ماعملتش اى صيانه بقيلى 35 الف كيلو

**tefas** · 01-11-2008 08:19 PM

السلام عليكم
انا معايا عربيه هيونداى فيرنا 2008 جبتها اول السنادى وعامله 35 الف كيلو وماعلمتهاش اى صيانه من اى نوع غير تغيير الزيت والفلتر بتاعه
فعاوز اسئل بقى
المفروض دلوقت اعلمها صيانايه بالظبط وفين وخايف اروح التوكيل ليظبطونى فى مبلغ محترم لانى معلمتهاش صيانه الاف ولا الخمسه ولا العشرين
فمش عارف اعمل ايه
افيدوووووووووونى

**salem** · 01-11-2008 08:21 PM

ely sm3to enak lama tes2at aktar men seyana fe ghaboour el daman byro7
aw lazem tedf3 7a2 el seyanat ely sbtha abl kda
bas a7eb 7ad mel shabab hena ye2akd el mawdo3 da

**analyzer** · 02-11-2008 12:25 AM

لا تقلق يا اخى فانا شرح مع فارق بسيط انى عملت صيانه الالف الاولى وكل حاجه بعد كده بعملها بره عن الميكانيكى بتاعى
بس هو انت مغيرتش زيت وفلتر غير مرة واحده ولا مجاوم على تغيير الزيت
وليه انت عايز تعمل صيانه هل فى عندك اى مشاكل
لو فى عندك اى مشكله وروحت التوكيل هيقولك العربيه بره الضمان لانك مداومتش على الصيانه المقررة
طيب لو انت اصلا معندكش مشاكل ليه عايز تروح وتصرف فلوس على الفاضى
ممكن تنتظر لما تكمل 50 الف وتروح مركز خدمه كويس تغير طقم سيور وسير كاتينه ( انا مغير بتاع الفبريكه على 60 الف ) وخارج بحالته
بس المهم تداوم على تغيير الزيت فى الميعاد
ارجو ان لا اكون اطلت عليك وان اكون افادتك

**Ahmed Anwer** · 02-11-2008 01:26 AM

طيب انتا زغلان ليه

هيا العربية اساسا ضمانها 50 الف كم علي ما اتذكر

و ثانيا ، 35 الف كيلو من غير اي صيانة معتمدة يبقي الضمان راح عليك

و طبعا لما تروح مش هتدفع غير ثمن صيانة الخمسة و ثلاثين الف

المفروض تشوف ايه اللي كان المفروض يتغير في الصيانات السابقه و تغيره

بس الخطر الحقيقي انك تكون معملتش اساسا اي صيانة للعربية في اي حته خلال ال 35 الف كم

خطر عالعربية مش خطر من الفلوس

**AHMEDCAR** · 02-11-2008 03:59 PM

لازم لازم تروح تربط عفشه قبل اى حاجه

**tefas** · 02-11-2008 05:36 PM

شكر ليكم يا جماعه على افادتى
بالنسبه لاناليزر لا انا مداوم طبعا على تغير الزيت والفلاتر ومافيش اى مشاكل ظهرت فى العربيه صراحه بس انا عاوز اعمل اتشيك اب عليها كلها لحسن تكون فيها حاجه وانا مش عارف وخصوصا ان خبرتى قليله فانا كنت قررت قبل اى حاجه اربط عفشه طبعا زى ما قالى الاخ احمد كار
وعاوز اروح لميكانيكى بيصلى على الموتور كده ويشيكلى عليه واروح لكهربائى يشيكى برضه على البطاريه عشان انا مازودتهاش ولا حمض ولا ميه من ساعه ما جات
شكرا ليكم مره تانيه على تعاونكم معايا

**AHMEDCAR** · 02-11-2008 08:28 PM

يبقى عليك و على محمد بيومى اللى موجود فى شارع مصطفى النحاس الراجل ده كان مهندس فى غبور و الحمد لله اضمنه برقبتى لو عايز عنوانه هاجيبهولك

**a_tantawy7** · 03-11-2008 02:41 PM

المشاركة الأصلية كتبت بواسطة AHMEDCAR

يبقى عليك و على محمد بيومى اللى موجود فى شارع مصطفى النحاس الراجل ده كان مهندس فى غبور و الحمد لله اضمنه برقبتى لو عايز عنوانه هاجيبهولك

ياريت عنوانه يا باشا عشان أنا ساكن في مصطفى النحاس فممكن أتابع معاه بعد كده, وياريت برضه فكرة عن أسعاره متوسط ولا غالي.
مشكووووور

**AHMEDCAR** · 03-11-2008 03:02 PM

تعرف بيتزا هت اللى موجود فى مصطفى النحاس و بيكون قبل دخله عباس العقاداقف و ديله ظهرك و وشك لمصطفى النحاس هتلاقى شارع فى وشك و هو على اوله اسمه كارتك و هو اصلا محل كاوتش و بطاريات

بالنسبه للاسعار كويس بالنسبه للاسعار الصيانه بتاعه الزفت غيور يعنى اكبر صيانه بياخد فيها 75 جنيه و هو راجل كويس جدا وامين