استفسار عن خبطة في شنطه العربيه

**said marzouk** · 09-12-2014 11:05 PM

انا اشتريت عربيه من واحد معرفه وبسبب الثقه مجبتش فني متخصص وانا بشتري . العربيه من بره وجوه والحوض والمتور سليمه وحتي الشنطه فبريكه مكان الكوتش الاستبن . بس جيت من يومين رحت للكهربائي يعمل شغل في الشنطه فشال الفرش اللي في الجناب اللي فوق الكوتش لقيت اثار حدثه في تجويف الكوتش الشمال بس متظبطة . دلوقتي الخبطه دي تأثر في سعر العربيه .
استفسار تاني .
واحد صاحبي معاه عربيه فيها شرخ بسيط في القايم اللي ورا السواق اللي في نص العربيه .
ده ايه الحل بتاعه . ويأثر في سعر العربيه ولا لا

**shiko85** · 10-12-2014 11:32 AM

المشاركة الأصلية كتبت بواسطة said marzouk

من يومين رحت للكهربائي يعمل شغل في الشنطه فشال الفرش اللي في الجناب اللي فوق الكوتش لقيت اثار حدثه في تجويف الكوتش الشمال بس متظبطة . دلوقتي الخبطه دي تأثر في سعر العربيه .
تأثر فالسعر اكيد لو كنت اشتريت العربيه على اساس انها فابريكا بالكامل و دفعت مبلغ اكتر علشان كده و لو هتبيع العربيه سعرها هيقل عن اللى فابريكا
استفسار تاني .
واحد صاحبي معاه عربيه فيها شرخ بسيط في القايم اللي ورا السواق اللي في نص العربيه .
ده ايه الحل بتاعه . ويأثر في سعر العربيه ولا لا
طبعا هيأثر جدا فالسعر و فالبيع كمان مش السعر بس لان شرخ فالقائم اكيد كان من حادثه و بالتالى مش هتكون فابريكا دواخل و ده هيخلى ناس كتير تبعد عن العربيه و لو اتباعت سعرها هيقل عن باقى العربيات

**said marzouk** · 10-12-2014 10:30 PM

شكراا لرد حضرتك .
هو الشرخ ده في القايم من بره والشرخ بسيط .
دة كده متبقاش فبريكه دواخل

**shiko85** · 10-12-2014 11:29 PM

المشاركة الأصلية كتبت بواسطة said marzouk

شكراا لرد حضرتك .
العفو, الشكر لله وحده
هو الشرخ ده في القايم من بره والشرخ بسيط .
دة كده متبقاش فبريكه دواخل
لما الشرخ ده يتصلح و يترش هتبقى مش فابريكه دواخل
غير ان اى حد بيفكر يشترى العربيه هيبقى عنده شك فالعربيه و ده هيخلى الناس تبعد عنها او تعرض سعر اقل من سعرها فالسوق