هنسكت عالكلام ده يا رجاله؟
اكيد حضراتكم سمعتوا عن موضوع مطب جوزيف تيتو والحوادث اللي فيه، كنت كتبت موضوع تحذير منه واني لبست المطب على سرعه عاليه جداا، وجاري المساعد الامامي باظ عنده بسبب المطب اللعين. ده غير سماعي عن حالات وفاة، وشفت بنفسي كم السيارات اللي اتبهدلت من المطب ده، واخرها حادثه الاوكتافيا، السؤال بقا هنسكت عالكلام ده ولا ممكن ناخد خطوه ايجابيه؟ واقتراحتكم ايه؟ لازم الناس اللي بتخطط تعرف اننا مش هنسكت، بعد الشر ده كان ممكن يكون والدك او اخوك، ارجو التفاعل يا رجاله المنتدى.
تجربتى مع المطبات الصناعية
هذا الحدث كان سنة 2008 يعنى الثورة ملاهاش علاقة المطب الصناعى كان ضخم فعلا و هو فى نهاية مدينة نصر قبل مطلع الكوبرى المتجه الى المعادى....ما علينا الساعة كانت 3 فجرا و مفيش اضاءة كافية بس انا عارف مكان المطب و بهدى السرعة قوى لكن فوجئت بسيارة جيب شروكى منطلقة بسرعة عالية جدا فى اتجاه المطب ( 3 صباحا و الطريق يغرى بالسرعة) حاولت انبه قائد السيارة بالنداء بصوت عالى مع استخدام الكلاكس و الاضاءة لكن للاسف دخل على المطب بسرعته و حدث مشهد من مشاهد الاكشن التى نراها فى الافلام السيارة طارت فى الهواء ثم ارتطمت بالارض محدثة صوت رهيب و كانت الخسائر فادحة مصابين و سيارة محطمة.......طب ما الحل؟؟؟ على المنظور القريب لا أرى حل فالمشهد كثير التعقيد و الغرابة ايضا لا الجهات الرسمية تلتزم بالشروط المعتادة لمثل تلك المطبات و لا الاهالى ملتزمين باى شئ و اصبحت هناك عشوائيات فى المطبات مثل كل العشوائيات المحيطة بنا و لا حول ولا قوة الا بالله