ممكن مساعده بخصوص عربيه افيو 2007
السلام عليكم ورحمه الله وبركاته... انا عضو جديد هنا معاكم وبصراحه انا متابع الموقع بتاعكم من زمان واستفدت منه كتير فى بيع وشرا وصيانه وكل حاجه بصراحه الموقع ده من اقوى مواقع السيارات فى مصر ولذلك انا قررت انضم ليكم وده شرف ليه واتمنى اكون ضيف خفيف عليكم ..... انا كنت عايز اسال على شويه حجات واتمنى انى الاقى الرد عندكم ومتبخلوش عليه بخبرتكم اللى انا متاكد انكم مش هتستخسروا النصيحه هدخل فى الموضوع على طول علشان مبقاش ممل انا معايا عربيه افيو موديل 2007 وكنت عايز اظبط فيها شويه حجات فى الميكانيكا فكنت عايز لو حد يعرف ميكانيكى محترم وشاطر لان الواحد بجد تعب من كتر النصابين اللى الواحد بيتعامل معاهم فلو حد يقدر يقولى على ميكانيكى من الاخر يبقى كتر خيروا ثانيا كنت عايز اسمكر العربيه وارش الجزء اللى تحت ( حزام يعنى) بردو لو حد عنده سمكرى كويس وبتاع دهان يقولى عليه بس يكون كويس بجد وعن تجربه وفى الاخر لو حبيت اروش العربيه باكسسوارات وملصقات حد يقولى ممكن اعمل فيها ايه او اروح لمين الواحد عايز يحس انه جدد العربيه لانى من النوع اللى بيحب يجدد فى شكل العربيه اتمنى مكونش طولت عليكم وطمعان فى ربنا وفيكم انكم تدلونى على الصح واروح لمين بالظبط ولو هعمل الكلام ده ابتدى بالسمكره الاول ولا الميكانيكا الاول ولا ايه بالظبط علشان معملش حاجه وابوظ حاجه تانيه ملحوظه انا من سكان المعادى وبردو معنديش مشكله اروح بالعربيه لو مكان بعيد عنى بس يكون عند حد فعلا يكون كويس.... وجزاكم الله كل خير