الموضوع: هوندا سيتي 2015

عربية اعتمادية لاقصي درجة وحمالة قسية وقرص ومطبات .. معايا من ٢٠٠٨ ومغيرتش غير القطع الاستهلاكية تيل وفلاتر وموفرة جدا في البنزين .. وحتي لو هتشتري قطع غيار ما تشتريش غير الاصلية حتي لو غالية شويه بس صدقني تستاهل كل قرش فيها هتعيش معاك العمر كله

السلام عليكم

انا برده اتفرجت عليها فى توكيل ابو رواش مره و عجبتنى اوى ورحت توكيل اللى فى كايرو فيستفال و سألت على قطع الغيار و قالى الفانوس الامامى العادى سعره 1870 و المرايه اليمين بدون اشاره سعرها 780

فعلا عربيه كمواصفات و اسعار ممتازه. المشكله انها مش منتشره (الشكل القديم) فهل لو حاجه التوكيل غاليه ممكن الاقى حاجه استيراد او غير اصلى؟؟؟

موضوع عدم الانتشار فعلا مشكله كبيره بيحطك تحت درس الوكيل

انا معايا البومه و اى حاجه بتحتاجه اول واحد بكلمه هو الوكيل. لقيته مأفور فى السعر بجيب استيراد او غير اصلى و البدائل كتير

ياريت شباب الهوندا و خصوصا السيتى يفيدونا

التوفيق للجميع و فعلا قار التغيير و اختيار عربيه تانيه ده صعب

المشاركة الأصلية كتبت بواسطة asuity

السلام عليكم

روحت شوفت هوندا سيتي الجديدة. عربية باختصار تحفة فنية.
فئتين الاولى 158 الف والتانية 179 الف جنيه.
الهاي لاين فيها كل حاجة تقريبا ما عدا فتحة السقف وفوجئت انها واسعة جدا من جوة.
ازاي عربية زي دي مش منتشرة زي عربيات اقل منها في كل حاجة.

السؤال دلوقتي العربية دي كويسة ولا لا. اعطالها كتير ولا بنت ناس
السؤال التاني قطع غيارها برة التوكيل موجودة ولا مقرفة واسعارها ايه
السؤال التالت التوكيل فاهمين ولا بيجربوا في الزباين
اخيرا الاستلام هيكون نص فبراير 2015.
تنصحوني اجيبها ولا لا؟

اشكركم جميعا

متحطش فى بالك قوى موضوع فتحة السقف لإنها مش ميزة قوى فى مصر .فى الشتاء مقفولة دايما و فى الصيف مقفولة دايما ( حر و مشغل التكييف أو إزعاج و كلاكسات التكاتك و الميكروباصات أو عادم و قرف داخل فى صدرك )

السيتى عربية شيك جدا وواسعة لكن الفئة الاولى ب159 وناقصة كماليات كتير موجودة فى عربيات بنفس سعرها زى الفلوانس الفئة الاولى اوتو

مساء الخير يا جماعه انا عاوزه احكيلكم عن قصتي مع عربيتي السيتي ومعلش ان كنت هاطول عليكم بس عاوزه استفسر عن شويه حاجات بعد اذنكم معرفش دا عادي فيها وللا انا اللي موسوسه
أنا اشتريتها في شهر 10 الماضي بس الموديل اللي قبل 2015 الفئه الاولى واشتريتها بعد ما كنت دوخت من البحث عن سيارة جيده لان مكنتش عاوزه لا كوري ولا صيني طبعا ، وكان عندي مشكله كبيره أولها السعر وثانيها اعتمادية السيارة وتوكيلها وكان انسب حاجه لاقيتها وقتها هيا البيجو 301 لكن بمتابعتي لها ابتديت اقرا عن مشاكل الفرامل وغيره فقلقت وصرفت نظر عنها وانا محبطه جداا .. وبعد بحث داام 4 شهوور ومقارانااات كتييير ومتابعه طويييله لانواع كتير هنا لمحت الهوندا وابتديت أقرأ عنها كتيير وحسيت انها هايله خصوصا لما عرفت مواصفاتها:

موتور vtec اللي قريت انه تحفه والجير الCVT وطبعا وجود الِABS ، EBD وكمان فيه مثبت سرعه بالاضافه ان حجمها تحفه وواسعه ومريحه من الداخل جدا وموفره جدااا في البنزين ودا لمسته بنفسي ، وجه السعر بقه حسم الموضوع بالنسبه لي خاصة ان المعرض اللي اشتريتها منه كان بيبعها ب140 الف بدل 145 الف (يعني ارخص من التوكيل ) ودا لان موديل 2015 كان ابتدى ينزل وعاوز يخلص الاستوك اللي عنده وطبعا دي كانت فرصه كويسه جدااا

الاستفسارات بقه:
اولا : انا باحس ان صاجها خفيف وباحس بالمطبات قوي ولما سالت في الصيانه وانا باعمل صيانة ال1000 كم قالولي ان طبيعة العفشه ناشفه شويه

ثانيا: باحس انها خفيفه على الطريق يعني اول ما بازود السرعه شويه بالاقيها فيها رجه او حاجه زي الرعشه البسيطه كده ( معرفش دا ممكن يكون سببه اني لسه ماطلعتش بيها على طريق سريع وللا فيه حاجه تانيه ) خصوصا اني لسه ما كملتش 5000 كم لاني موش باتحرك بيها كتيير ...

ثالثا: باحس ان عزلها موش حلو قوي لاني بالاقيها بتترب من جوه بسرعه قوي

ويا ترى ده برضه موجود في الجديده وللا تلافوا الحاجات دي خصوصا ان زيادة 20 الف في الفئة امبلغ كتييير حبتين من وجة نظري خصوصا لو قائم على تغيير الشكل فقط

واسفه اني طولت عليكم

العربيه جميله شكل داخلى ووسع وخارجى وامكانيات مش بطاله بس معرفش ليه مش منتشره كتير فى مصر وهل هيا حتنافس عربيات تانيه زى كيا والمازدا ونيسان معرفش انت شوف التوكيل وشوف الاسعار والقرار قرارك انت

المشاركة الأصلية كتبت بواسطة مروه الجنجيهي

مساء الخير يا جماعه انا عاوزه احكيلكم عن قصتي مع عربيتي السيتي ومعلش ان كنت هاطول عليكم بس عاوزه استفسر عن شويه حاجات بعد اذنكم معرفش دا عادي فيها وللا انا اللي موسوسه
أنا اشتريتها في شهر 10 الماضي بس الموديل اللي قبل 2015 الفئه الاولى واشتريتها بعد ما كنت دوخت من البحث عن سيارة جيده لان مكنتش عاوزه لا كوري ولا صيني طبعا ، وكان عندي مشكله كبيره أولها السعر وثانيها اعتمادية السيارة وتوكيلها وكان انسب حاجه لاقيتها وقتها هيا البيجو 301 لكن بمتابعتي لها ابتديت اقرا عن مشاكل الفرامل وغيره فقلقت وصرفت نظر عنها وانا محبطه جداا .. وبعد بحث داام 4 شهوور ومقارانااات كتييير ومتابعه طويييله لانواع كتير هنا لمحت الهوندا وابتديت أقرأ عنها كتيير وحسيت انها هايله خصوصا لما عرفت مواصفاتها:

موتور vtec اللي قريت انه تحفه والجير الcvt وطبعا وجود الِabs ، ebd وكمان فيه مثبت سرعه بالاضافه ان حجمها تحفه وواسعه ومريحه من الداخل جدا وموفره جدااا في البنزين ودا لمسته بنفسي ، وجه السعر بقه حسم الموضوع بالنسبه لي خاصة ان المعرض اللي اشتريتها منه كان بيبعها ب140 الف بدل 145 الف (يعني ارخص من التوكيل ) ودا لان موديل 2015 كان ابتدى ينزل وعاوز يخلص الاستوك اللي عنده وطبعا دي كانت فرصه كويسه جدااا

الاستفسارات بقه:
اولا : انا باحس ان صاجها خفيف وباحس بالمطبات قوي ولما سالت في الصيانه وانا باعمل صيانة ال1000 كم قالولي ان طبيعة العفشه ناشفه شويه

ثانيا: باحس انها خفيفه على الطريق يعني اول ما بازود السرعه شويه بالاقيها فيها رجه او حاجه زي الرعشه البسيطه كده ( معرفش دا ممكن يكون سببه اني لسه ماطلعتش بيها على طريق سريع وللا فيه حاجه تانيه ) خصوصا اني لسه ما كملتش 5000 كم لاني موش باتحرك بيها كتيير ...

ثالثا: باحس ان عزلها موش حلو قوي لاني بالاقيها بتترب من جوه بسرعه قوي

ويا ترى ده برضه موجود في الجديده وللا تلافوا الحاجات دي خصوصا ان زيادة 20 الف في الفئة امبلغ كتييير حبتين من وجة نظري خصوصا لو قائم على تغيير الشكل فقط

واسفه اني طولت عليكم

نتكلم نقطة نقطة:
1- بالنسبة للصاج عموما الياباني كله صاجه خفيف سواء تويوتا او هوندا وده لا يعد عيب .. وبالنسبة للعفشة الهوندا كلها عفشتها ناشفة شوية بس بتعيش جدا معاكي خصوصا في شوارع ومطبات مصر

2- العربية خفيفة شويه علي السرعات العالية من بعد 140 وموضوع الرعشة ده لازم تكشفي عليه احتمال يكون العجل عاوز ترصيص او فيه عيب في الكاوتش مع ان عربيتي ماشاء الله داخلة علي 90 الف وعمري ما عملت ترصيص ولا ضبط زوايا ..

3- بالنسبة للعزل اختلف جدا معاكي لانعزل العربية ممتاز .. تحكمي عليه وانتي علي السرعات العالية مع صوت الهوا.. انما مش بكمية التراب اللي بتدخل العربية لان الجو اساسا في مصر كله تراب

متشكره جدا على الرد يا استاذ احمد واحتمال برضه تكون الرعشه دي محتاجه ترصيص او ظبط زوايا لاني مره نزلت في حفره محترمه ومره تانيه واحد رمى عليا جامد وانا بآخد ملف فاضطرني اجنب جامد ناحية الرصيف وعجله منهم خبطت فيه