السلام عليكم اعضاء الرائع
اشكر اهتمامكم و المتابعه كما هو معتاد من تجاوبكم و مشاركتكم الفعاله و المفيده .
بالنسبه لموضوع تشغيل مروحه البلاور فى الشتاء لمنع تكوين البخار على البريبريز الامامى و خصوصا عند قفل الشبابيك فى الشتاء فعند تشغيل المروحه على السرعه العاليه بس فبتسخن الجو قوى بالاضافه للصوت العالى مش بيكون مستحب.
الحمد لله تم حل المشكله و احب انقل التجربه دى للافاده لاعضاء منتدنا الرائع .
توجد ما يسمى blower motor resistor rehostate و هى عباره عن
مقاومات على التوالى و ظيفتها التحكم فى سرعه مروحه ال blower و يتم الوصول اليها عن طريق حل البطاريه و بتكون متركبه فى جسم صندوق البلاور جهه البطاريه حنلاقى فيشه نفكها بهدوء و نفك المقاومه من جسم البلاور و نستعمل اى منظف زى wd-40 و نصنفر الكونتاكتور بتاع المقاومه لان لازم يكون عامل كونتاكت علشان تقوم بوظيفتها و نركب كل حاجه زى الاول و نجرب و حنلاقى ان مفتاح البلاور تجاوب فى كل السرعات باذن الله . شكرا لاعضاء المنتدى الرائع .