حجزت رنو لوجان 2015 الفئه التانيه

**osama Khalil** · 12-12-2014 10:08 PM

بسم الله الرحمن الرحيم.

دي اول مره اكتب فيها علي المنتدي العظيم دا، وقد ايه انا بجد بحترم ارائكم ومتابع كل يوم للجديد منكم واتعلمت كتييييير جدا من مواضيعكم، ف وجب الشكر لكم قبل اي شئ.

انا لسه حاجز رينو لوجان 2015 الفئه التانيه امبارح من معرض اباظه اللي في اخر شارع الطيران "اللون شامبين" وان شاء الكريم هاستلمها اخر الشهر علشان انا جايبها تبع بنك "QNB" وكنت عاوز اعرف منكم

1-ايه الفروق بين الفئه الاولي والتانيه والتالته بشكل وااااااضح وصريح لماكي الفئه التانيه.
2- ايه الفرق بين التكييف الاتوماتيك والعادي الي في الفئه التانيه.
3- هل هناك صور واضحه للفئه التانيه.
4-سمعت ان في فرق في الفرش وشكل التابلوه ....."ازاااااي وبمعني ايه".
5-ايه اللي لازم اخلي بالي منوا قوي عند الاستلام.

وانا اسف علي الاطاله عليكم وفي انتظار مشاركتكم وارائكم معايا.....معلش استحملوني

**corsair** · 13-12-2014 01:18 PM

المشاركة الأصلية كتبت بواسطة osama khalil

بسم الله الرحمن الرحيم.

دي اول مره اكتب فيها علي المنتدي العظيم دا، وقد ايه انا بجد بحترم ارائكم ومتابع كل يوم للجديد منكم واتعلمت كتييييير جدا من مواضيعكم، ف وجب الشكر لكم قبل اي شئ.

انا لسه حاجز رينو لوجان 2015 الفئه التانيه امبارح من معرض اباظه اللي في اخر شارع الطيران "اللون شامبين" وان شاء الكريم هاستلمها اخر الشهر علشان انا جايبها تبع بنك "qnb" وكنت عاوز اعرف منكم

حضرتك أكيد دافع اوفر برايس وازاي تستني لحد اخر الشهر

1-ايه الفروق بين الفئه الاولي والتانيه والتالته بشكل وااااااضح وصريح لماكي الفئه التانيه.

الاولي الفرش شكله متغير طبعا افضل بمراحل من الفئة التانية للخامسه
2 زجاج كهرباء امامي في الفئة الاولي
المقابض ليست بنفس لون السيارة
ليست مدعمه بالنواكل ولا يوجد بها كمبيوتر رحلات
ولا يوجد بها مالتي ميديا

الفرق بين الفئة التانية والتالته

التالته تفرق عن التانية في فرامل abs ومحدد سرعة ومثبت سرعة وتكييف تاتش وتاره مالتي فانكشن

2- ايه الفرق بين التكييف الاتوماتيك والعادي الي في الفئه التانيه.

التكييف الاوتوماتيك يفرق عن العادي في الفصل الاتوماتيك عند الوصول لدرجة الحرارة اللي حضرتك بتحددها مش بيفضل شغال علطول زي التكييف العادي ده غير انه تاتش وشكل افضل بكتير من التكييف العادي

3- هل هناك صور واضحه للفئه التانيه.

4-سمعت ان في فرق في الفرش وشكل التابلوه ....."ازاااااي وبمعني ايه".

الفرش في الفئة الاولي مفيهوش الخياطه ولا الاحترافيه اللي في الفرش اللي موجود في الفئة التانية والتابلوه مفيهوش نيكل حوالين فتحات التكييف ولا الكاسيت ومفيهوش مالتي ميديا

5-ايه اللي لازم اخلي بالي منوا قوي عند الاستلام.

طبعا تفرز العربية حته حته اكنك بتشتريها مستعمله وتتأكد ان كل حاجه شغاله تكييف وانارة واشارات وكمبيوتر رحلات والكاسيت وهتستلم 2 مفتاح واستبن وكوريك ومفتاح عجل وقاطره و3 كتالوجات وشهادة بيانات علشان ترخص

وانا اسف علي الاطاله عليكم وفي انتظار مشاركتكم وارائكم معايا.....معلش استحملوني

ألف مبروك مقدما وربنا يديك خيرها ويكفيك شرها وتستلمها علي خير بأذن الله

**mkaram84** · 14-12-2014 11:32 AM

الف مبروك يا باشا وربنا يبارك لك فيها ويرزقك خيرها ويكفيك شرها
ان شاء الله شباب النيو لوجان يجاوبوا على حضرتك والاستاذ المحترم corsair تفضل وسبق في الرد

المشاركة الأصلية كتبت بواسطة osama Khalil

5-ايه اللي لازم اخلي بالي منوا قوي عند الاستلام.

الموضوع ده شامل متكامل ان شاء الله http://www.nilemotors.net/Nile/212403-a.html

**osama Khalil** · 17-12-2014 05:11 PM

استاذي corsair انا لساني عاجز عن شكر حضرتك وردك الوافي دا.

**osama Khalil** · 17-12-2014 05:12 PM

المشاركة الأصلية كتبت بواسطة mkaram84

الف مبروك يا باشا وربنا يبارك لك فيها ويرزقك خيرها ويكفيك شرها
ان شاء الله شباب النيو لوجان يجاوبوا على حضرتك والاستاذ المحترم corsair تفضل وسبق في الرد

الموضوع ده شامل متكامل ان شاء الله http://www.nilemotors.net/nile/212403-a.html

شكرررررررااا جزيلا استاذ محمد كرم