الموضوع: ساوند سيستم لانسر سوبر اكشن

المشاركة الأصلية كتبت بواسطة deviano_85

السلام عليكم يا أساتذة الصوتيات ربنا كرمنى مؤخرا وجبت لانسر بومه سوبر أكشن ، العربية جاى راكب فيها جهاز سيمفونى dvd تاتش سكرين معرفش الموديل بتاعه ايه بس فيه gps وبيبان فيه صورة الكاميرا الخلفيه ، usb , aux , cd بس مش عارف موديله ايه


ما علينا السماعات اللى فى العربية اتنين فى الابواب واتنين ورا ، بس سماعتها الاصلية فالبيز بتاعها مش قوى


عايز بقى واحدة واحدة كده تفيدونى اجيب ايه عشان اعمل ساوند سيستم كويس ، بس مش مكلف قووى ،عايز اسمع بيز قوى وصوت نقى

عليكم السلام ورحمة الله وبركاته
اولا مبروك العربيه وربنا يكفيك شرها ويديك خيرها
بالنسبه لموضوع السوند سيستم اللى انت عاوز تظبطه لازم تقولنا الميزانيه بتاعتك كام
عشان نقدر نفيدك

موفق فى الاختيار ومبروك العربيه ربنا يعطيك خيرها

المشاركة الأصلية كتبت بواسطة deviano_85

الله يعزك ويبارك فيك ، بخصوص الميزانية يعنى لا تتعدى ١٠٠٠ جنيه ، خصوصا انى موفر ثمن الكاسيت عشان راكب فيها جهاز السيمفونى دا ويقال انه ب ٣٠٠٠ جنيه فأيه رأى حضرتك

هو انا طبعا معرفش موديل الكاسيت عشان اعرف ثمنه او اى تفاصيل عنه بس عموما السيمفونى كويس مش وحش ده اولا
ثانيا انت عند اختيارين
الاول تجيب اربع سماعات كينود 500 وات وتركبلهم جى ام سيمفونى 640 وات 4 تشانل
السماعات هتعملها 650 جنيه والجى ام هيعمل 650 جنيه يبقه الاجمالى 1300 جنيه
الاقتراح الثانى هتجيب سماعتين 500 وات وبازوكا بايونير 1300 وات مع جى ام 640 وات 4 تشانل
ودول ثمنهم تقريبا السماعات 325 جنيه والبازوكا 660 جنيه والجى ام جنيه650 يبقه الاجمالى 1635 جنيه
او الاقتراح البديل بس الصوت مش هيبقه بكامل كفائته هتجيب اربع سماعات كينود 400 وات وتوصلهم على الكاسيت مباشر من غير جى ام
دول ثمنهم مش هيعدى 600 جنيه

المشاركة الأصلية كتبت بواسطة deviano_85

طيب ممكن اسيب سماعات العربية زى ماهى واجيب بازوكا بايونير مع جى ام
ولا ايه رأى حضرتك؟؟

وكمان سؤال معلش صيغة الفيديوهات اللى تشتغل على كاسيت سيمفونى dvd ؟ ولو فيه برنامج تحويل صيغ فيديوهات محترم؟

ممكن تجيب البازوكا مع الجى ام بس اهم حاجه يكون السماعات الاوريجينال بتاعت العربيه صوتها كويس عشان يبقه فى تناسق بين بيز البازوكا وصوت السماعات اما بالنسبه للكاسيت هو كويس وتمام بس طبعا افضل كاسيت هو البايونير بس طالما هو موجود يبقه مفيش داعى للتغيير وهو تمام جدا مش وحش اما الصيغه اللى بتشتغل عليه مش متاكد اوى بس الافضل انك تجرب عشان فى اكتر من صيغه ممكن تشتغل عليه تقريبا البرنامج اللى هسيبلك اللينك بتاعه ده هتغير بى الصيغه اللى انت عاوزها للفيديوهات ودة لينك هتنزل منه برنامجany video converter تحميل برنامج Any Video Converter مجانا | ايجي مودرن