طيب ياباشا لو موديلين دانلوب ( نفس الماركة اهو ) موديل فيهم ال traction A و ال treadwear 300 والموديل التاني AA وال treadwear 240 نختار ايهما ؟؟؟؟؟
وايه راي حضرتك فالدانلوب عموما من حيث الفرامل والصوت واحساس المطبات ؟؟؟؟
عرض للطباعة
الموضوع يعتمد عليك انت :)
الموديل الأول (Traction A - Treadwear 300) ثباته كويس وعمره أطول
الموديل الثاني (Traction AA - Treadwear 240) ثباته أحسن وعمره أقصر..
وده طبيعي على فكرة... لإن كل ما كان الكاوتش طري ثباته بيبقى أحسن بس بيتاكل أسرع.
علشان كده بسألك... إنت إيه اللي يهمك أكتر؟؟ ثبات ولا عمر؟؟؟
أسهلها عليك..
لو سواقتك عادية ولما بتسافر بتمشي في حدود الـ140 مثلا... يبقى هات الموديل الأول.
لو سواقتك كلها غرز وملفات عفية.. وأغلب الوقت بتسافر ماشي فوق الـ140.. يبقى هات الموديل التاني
وأنا أتوقع إن الموديل الأول يعيش معاك حوالي 4 سنين .. والتاني 3 سنين.. لو سواقتك من النوع الأولاني.
لو سواقتك من النوع التاني.. نزل العمر حوالي 30-40 %
...
الدنلوب من الماركات المحترمة من زمان
أنا أفتكر إني كنت بشوف إعلانات لدنلوب من أكتر من 30 سنة..
عموما.. كل ماركة عندها أنواع حسب الاستخدام..
بالنسبة لموضوع الصوت .. فأحيانا بتبقى الفردة مكتوب عليها إنها "silent" أو "quiet".. بس غالبا النقشة بتبقى شكلها "غير رياضي"
طيب تقدر تجيب رقم موديل الفردتين واحنا نقارنلك من على الموقع علطول؟؟.. أكيد حتلاقي تفاصيل أكتر.
...
لف شكر ياباشا وهحاول اجيب ارقام الموديلات.
لو تحطلي الموقع الرسمب لدانلوب يبقي تمام ادخل اتفرج ممكن اعرف الموديل من النقشة.
مع أحترامي لكلام حضرتك ممكن تقولي ايه الفرق ما بين موتور 1600 سي سي للعربيه الهيونداي الفيرنا و ما بين موتور الجتا 2013 1600 سي سي بردك (أكيد فى فرق كبيييييييييييييير اكيد الأتنين مش زي بعض حتى لو فيه تقارب فى ال0هورس باور بتاعهم) الفرق فى السبيكه المصنع منها الموتور و كمان الفرق في الديزاين بتاع الموتور)
مبدئيا انا تاجر كاوتش و بطاريات و قريت كتيييييير جدا فى الموضوع و الفرق جوهري حتى ولو تساوت القراءات بتاعت الحراره و الأحتكاك و مواصفة الدفيره المعدن المكونه للأطارات الفرق فالخامات المصنع منها الكاوتش ألى هى الرابر المصنع منه الكاوتش.
فالماركات الغالمية طبعا الأعتمادية عليها عاليه جدا و على سبيل المثال واحد كان معاه فورد أكبديشن كان نازل فيها كاوتش كونتنتال أمريكي راح ركب كومهو كوري نفس المواصفه بالظبط و كان كل الفرق فالفرده الواحده 250ج وقولتله ان الفرده سيئه جدا و نبهته بس 1000ج فرق كان كفيل انه يصر على الكومهو . فرده فرقعه منه وهو ماش 140 و اقصى مشيه كان 170 بالفرده مكملتش معا 25000ك و كانت السبب فى كسر الأكصدام الخلفى و الفانوس الخلفى و الزجاج الجانبيى لما الفرده لوشت فى العربيه وده كلفه فالتوكيل حوالي 17000ج . فالفرده الكوري بلح بلح بلح و لو لاقيت فرده الرابر بتعها محتر و الضفيره محترم هتلاقيها فى غلو الأوربي و الياباني و الأمريكي فبلح بردك.
اما بالنسبة للنتيرتوجين اكيد أفضل بس المفروض انك الصح انك تظبط الهوا كل 10 أيام بالكتير هتطر انك تزو هوا عادي فبلح بردك.
الرجاء فى حاله ابداء الرأى فى الكاوتش الرجوع الى قسم الأطارات هنا فى المنتدي و القراءه جيدا قبل ما تقول لان الموضوع فالكاوتش بالذات حياه او روح.........
طيب يعني دلوقتي نقدر نقول ان في اجماع شبه جماعي علي ان الدانلوب الياباني افضل من الكوري حتي لو مواصفات الكوري اعلي.
علي بركة الله. توكلنا علي الله.
الف شكر لكل الرجالة اللي شاركت واللي اتفرجت من غير ماتشارك.
الف مبروك مقدما
الدانلوب
اليابانى فقط
كاوتش روعة الروعة وانا مستمتع بيه للسنة ال 8 دلوقتى ولا بينام وبزوده كل فين وفين هوا عادى
فرامل ممتازة
هدوء
ثباااات
مريح العفشة تماما
والاهم
مبيعملش بلالين وعلى فكرة ممتع عن البريدجستون اليابانى حتى ومعمر جدا ومبيتاكلش بسهولة خالص
و
دا من اول السته الكبار اللى بتناسب الطرق المصرية وشوارعنا الجميلة
الدانلوب ... اليابانى فقط
البريدجستون ... اليابانى فقط
الميشلان ... الفرنساوى فقط
التويو ... اليابانى فقط
الفالكون ... اليابانى فقط
اللاسا التركى من مصانع بريدجستون وكيله غبور
ملحق:قائمة شركات الإطارات الهوائية - ويكيبيديا، الموسوعة الحرة