الموضوع: علامات فارقة بين التهاب مفاصل روماتيودى والتهاب مفاصل مابعد الاصابة العنقودية(السبحى)

زوجتى ونور عينى وام اولادى عندها الم مفاصل شديد منذ اكثر من شهرين اضنانى بحثا بين الاطباء وعلى الانترنت بين الامراض والاعراض والادوية ( ناقصلى شوية وافتح عيادة )
بدأت بالكتفين والكوعين والرسغين والركبتين واحيانا الفك
وطبعا حسبناه اعراض برد عادية
لكن مع الاستمرار بدا القلق

شدة الالم بصفه عامة ثابتة مش بتزيد
اليومين الى فاتو بس ابتدا يكون فى اصابع اليدين والقدمين والكاحل

مفيش اى تورم الا فى مفصل واحد فقط وهو احد مفصلى الركبة وده بقاله عشرة ايام فقط
مفيش اى احمرار فى اى مفصل
الالم يكون فى اشد صوره صباحا ويقل مع الحركة بعد فترة ( من ربع ساعة الى ساعة )
مفيش اى عقد تحت الجلد
مفيش اى التهاب بالعين
فيه التهاب فى الجلد بقاله سنة ( اتشخص ارتكاريا بس بيزيد ويقل وطبيان تخصص جلدية قالوا مش صدفية عشان احتمال الصدفية المفصلية )
فى تكسير فى احدى الاضافر بقاله سنة ( كل الظافر ما يطول يتشق من النصف )

طبيب العظام بعد ادوية خشونة المفاصل ومضادات الالتهاب non steroidal inflammatory drugs ثم الاشعات العادية والرنين قال مفيش خشونة ولا غضاريف ,ولا اى تغير فى شكل المفاصل (الى بيحصل فى حالات الروماتيود المتأخرة ) ووصى بطبيب روماتيزم

عملت تحليلasot
بتاع السبحى طلع 400
وهى عنها الم فى الحلق منذ بداية حتى الان

هى بتتحسن مع تحسن الم الحلق
يعنى الم الحلق بيزيد فالم المفاصل يزيد معاه
الم الحلق بيقل فالم المفاصل ييقل
لكن لا ده بيروح نهائى ولا ده

خدت thromax 250mg حبتين يوميا لمدة 3 ايام
الاعراض فى الحلق والمفاصل اتحسنت بس رجع الالم تانى النهارده فى كليهما بنفس الشدة
مع كتافاست 3 مرات ( ده كتبو طبيب الباطنة والقلب الى رحنالوا بعد تحيل asot (


النهارده عملت rf
rheumatoid factor
esr
Erythrocyte Sedimentation Rate
ولسه النتيجة بس أنا عارف أنه مش هيدى إجابة نهائية للاصابة بالروماتيود

عاوز رأى حضراتكم هل الاعراض ديه اعراض ( التهاب المفاصل بعد عدوى
post streptococcal reactive arthritis
خاصتا مع زيادة نسبة الاجسام المضادة للسبحى ( البكتريا العنقودية streptococcal ) فى التحيل والم الحلق
ولا اعراض
rheumatoid arthritis

اخوانى الافضل استحلفتكم بالله أنكم تردوا على سؤالى على باستفاضة وفى اسرع وقت لأنى قلق جدا ومش قادر اصبر لغاية ما اروح لدكتور روماتيزم الاسبوع الجاى وظنى وحسبى - إن شاء الله - أن اطباء نايل موتورز هما الى ممكن يريحوا بالى
كمان - زاد فضلكم - أنا مش عارف دكتور كويس اروح له فيا ريت لو فيه توصية بدكتور رماتيزم كويس ناحية المعادى او فيصل او حلوان او وسط البلد اتابع معاه لأنى رحت فى رحلة الشهرين رحت لدكتورة روماتيزم (استاذ مساعد فى القصر العينى ) وقالتى كيس زلالى فى الركبة والوزن الزائد وكلام من ده وكتب علاج عمل تحسن بسيط وقالت لى بلاش تحليل خالص فمش عاوز اورح لا ى حد والسلام

المشاركة الأصلية كتبت بواسطة د.هشام

بسيطة ان شاء الله

إن شاء الله
شكرا وجزاك الله خير على الاهتمام