إستطلاع. .. اوبل انسجنيا اول فئة ام سكودا a7 تانى فئة

**haithamelhagar** · 09-12-2014 01:10 PM

الانسيجنيا مش بولندي زي الاسترا... الماني .... ومش متخزنة .... ده فيس ليفت لسه نازل بره ٢٠١٤ ... من ٢٠٠٨ ل ٢٠١٤ ده كان شكل تاني خالص .... العربية ماشية عادي ببنزين ٩٢ .... الدفعات الاولي التوكيل غيرلها بوجيهات بنوع تاني اللي بقي already بينزل في الدفعات اللي بعد كده .... لان البوجيهات القديمة كانت بتتاثر بالبنزين الردئ بنتاعنا.... العربية اجمالا ممتازة كعفشة وموتور واداء ... اول فءة مرضية جدا لان فيها كماليات مبتنزلش ف اول فءة ف عربيات تانية زي الجنط ال ١٨ والفوجات ومثبت السرعة وفرش نصف جلد و مثبت سرعة وفوج لايتس وحاجات. تانية .... جايز اكون منحاز شوية الانسيجنيا لاني معايا اول فءة .... بس انا ركبت عربيات كتير ومن ضمنهم فانتازيا ٢٠١١ لمدة سنة ... ورايي ان في فرق كبير بينهم ... واي سؤال انا تحت امرك

**haithamelhagar** · 09-12-2014 01:17 PM

كان في احصاءية نازلة برة لمبيعات الفءة دي في ٢٠١٤ وكانت الباسات رقم ١ والانسيجنيا رقم ٢ وبعد كده كان في فورد مونديو وفولفو و بيجو ٥٠٨ مازدا ٦ وحاجات تانية .... انما موضوع انها م اتباعتش بره ومتخزنة من ٢٠١٢ ( اللي هو شكل تاني اساسا) والكلام ده مش صحيح ... انا مش عارف الناس بتجيب الكلام ده منين

**NaderNabil** · 09-12-2014 01:25 PM

الانسيجنيا طبعاً

كون انها تتحط في مقارنة مع الأوكتافيا فده علشان تخطيهم حاجز ال 200000 مش علشان هما نفس الفئة...لكن في جميع الاحوال الإنسجنيا تتفوق و بفارق ملحوظ

الإنسجنيا كلها نازلة فيس ليفت و موديلات 2014 و 2015...مش متخزنة ولا حاجة...و ده ممكن يتعرف من رقم الشاسيه بسهولة

**corolladestroyer** · 09-12-2014 02:04 PM

الانسجنيا موتور مدمر 1.6 170 حصان
بيكسر ال 100 في زمن وقدره 12.5 ث !!!!!!!!!
ازاي معرفش...

**K.Ossama** · 09-12-2014 02:46 PM

المشاركة الأصلية كتبت بواسطة hany63

تاني سبب معامل انضغاط موتور اقل نسبيا من الانسجنيا فمتوافقه مع بنزين ٩٢

أعتقد الإنسيجنيا وال508 الاتنين نفس النسبة 10.5:1

**K.Ossama** · 09-12-2014 03:03 PM

المشاركة الأصلية كتبت بواسطة yasser100

الاسترا بولندى مش اسبانى و اعتقد الانسيجنيا كمان .

خللى بالك الانسيجنيا مش ناجحه عالميا و قعدت فتره طويله متخزنه فى مخازن شركة اوبل يمكن من اوائل 2012 و علشان كده الدفعات اللى نزلت مصر من بداية 2014 كان فيها مشاكل نتيجة التخزين فتره طويله , الكلام ده من ناس فى الصيانه فى ابو غالى اللى شغال مع منصور .

الإنسيجنيا متجمعة فى ألمانيا
موضوع بقى متخزنة ده اللى غلط تماماً يا أستاذ ياسر....
الإنسيجنيا واخدة أحسن عربية فى أوروبا 2009 ده غير كتير من الجوائز منها، على سبيل المثال، أقل أعطال فى فئتها من معهد dekra الألماني سنة 2011، وأعلى جودة سيارة مستخدمة لمدة ٣-٥ سنوات من gtu وغيرهم. ده غير حجم المبيعات الكبير فى أوروبا.
فموضوع متخزنة ده كلام يدوب يطلع من بتوع أبو غالى أو على شركة مواد غذائية مش شركة عربيات فى ألمانيا.

;-) تحياتى

**K.Ossama** · 09-12-2014 03:12 PM

المشاركة الأصلية كتبت بواسطة corolladestroyer

الانسجنيا موتور مدمر 1.6 170 حصان
بيكسر ال 100 في زمن وقدره 12.5 ث !!!!!!!!!
ازاي معرفش...

منين بس الرقم ده.......؟!
ده الأسترا العادية بتجيب 100 فى اقل من 12 ثانية بس
ده اوحش رقم مكتوب على الورق 9.9 ثانية وهى على الحقيقة أقل من كده كمان

**Mahmoud.hamedm** · 09-12-2014 04:00 PM

انا شاكر لحضراتكم جميعا... بجد سعيد جدا بردود حضراتكم وكنت خايف من موضوع بنزين 92 لانى وجدت على الفيس بوك بعض ملاك الاسترا بيشتكوا من ان البنزين عاملهم مشاكل.

وشكراً على فكرة انى القى نظرة على البيجو 508 بس شوية انا ووالدى بنحب الالمانى واليابانى عن اى موديل اخر.
سؤالى لأصحاب السيارة ... ممكن تذكر بعض عيوب السيارة ومشاكلها بالنسبة لك؟

**marwanragab** · 09-12-2014 04:25 PM

المشاركة الأصلية كتبت بواسطة mahmoud.hamedm

انا شاكر لحضراتكم جميعا... بجد سعيد جدا بردود حضراتكم وكنت خايف من موضوع بنزين 92 لانى وجدت على الفيس بوك بعض ملاك الاسترا بيشتكوا من ان البنزين عاملهم مشاكل.

وشكراً على فكرة انى القى نظرة على البيجو 508 بس شوية انا ووالدى بنحب الالمانى واليابانى عن اى موديل اخر.
سؤالى لأصحاب السيارة ... ممكن تذكر بعض عيوب السيارة ومشاكلها بالنسبة لك؟

فعلا شوف البيجو فخمة أوى وموتور قوى برضة