كول سنتر ... شركة راية !!؟؟

**Mahmoud Naguib** · 10-12-2014 02:33 PM

أنا كنت ببحث عن وظيفة فلقيت انهم محتاجين ناس فقدمت وجالي اتصال النهاردة بواحدة سألتني عن معلومات عني وقالتلي عرف نفسك بالإنجليزي وكدة وقالتلي في انترفيو بكرة ف مبنى راية بالقرية التكنولوجية بالمعادي !!

أنا كنت حابب أسأل على شوية حاجات

ممكن حد يقولي معلومات وافية عن شركة راية ؟؟

تاني حاجة لو حد له أي تجارب مع الشركة يقولنا عليها سواء ف اسلوب الشغل ف المرتب ف قوة الشركة ؟؟!!

تالت حاجة ممكن أعرف معلومات عن الأسئلة والإجابات ف الإنترفيو الخاص بخدمة العملاء ؟؟

أتمنى يعني إن أي حد له أي تجربة يحكي عنها ونتشارك مش اللي يدخل يكتفي بس بالقراءة ويخرج علشان كلنا نستفاد

**micromoud** · 10-12-2014 02:49 PM

شغلانه ملهاش مستقبل ولا اى حاجه وكلها قرف ووجع دماغ وهتقعد على سماعه 9 ساعات وشفتات لو انت لسه صغير والشغل بالنسبالك دخل وفلوس وبس جرب واشتغل لو قدامك اى حاجه تانى فى مجالك يبقى افضل من الكول سنتر ووجع الدماغ. هى دى الخلاصة

**Mahmoud Naguib** · 10-12-2014 03:07 PM

أنا معايا كلية زراعة تخصص إنتاج دواجن وأسماك

بس أنا مش هاضم خالص الكلية ولآ الشغل ف المجال ده

طيب في إي أفضل من الكول سنتر بنظرك micromoud ؟؟؟

**Hacker5** · 10-12-2014 03:09 PM

روحها و اشتغل و حوش فلوس و فى اقرب فرصة سيبها لانها مش هاتنفعك بحاجة ولا حتى هاتديك خبرة

**بحار** · 10-12-2014 03:22 PM

طالما مفيش حاجه احسن فى الوقت الحالى روح وجرب واتعلم .. وربنا يوفقك
المعلومات اللى بتسأل عنها ممكن تلاقيها على النت ..
مجال دراستك حلو جدا بس طالما مش حبه خلاص .. اهم عوامل النجاح حب العمل اللى الانسان بيعمله .. تحياتى

**matrix_it** · 10-12-2014 03:30 PM

لو المرتب حلو بالنسبالك دوس لكن لو وحش انا شايف انك بلاش تروحها
ما تجرب تبعت في الشركات English account زي Vodafone uk و كدة
لو عايز راى روح الانترفيو و خد معاك نسخ من السي فى و قدم سيفيهاتك في القرية الذكية كلها
انا كنت شغال فى كول سنتر و لسة سايبه لان الاكاونت اتقفل هههههه يعني مش بمزاجى
بس انا دلوقتي قاعد في البيت بدور علي شغل
و بالنسبة للانترفيو هيبقي عادي جدا و لو عايز تعرف الاسألة اكتب في جوجل انترفيو شركة راية و عيش يا معلم
و برضو قدم في السيلز و الكاستمر سيرفيس لو مش عايز تشتغل في مجالك
و كمان قدم في فودافون و موبينيل و اتصالات خدمة عملاء كدة هتاخد مرتب الكول سنتر و راحة السيلز
انا اشتغلت شهر في فودافون و 4 شهور فى كول سنتر والخلاصة اللي فيه فلوس اكتر روح و لو اني بفضل الستور لو في اي استفسار انا تحت امرك

Sent from my Nexus 5 using Forum Runner