الدولارات جمبى ومش عارف أعمل بيهم حاجة ...!!!

**amr011111** · 08-12-2014 11:16 PM

لو ينفع تدى كورسات لغه يبقى دخل ليك احسن من مفيش
يعنى عندك المركز الثقافى الروسى فى الدقى وممكن اى مركز لغات تانى

بالنسبه للشقق لو عاوز فلوسك تزيد بسرعه يبقى خدلك اى شقه فى القاهره الجديده تناسب الفلوس اللى معاك ولو بيعتها بعد سنه هتكسب مبلغ كبير فيها لان الاسعار هناك بتزيد بسرعه
موضوع المفروش قرفه كتير

بالنسبه لحاجه كمان لو عربيتك مش بتحب تأجرها ومتتضايقش لو اشتغلت عليها فهى ممكن تجيب ليك فلوس كويسه خاصة لو هى 7 راكب او 14 راكب وبالتوفيق

**Merooxx** · 08-12-2014 11:21 PM

المشاركة الأصلية كتبت بواسطة merooxx

ياراجل يلعن ابو دي حاجا انتا بصراحة مستفز جدا جدا جدا مش عارف مش طبيعي ولا ايه كل محد يكتب موضوع تقوله هج من البلد دي بصراحة الموضوع بقي اوفر اوي

والناس حفظت ردودك كفاااااااية حضرتك كاره البلد سبها وامشي مش فاهم ايه الموضوع بالضبط

المشاركة الأصلية كتبت بواسطة باسم يوسف

استاذ ميروكس

مفيش داعي للالفاظ مثل يلعن ابو دي حاجه لاننا في منتدي عام

صاحب الموضوع طلب اقتراحات لاستثمار الفلوس و قولتله اقتراحاتي

ايه اللي مزعل سيادتك بقه ؟

انا حر فيما اكتبه

و لو مش عاجب حضرتك محدش جبر سيادتك ترد علي ردي في الموضوع

ناس مين حضرتك اللي حفظت ردودي ؟

يا سيدي سايبناها بلا عوده قريب ان شاء الله

و خلي محبي ماسر يستمتعوا بالنهضه اللي احنا فيها

تحياتي

انا اسف للفظ بس ياريت تهدا حبا عن موضوع السفر مش كل الاقتراحات ان الناس تهاجر وحال البلد ذفت اينعم البلد واقعة بس لو كل الناس تسافر مين اللي يقومها وينهض بيها :-!

**ali ashraf** · 08-12-2014 11:50 PM

الأخ الفاضل ( جاكسون) طبعا انا مش هعرف اكثر منك فى مواضيع السياحة و خلافه لانه تخصصك ....بس مش عارف خطر فى بالى اقول لحضرتك أنا كنت العام الماضى فى الغردقة فى قرية سياحية و فندق 5 نجوم و لاحظت ان معظم السواح من الروس و حتى الغواصة و الرحالات البحرية كان معظم الركاب من الروس مش عارف هل هذا ممكن يفتحك لحضرتك فكرة مثل قضاء اسبوع او اثنين فى الغردقة محدش عارف ربنا كاتب له الخير فين و ربنا يوفقك للخير

**الاستاذ** · 09-12-2014 12:29 AM

بعد كل العلام دة ومعاك لغتان ومش لاقى شغل
لو تقدر تهاجر هاجر استراليا او كندا او امريكا يمكن ملكش نصيب فى بلدنا
وانت معاك لغتان ممكن تشتغل بيهم هناك
لو مش هتهاجر بيع العربية واشترى تاكسى اشتغل علية
او ادى كورسات او ترجم افلام اجنبى
بس انا ارشحلك الهجرة حظك مش هنا

**بحار** · 09-12-2014 12:46 AM

المشاركة الأصلية كتبت بواسطة باسم يوسف

يا سيدي سايبناها بلا عوده قريب ان شاء الله

**Bassem Youssef** · 09-12-2014 01:13 AM

المشاركة الأصلية كتبت بواسطة ali ashraf

أستاذ باسم انا اتفق معك تماما كل واحد حر يحب مصر او يكره البلد اللى تولد فيها وحمل اسمها اتفق معاك تقعد فيها او تسيبها بلا عودة ان شاء الله (كما ذكرت حضرتك) لكن ياريت تكتب اسمها صح مصر مش ماسر الحقيقة كتابة ماسر استفزتنى جدا و متقلش انا حر اكتبها زى ما انا عايز لان الاسم ده يخصنا كلنا .... و بالتوفيق ان شاء الله فى مصر او خارج مصر

اصل كل الشعب بقي بيقول ماسر مش مصر من ساعه مع حد حبيبنا قالها :))))

عموما مصر مش ماسر عشان محدش يزعل :)))

المشاركة الأصلية كتبت بواسطة merooxx

انا اسف للفظ بس ياريت تهدا حبا عن موضوع السفر مش كل الاقتراحات ان الناس تهاجر وحال البلد ذفت اينعم البلد واقعة بس لو كل الناس تسافر مين اللي يقومها وينهض بيها :-!

مش كل الاقتراحات

انا مش بقترح اقتراح السفر ده

الا في المواضيع المناسبه فقط لا غير

او اني شايف ان العضو صاحب الموضوع مكانه بره هيبقي افضل

البلد دي عمرها ما هتقوم

لان الشعب عايز يفضل عايش بالمنظر الفوضوي القذر ده

او علي الاقل غالبيه الشعب عشان نكون منصفيين

و كمان اللي ماسكينها عايزينها تفضل كده

عشان لو الناس فاقت مش هيحصلهم خير ابدا

المشاركة الأصلية كتبت بواسطة بحار

هههههههههههههههههه حلو منظر جاريدو كأنه كسب كاس العالم مش بطوله عيانه

ان شاء الله لما اسافر عن قريب برضه هفضل متواجد في المنتدي :)))

**S O P H O S** · 09-12-2014 01:29 AM

مش عارف الانسب ليك ايه
بس حاول متصرفش الفلوس قبل ما تعمل فكرة مشروع تبني عليها
وتعيش منه انما متصرفش من الاساس
ومن كلامك والله بتمني ربنا يوفقك للخير يارب وتلاقي البداية الصح

**حسام الغرباوي** · 09-12-2014 05:44 AM

بص في مصر عشان تعمل مشروع كويس لازم يكون معاك تمويل اكبر عشان تعرف تدخل منافسة

اما لو عايز حاجة مفيهاش خسارة ..فأكيد في تجارة العقارات شراء وبيع وتأجير ...بس طبعا تكون فاهم

غير كدا مبلغ زي دي يخليك تستثمر برة مصر بشكل فوق الممتاز خاصة دول الخليج

**mr_green** · 09-12-2014 08:27 AM

أخى الفاضل

ممكن تدور تانى فى تشغيل عربيتك فى إحدى شركات البترول أو الفنادق أو حتى الشركات إللى فى القرية الذكية

هاتتأجر برقم مش بطال و ممكن تدور على سائق معرفة أو أمين و ربنا يوفقك

ممكن تشتغل فى الترجمة

ممكن تسافر روسيا نفسها و تشوف الدنيا هناك إيه

أنا أعرف واحد شارى تاكسى فى روسيا و مشغل عليه واحد هناك بيبعتله شهريا رينج 500 دولار

**ahmedwagdy03** · 09-12-2014 10:34 AM

بص رأيى الآتى
1- طول ما الدولارات جنبك ما تقلقش عليهم أبدا .....أبدا
2- ماتفكرش فى أى مشروع دلوقتى لحد كمان سنتين لما نشوف حال البلد ماشى إزاى :لو الإتجاة ماشى زى قبل الثورة إقتصاد قائم على السياحة و الخصخصة و الإقتصاد الإستهلاكى ( إستيراد كل قشة ) يبقى فكر تمشى فى السياحة اللى إنت فاهم فيها ....لو الإتجاه إقتصاد إنتاجى يعنى مصانع و إنتاج و زراعة يبقى عندك المجالات زادت قدامك و ممكن تفكر فى حاجة تانى .......لو فضلنا زى ما إحنا يبقى خلى الدولارات دفيانة

3-لغاية ما الصورة توضح فى شكل الإقتصاد حيمشى إزاى حاول تلزق فى أى شغل يكفيك من غير ما تقرب للدولارات .

4- موضوع الشقق و الدهب و الأرض و وديعة بالجنية كلام مش دقيق لإن فى ظروف الكساد الإقتصادى أو أزمة مالية مش حتلاقى اللى يشترى دهب أو حتى اللى عايز يشترى أرض أو شقق لإن كله بيبيع و طبعا الجنية مش حيبقى له قيمه ساعتها .

5-لو جربت أنشطة خفيفة أو تجارة أون لاين فلا تضع كل البيض فى سلة واحدة حتى لا تبكى على البيض المكسور . جرب بمبالغ ضعيفة جدا لغاية ما تطمئن