الموضوع: لماذا لا يوجد نيو تيجو مانيوال او اوتوماتيك في السوق الان؟؟؟؟

المشاركة الأصلية كتبت بواسطة said.d.y

اعتقد التيجو 1600 اتوماتيك 2015 افضل عربية فى كل العربيات الحضرتك ذكرتها ، خاصة فى مستوى السعر 130 الف جم.
موش منطقى نزعل من ان التيجو تجميع محلى (يعنى ليها مصنع وتوكيل كبير - رغم وجود سلبيات) ونروح للشانجان عربية ملهاش اب ولا ام ولا حد سمع عنها ، صفقة اشترها تاجر لنجحت لفشلت.
المفروض ومن المنطقى العربية البتتجمع فى مصر بيكون ليها وجود فى السوق ووراها دعم اقوى موش العكس.
وبعدين المقارنة بين صيني وصينى مفيش جديد.
الداستر مانيوال وملهاش سوق خالص وسعر إعادة البيع بتاعها فى الأرض (انا مقربتش من جودة وكفاءة العربية)
فى النهاية دى رأى شخصى وربنا يوفق كل واحد فى الخير ان شاء الله.

بص عربيه قصاد عربيه الداستر افضل بمراحل من التيجو وتنافس عربيات اعلي

الشانجان انا متكلمتش عنها الا بعد ما بقا ليها سوق وباعت عربيات كتيير خلال السنه اللي فاتت

وبقارنها بالتيجو لان الاتنين صيني و بصراحه تكسبها تقفيل وخامات وراحه وموتور

الاعتماديه لسه شويه لما نحكم عليها

انا ضد عباده الاصنام

يعني انا شايف ان ابوالفتوح بيستعبطنا وعمال يسوء في العربيه ويغليها

في حين ان مثيلتها بتيجي ارخص منها

الشانجان ب 129000 جنيه اوتوماتيك

اما قصه اعاده البيع بتاعت الداستر فديه حضرتك معاك حق فعلا وانا مستغربها عربيه مفهاش الهواء

اداء واعتماديه عاليه جدا ومع ذلك الشعب ليه دماغ تانيه خالص بيجري ورا الاوبشن كانه بيشتري موبايل

تحياتي