الموضوع: ايهما افضل ياشباب ؟؟؟

كلهم بلح
خليك فالبرادات النضيفه أحسنلك من العك ده بريدج استون . جوديير . ميشلان . بريللي. تويوو . كونتنتنال . بلاش كوري و ماليزي بلح خااالص و اى حد هيقولك مجربه و ممتاز قوله الى مدقش اللحمه تعجبة الكرشه............. ههههههههههههههههه.
و بلاش نيتروجين خليك فى العادي لانك فى النهايه هتزود هوا عادي

المارشال اللي شوفته كان مقاسه 225/45/ 17. وكانت السرعة z والحرارة a والتماسك aa وانتاج 2014. كوري

وشوفت دانلوب ياباني بس مواصفات اقل شوية . فمحتار بصراحة.

ايه رايكو ياشباب ؟؟؟؟

المشاركة الأصلية كتبت بواسطة borio1704

أنا بالنسبالي موضوع السرعة ده مش مشكلة قوي

بساطة كده.. الكاوتش اللي عليه h بيستحمل لحد سرعة 210

تجيب كاوتش أعلى من كده ليه؟؟


أنا شايف إن اللي فعلا يفرق معاك هو كود التماسك إنه لازم يكون a... وكود الحرارة ما يقلش عن b نهائيا.. والأفضل يكون a طبعا..

ما تنساش كمان تبص على كود التآكل (treadwear).. وحاول تاخد فردة تعيش معاك شوية.. يعني الرقم ما يقلش عن 300

عموما.. الدنلوب صوته أهدى بكتير في المشي.. ودي حاجة مهمة لو بتحب السواقة الهادية.

أولوياتك هي اللي بتحدد



...

هو فعلا كود السرعة مش مهم اوي بس لما يبقي معاك رينج واسع يبقي افضل خصوصا لو في بلد سرعة ال 120 هي الطبيعي طول الوقت. فاهم اواوياتي الحرار عشان فالصيف بتوصل ل 48. وطبعا التاكل لان الاستعمال يومي ومسافات طويلة.

وشك ا ياباشا علي كود التاكل ده ااني اول مرة اسمع عنه فهيتاخط فالاحسبان ان شاء الله.

عموما علي مارشال كماركة كويس لاني مايل ليه عن الدانلوب والهانكوك مش عارف ليه ؟؟؟؟

دلوقتي ياشباب انا استقريت علي نوعين هختار منهم ان شاء الله . الاول دانلوب ياباني والتاني مارشال كوري.

الاتنين زي بعض فالمقاس والمواصفات كلها temp A . Traction AA الاختلاف بس فال treadwear الدانلوب 240 و المارشال 360 فايه رايكو ياشباب ؟؟؟؟

مع العلم ان فيه موديل تاني للدانلوب ال treadwear 300 بس ال traction A مش AA.

فايه رايكو ترشحو ايه من الثلاث موديلات دول ؟؟؟؟

المشاركة الأصلية كتبت بواسطة monamize4

imo ,,
نستبعد التالت (موديل الدانلوب اللى ليه traction ِِa) و نختار ما بين ال2 اللى ليهم traction aa
يبقى الاختيار مابين الموديل الاول و التانى اللى الفرق بينهم ف ال treadwear

الفكرة بقى ان ال treadwear لما بيقل ,, يبقى الكاوتش هيتأكل اسرع
لكن ف المقابل هيدى اداء افضل للفرامل (لان ليه cof افضل) و العكس صحيح
(و ان كان مش من المستحب اننا نقارن treadwear ماركة معينة ب treadwear ماركة تانية
و الاصح ان المقارنة ف ال treadwear تكون مابين موديلات تابعة لماركة واحد
لكن برضه هيفضل الفرق ملحوظ مابين 360 و 240)

و بالتالى ياباشا الاختيار يرجع ليك
رأى الشخصى ان الكاوتش هو روح العربية و سبب رئيسى جدااااااا ف معظم الحوادث
و ماينفعش نسترخص فيه و بالتالى انا بميل للموديل الاول (الدانلوب)

تسلم ايدك ياباشا. وانا برده عقلي الباطن عمل زي حضرتك كدة استبعد التالت. وفسره اختار الدانلوب بس طمعان فال 360 بس عزاءه ان اكيد 240 ياباني افضل او يعادل 360 كوري.

وفعلا معاك حق العجل او روح العربية غير انه هيركب وهيفرم مشي عشان كدة الميزانية عمالة تعلي لاني مستخسر ادفع مبلغ وكان ممكن ازود حاجة بسيطة واجيب افضل منه. وبعدين مش كاوتش للعمر يعني ده من الاستهلاكات فلو عمل سنتين تلاتة يبقي تمام اوي وكدة كدة لازم يتغير عشان هيبقي عدي علي انتاجه سنتين تلاتة وممكن يبدء يشقق.

وبعدين في مواضيع هنا قارتها بتقول ان الدانلوب الياباني ناعم ومطباته مكتومة وملوش صوت غير ان فرامله حلوة. فهل ده كلها حضرتك باني عليها اختيارك ولافقط من خلال معطيات الفاكتورز ان كلها a ؟؟؟؟؟