الموضوع: فتيس القشقاي محتاج يتغير و انا 20 الف كيلو

المشاركة الأصلية كتبت بواسطة ali ashraf

الفتيس مفروض يكون عمره اكثر من كدة بكثير, و ده طبعا شئ مش طبيعى, أقترح على حضرتك مخاطبة شركة نيسان الام فى اليابان و ده على النت شئ سهل جدا, و اتذكر من عدة سنوات اشتريت مروحة تو شيبا ستاند و كانت اغلى و احدث نوع و بعد شرائها ب 48 ساعة بقت تطلع صوت غريب و المروحة لا تعمل بشكل جيد نزلت للمحل اللى اشترتها منه قال لى وديها للصيانة فى توشيبا العربى الخلاصة كرهت المروحة و طلبت استرجاع تمنها الاثنين رفضوا, و الحق يقال صيانة العربى قالوا لو متصلحتش هنديك وحدة جديدة غريها, و كنت متضايق دخلت على النت و كتبت خطاب لشركة توشيبا الام فى اليابان من زعلى وذكرت لهم ما حدث و انى نادم على شراء منتج توشيبا و نسيت الموضوع و بعد اسبوعين فوجئت بمليون تليفون من شركة توشيبا العربى و اهتمام شديد لاراضائى الخلاصة ابعث شكوى للهيد كوارترز حاول تخليها باسم السيد كارلوس غصن المدير التنفيذى لشركة نيسان ومش هتخسر حاجة

طيب في email معين او اراسلهم ازاي ؟؟

المشاركة الأصلية كتبت بواسطة tatasamy

غريبه جدا...هي العربية موديل سنة كام؟ وعامله 20 ألف بس ومشكلة في الفتيس ده لازم يكون عيب صناعة!

المشكلة في تغييره بالضمان ولا لا...المشكلة في تغييره الصراحة :( ده غير انهم هيستوردوه مخصوص طبعا لانه مش قطعة غيار عادية موجوده بالمخزن ولا بتتجمع في مصر ففي منها ستوك! وده أكيد هياخد وقته

المهم حضرتك وديتها لانهي وكيل؟ ورضهم لازم يكون سريع...بس ممكن توضح الزنه بتسمعها وانت جوه العربية ولا بتسمعها فين وإزاي لاحظتها أصلا!

انا مع حضرتك الاول الفتيس ثم هناك مساعد و جلب اتغيرت فى العفشة معقول دى قشقاى عاملة 20 الف فقط ده كده الواحد يقلق من القشقاى و اتذكر ان احد الاخوة الافاضل فى المنتدى (هحاول اعمل عليه سرش) اشتكى من سيارته قشقاى على الزيرو انفصلت طنبورة الاطار الايسر و هو ماشى ربنا ستر بس الجانب اليسار كله تضرر بشدة و التوكيل قال ده خطأ شخصى هدور عن طريق كلمة قشقاى على الاخ ده اعرف عمل ايه و ممكن المتضررين من الموضوع ده يتفقوا على عمل موحد.
اما بالنسبة للاستاذ صاحب المشكلة تدخل على موقع نيسان ( باللغه الانجليزية طبعا) و تشوف الفرع الرئيس و طبعا هيكون فى اليابان ستجد مكان costumer service -contact us او شئ من هذا القبيل و ممكن تكتب رسالة على وورد و تصلح الاملاء قبل ارسالها لو محتاج و بالتوفيق