استايل بردو بالمقارنه باليابانى اللى زيها لكن الباسات حاجه تانيه خالص السيفيك عايزة معامله خاصه و حط تحتها الف خط و قطع غيارها تقريبا مقاربه للباسات السيفيك حسيت بخفه وزنها على الطريق فى الجرى و بحس بتفاصيل الطريق كلها فى العربيه الباسات تقيله وراسيه اكتر البودى بتاع العربيه ككل اقوى بكتيير و دة بتحسو و انتا بتفتح باب الباسات .... الباسات اوسع كصالون و انوار داخليه و تكنولوجى و فخامه و جاذبيه عن الهوندا السيفيك .... السعر متقارب تقريبا بس الشاطر اللى يركب حاجه صح بالفلوس دى ...... الباسات واطيه بردو على الارض بس انتا هات طقم كاوتش عالى هيظبط الاداء معاك لو طقم 16 هاتو على 60 و لو 17 يبقى على 50 او 55 كدة العربيه ظبطط معاك و متخافش من اى مطب ....... البنزين عادى 92 مفيش مشكله .......... العربيه اتحفظت فى الحرفيين كصيانه و الموديل ال 2006 او 2007 متخافش من الفتيس و لو عايز باسات تعيش معاك العمر كله هاتها مانوال اعتبر العربيه دى مش هتعطل الا بعد 12 سنه من الشغل و العذاب

**Omar Mahmoud** · 12-12-2014 03:12 PM

السيفيك فئة اقل من الباسات

**Mohanadyasser** · 06-01-2015 03:48 PM

انا معايا باسات 2009 الفتيس القديم و المكنة الFsi بتاخد 92 عادى و قطع غيارها رخيصة و موجودة مشكلتها ان سحبها وحش شوية و تكيف مش قد كده ، بس عربية عالية و فرملها ممتازة و ثابتة جدا.