استفسار عن موتور العربيه ارجو الرد ضرورى

**mazdaprotege** · 11-12-2014 10:56 PM

إخوتى الأعزاء
تشرفت بانضمامى إلى اسره السيات بس بدايه شكلها مش حلو خالص
انا اشتريت العربيه من 3 ايام سيات توليدو 2001 كامله اوتوماتيك صيانة وكيل بالفواتير و الكتالوجات فابريقه بالكامل و عدادها 101000 كم
أخدت العربيه و كنت فرحان بيها جدا
نزلت النهارده علشان اعمل سيرفس للعربية و اغير سير كاتينه و بوجيهات و فلاتر بس للاسف كانت الصدمة الكبرى
الصنايعى اول ما فتح غطاء زيت الموتور و مقياس الزيت لقينا دخان أو بخار طالع من الموتور فقال لي كده الموتور خفيف و بياكل زيت
طبعا اتصدمت صدمة ربنا العالم
قال الحل هو تغيير الموتور احسن من فكه و عمل شنبر لأنه مش هيعيش
مع العلم أن الموتور صوته هادى جدا و ناعم جدا و اداء العربيه رائع فى السحب و التكييف
نزلت الحرفيين سألت قالوا لى ان فى مواتية ألومنيوم 1600 سى سى زى اللى فى العربيه و ممكن مواتية 2000 سى سى من الزهر و دى بيكون فيها أنها بتتحمل درجات الحراره العاليه و لن تحتاج سوى التركيب فقط يعنى هتركب على ضفيرة العربيه و الكنترول بدون اى تعديل نهائيا
فأنا محتار و مش عارف اعمل ايه و لا عارف اخد قرار
رأيكم ايه ساعدوني

**demonarundo** · 12-12-2014 12:00 AM

ممكن تكون روحت لصنايعى حمار , اعمل السيرفس بتاعك وحط زيت كاسترول ماجنيتيك 10,000 كم وراقب العربية وإن شاء الله تكون بسيطة ومفيش الكلام ده

**mazdaprotege** · 12-12-2014 01:24 AM

انا روحت لورشة هانى اللى خلف حديقه بدر
و بعد كده وديتها المركز الهندسى اللى فى الحرفيين
و كل ما احكي اللى حصل و يفتح غطاء الزيت أو يرفع مقاس الزيت تلاقى دخان بخار طالع
علما بأن اللى انا شارى منه العربيه الله لا يسامحه قال إنه مغير الزيت من 500 كم و حاطط كاسترول 5000 كم يعنى الزيت لسه جديد
انا مش عارف اعمل ايه و الدنيا اسودت فى عينى بعد ما كنت فرحان بيها
افيدوني يكرمك الله

**msobhy** · 12-12-2014 02:10 AM

كاسترول بدون مبالغه من اجود انواع الزيت اللى موجوده فى العالم
ولكن عن تجربه زيت كاسترول بيتضرب وبيتعبى تحت بير السلم هنا فى مصر بعلم ادارة كاسترول وللأسف كان عندى تجربه مريره مع الموضوع ده
جرب زيت شل الاول أو حتى موبيل
واللى يقولك ان مفيش شل - ده كلام هجص - كلم خدمة العملاء وهما يقولوا لك اقرب مركز خدمه ليك فين

**م/أحمد عبد الفتاح** · 12-12-2014 02:22 AM

جرب الأول تغير الزيت والفلتر وتحط زيت كويس وبعدين لو فضل الحال كما هو عليه تشوف الأول حاجه إسمها PCV وده بلف موجود علشان يسرب الضغط الزيادة فى الكارتير Positive Crank case valve يتفك ويتنضف هو و الخراطيم بتاعته أو يتغيروا لو بايظين ومسدودين.
لو الموتور بياكل زيت ممكن تفك البوجيهات وتشوف عليها زيت ولا لأ وكمان حتلاقى الزيت بينقص.
بس قبل ماتقرر إنه الموتور جرب الأول تشوف الـ PCV

**hossamalsadik** · 12-12-2014 11:28 AM

السلام عليكم
أولا أهلا بيك معانا فى اسرة سيات نيل موتورز
ومبروك العربيه ربنا يبركلك فيها
فى جميع الاحوال شايف انك تمشى بعربيتك بمتورها زى ماهيا لاحد مايجيب اخره واستمتع بيها أنتا معندكش سحب ضعيف او دخنه جمده من الشكمان او الماتور مبرجل معاك فماتقلقش نفسك

عوزك تغير الزيت والفلتر واهتم بالنوعيه الجيده ومن مصدر موثوق فقط و أن شاء الله تظبط

تحياتى

**hnabil6** · 12-12-2014 06:41 PM

اعمل السرفيس العاديه .. وبأمر الله هتمشي زي الفل

الموضوع: استفسار عن موتور العربيه ارجو الرد ضرورى

LinkBack

أدوات الموضوع

عرض

-

-

المواضيع المتشابهه

استفسار عن مراكز صيانة سوبارو.. ارجو الرد ضرورى

فيرنا 2013 , استفسار ارجو الرد ضرورى

ضرورى الرد بسرعه . يعنى ايه العربيه مغيره سقف

عاوز اركب رنجات فى فوانيس العربيه ؟؟؟ارجو الرد ضرورى جداااا

عاوز اركب رنجات فى فوانيس العربيه ؟؟؟ارجو الرد ضرورى جداااا

الكلمات الدلالية لهذا الموضوع

المفضلات

المفضلات

ضوابط المشاركة