نيسان تيدا اصبحت " ارخص " سيارة سيدان في امريكا - ارخص من الصيني في مصر :)

**MTAK** · 01-11-2008 10:44 PM

المشاركة الأصلية كتبت بواسطة amrnader

انا كنت متقبل التيدا على الرغم من شكلها الغبى، لكن دلوقتى كرهتها بجد.

اخى الكريم
زعلتنى شوية تلك الكلمة التى ذكرت بها شكل السيارة

الحمد لله تقريبا انا من اوائل الناس بالمنتدى ممن اقتنوا تلك السيارة
و لا ادافع عنها عمال على بطال "مش ابويا صاحب مصنعها"
و لكن لولا اختلاف الاذواق لبارت السلع
الشكل ممكن لا يكون مقبول لدى البعض و لكن وصفه بالغبى يندرج على من اقتناه
و كم من سيارة سابقة كان شكلها غير مهضوم لدى البعض فى بدايات انتاجها و مع الوقت تفهم الناس معنى الشكل او اعتادوا عليه و لا توجد سيارة يجتمع عليها الناس كلها "انا اعرف ناس لا تقبل شكل المرسيدس "
اخى ارجو ان يكون الوصف اقل حدة
---------------------------------------

اخى كريم بالنسبة للسعر برة و جوة
دى مش حاجة جديدة علينا
كل العربيات تقريبا سعرها بره ارخصصصصصصصصصصصص بكتير من جوه
مثلا عربيه تاون اند كانترى
اعرف واحد كان عايز يجيبها
فى امريكا 37 الف دولار
فى مصر 750 الف جنيه
و سمعت مثلا ان النيسان الاكس تريل الوكيل واخد فيها 80 الف زيادة :k37:

اعتقد ان الحكاية دى عادى
فى العربيات و فى معظم امورنا الحياتيه
و لا نملك الا ان نقول
حسبنا الله و نعم الوكيل

**M.Osman** · 01-11-2008 11:15 PM

حرام والله ....

الشعب هنا مش عارف يشترى حاجة بحق ربنا ...

**CryptonX** · 01-11-2008 11:51 PM

المشاركة الأصلية كتبت بواسطة MTAK

اخى الكريم
زعلتنى شوية تلك الكلمة التى ذكرت بها شكل السيارة

الحمد لله تقريبا انا من اوائل الناس بالمنتدى ممن اقتنوا تلك السيارة
و لا ادافع عنها عمال على بطال "مش ابويا صاحب مصنعها"
و لكن لولا اختلاف الاذواق لبارت السلع
الشكل ممكن لا يكون مقبول لدى البعض و لكن وصفه بالغبى يندرج على من اقتناه
و كم من سيارة سابقة كان شكلها غير مهضوم لدى البعض فى بدايات انتاجها و مع الوقت تفهم الناس معنى الشكل او اعتادوا عليه و لا توجد سيارة يجتمع عليها الناس كلها "انا اعرف ناس لا تقبل شكل المرسيدس "
اخى ارجو ان يكون الوصف اقل حدة
---------------------------------------

اخى كريم بالنسبة للسعر برة و جوة
دى مش حاجة جديدة علينا
كل العربيات تقريبا سعرها بره ارخصصصصصصصصصصصص بكتير من جوه
مثلا عربيه تاون اند كانترى
اعرف واحد كان عايز يجيبها
فى امريكا 37 الف دولار
فى مصر 750 الف جنيه
و سمعت مثلا ان النيسان الاكس تريل الوكيل واخد فيها 80 الف زيادة :k37:

اعتقد ان الحكاية دى عادى
فى العربيات و فى معظم امورنا الحياتيه
و لا نملك الا ان نقول
حسبنا الله و نعم الوكيل

اخي MTAK

صحيح كلامك بس في فرق كبير بين المثالين .

انا دلوقتي بقارن سيارة 1600 سي سي بنفس مواصفتها و بكل شيء .. من غير دخل الجمارك .

بمعنى جمارك التاون اند كونتري تقريبا 200% او حاجة كدة فكدة كدة مش عادل ان احنا نقارن

انما لما سيارة 1600 هي هي الي موجودة في مصر حتى من غير ال GPS و العك بتاع برة و بعد اضافة الجمارك يبقى سعرها فارق $7.000 ( 7 الاف دولار كاملة ) عن مصر هو ده الي غريب جدا .

يعني لو كانت 1800 و جماركها 135% حتبقى اغلي طبعا من عندنا و ده مقبول بما ان الجمارك هي المشكلة .

انما لما تكون بنفس المحرك و نفس المواصفات و ارخص $7000 بعد الجمارك مش قبلها هو ده التساؤل الكبيييييييييييير ! و هو ده قصدي ..

بمعنى لو قارنت اي سيارة في مصر .. مثلا الفيات ليينا الي هنا تمنها 119 الف جنيه مصري ( الكاملة ) تمنها في اوروبا ما يعادل 75 الف جنيه من غير جمارك .. نضيف الجمارك تبقى تمنها 110 - 115 يعني التوكيل مزود 3-4 الاف جنيه عن تمنها و ده مقبول ..
انما مش 35 الف جنيه مرة واحدة .

**CryptonX** · 02-11-2008 01:25 AM

مش معنى اني بقول ان سعرها مبالغ فيه يبقى انها سيارة سيئة او جيدة .. انا بتكلم عن سياسة توكيل في مصر .

و في راي الشخصي سبب زيادة سعرها بقى مفقوس جدا .. و هو انه لو نزلها بسعرها فعلا الصني حتبقى ايه فايدتها ؟

و ده يرجعنا لسؤال كبير اخر ... الصني المجمعة محليا .. هل هي " تساوي " هذا الثمن الان ؟

- عملاين نقول الانوس و الفرنا مبالغ في سعرهم .. بس محدش قال حاجة عن الصني .. ياترى ليه ؟

- انا لا املك الاجوبة انا بتحاور معاكم .

**meeezo333eg** · 02-11-2008 02:06 AM

يا جماعة فيه حاجة مش واخدين بالكو منها
ال 10000 دولار دول فى امريكا ولا حاجة خالص يعنى ممكن يكون مرتب شهر لمواطن اقل من متوسط الحال
ده اوباما فى مناظرة ليه مع المرشح التانى بيقوله انا عايز الغى الضرائب عن المواطن الفقير اللى دخله اقل من 250000 دولار فى السنة يعنى حوالى 20000 شهريا

**ayman** · 02-11-2008 04:57 PM

نيسان فيرسا سعرها فى امريكا 12880 دولار (الاس) 15640 دولار (الاس ال) وهى 1800 سم3 ولو شلت الجمارك فى امريكا وهى 8 فى المائه يبقى السعر بعد خصم الجمارك 11849 دولار و14388 دولار على التوالى ومع العلم ان مواصفات التيدا الموجوده فى مصر هى تقريبا مواصفات (الاس ال) يرجى الرجوع للموقع Comparison on Yahoo! Autos.mht لبيان كافه المواصفات واذا رفعنا مبلغ 1000 دولار فرق بين 1600 و1800 يبقى السعر التقريبى 13388 دولار مع العلم ان سعر السياره تيدا فى دبى 52000 درهم ولو رفعت نسبه الجمارك وهى 4فى المائه يبقى سعرها 49920 درهم وهى تعادل 13565 دولار وهو تقريبا نفس السعر الموجد فى فى امريكا لو افترض وجود 1600 فى امريكا اى ان المبلغ بالجنيه المصرى 75422 جنيه مصرى وبفرض ان مكسب الوكيل فى دبى يعادل مكسب الوكيل فى مصر اى ان الجمارك وضريبه المبيعات فى حدود 45000 جنيه واعتقد ان الجمارك لن تقل عن ذلك والاخلاصه ان سعر التيدا فى مصر ليس مبالغ فيه وانما هو سعر واقعى وليس مبالغ به بالمره مثل سيارات يبانيه اخرى

**CryptonX** · 02-11-2008 10:02 PM

المشاركة الأصلية كتبت بواسطة ayman

نيسان فيرسا سعرها فى امريكا 12880 دولار (الاس) 15640 دولار (الاس ال) وهى 1800 سم3 ولو شلت الجمارك فى امريكا وهى 8 فى المائه يبقى السعر بعد خصم الجمارك 11849 دولار و14388 دولار على التوالى ومع العلم ان مواصفات التيدا الموجوده فى مصر هى تقريبا مواصفات (الاس ال) يرجى الرجوع للموقع Comparison on Yahoo! Autos.mht لبيان كافه المواصفات واذا رفعنا مبلغ 1000 دولار فرق بين 1600 و1800 يبقى السعر التقريبى 13388 دولار مع العلم ان سعر السياره تيدا فى دبى 52000 درهم ولو رفعت نسبه الجمارك وهى 4فى المائه يبقى سعرها 49920 درهم وهى تعادل 13565 دولار وهو تقريبا نفس السعر الموجد فى فى امريكا لو افترض وجود 1600 فى امريكا اى ان المبلغ بالجنيه المصرى 75422 جنيه مصرى وبفرض ان مكسب الوكيل فى دبى يعادل مكسب الوكيل فى مصر اى ان الجمارك وضريبه المبيعات فى حدود 45000 جنيه واعتقد ان الجمارك لن تقل عن ذلك والاخلاصه ان سعر التيدا فى مصر ليس مبالغ فيه وانما هو سعر واقعى وليس مبالغ به بالمره مثل سيارات يبانيه اخرى

جميل اوي بس مع احترامي لحضرتك النسخة ال SL ال 1800 مختلفة تماما عن مواصفات النسخة في مصر

النسخة الي في مصر طرحت الان في امريكا بنفس المحرك و سعرها 10 الاف دولار .. يعني الموضوع محسوم نهائيا . من غير دبي ولا اي حسابات اخرى ...