(بالصور) تقرير عن رحلة صيد بحرية بالعين السخنة (بورتو السخنة)

السلام عليكم ورحمة الله وبركاته

المكان: بورتو العين السخنة (البحر الأحمر)
الزمان: الجمعة 12-12-2014

اتفقت أنا ومجموعة من أصدقائي على الذهاب إلى رحلة صيد بحرية لتغيير الجو وفرصة لتعلم الصيد البحري لأني لم أجربه من قبل
كنت أنا وأخي و4 من معارفي و4 آخرين من معارف أحد أصدقائي الذين جهزوا برنامج الرحلة وحضروا أدوات الصيد والطُعم والثلج وما شابه
تحركت أنا وأخي حوالي الساعة 3 قبل الفجر واتفقنا مع أصدقائنا الأربعة على التقابل عند مدخل محور سعد الدين الشاذلي ثم ننطلق بالسيارتين إلى العين السخنة
تقابلنا معهم ولكن أخبرني أحدهم أن الآخرين ينتظروه في مصر القديمة لأن سيارتهم لن تتحملهم مع الأشياء التي يحملوها فترك لي اثنان وذهب هو وآخر إليهم واتفقنا أن نتقابل عند بوابات طريق العين السخنة
تحركنا حوالي 3.30 ص وأخذت محور الشاذلي ومنه إلى الدائري متجها إلى طريق العين السخنة
عبرنا البوابات ودفعنا (الكارتة) 5 جنيهات وانطلقنا ببطء لأن باقي الأصدقاء لم يكونوا قد وصلوا بعد وعندما تأخروا قررنا أن نسبقهم إلى المكان وننتظرهم هناك وعرفنا منهم أنهم اتفقوا على "بورتو العين السخنة" فانطلقنا إلى هناك
وصلنا العين السخنة وشغلت تطبيق Google Maps على الموبايل لأننا لم نكن نعرف الطريق وبالرغم من أننا ضللنا الطريق قليلا في البداية إلا أننا عدلنا المسار وأرشدنا إلى الطريق الصحيح
قبل مكان اللقاء بعدة كيلومترات وجدنا بنزينة على الطريق "إمارات مصر" وكانت الشمس قد أوشكت على الشروق ولم نكن قد صلينا الفجر ، فققرنا التوقف لتموين السيارة ودخول الحمام والصلاة ، وكان المكان رائعا والحمامات نظيفة وفخمة ويوجد مكان مخصص للصلاة فصلينا

http://nileup.com/up/uploads/nilemotors_14185043422.jpg

http://nileup.com/up/uploads/nilemotors_14185043421.jpg

ثم انطلقنا إلى البورتو وكان الأصدقاء قد وصلوا تقريبا
الطريق كان رائعا لأنه كان على البحر مباشرة على اليسار وعلى يمينك الجبال ولكنه كان خطرا للغاية لأنه ضيق واتجاه واحد ومليء بالمنحنيات الخطرة واللافتات الإرشادية طوال الطريق تنبه على ذلك ومكتوب بأحدها (منطقة حوادث) !
وصلنا الحمد لله بعد السادسة بقليل ودخلنا مكان اليخوت وكان في مقابل أبراج بورتو السخنة الرائعة التي تم إنشاؤها وسط الجبال على هيئة الأهرامات الثلاثة

http://nileup.com/up/uploads/nilemotors_14185043425.jpg

ودخلنا بالسيارات أولا لتنزيل الحقائب

http://nileup.com/up/uploads/nilemotors_14185048501.jpg

http://nileup.com/up/uploads/nilemotors_14185048502.jpg

ثم تركناها في باركينج خارج المكان برسم انتظار 20 جنيه طوال اليوم
ركبنا اليخت الذي اتفق معه الأصدقاء (أقصى عدد 10 والإيجار 1500 جنيه طوال اليوم) وبدأنا في تجهيز أدوات الصيد وكان اليخت به ماكينات صيد للإيجار الماكينة ب25 جنيه طوال اليوم وأخرجنا الطُعم الذي كان مكونا من الجمبري الصغير والسُبّيط وبعض السمك الصغير

http://nileup.com/up/uploads/nilemotors_14185043423.jpg

http://nileup.com/up/uploads/nilemotors_14185043424.jpg

http://nileup.com/up/uploads/nilemotors_14185043426.jpg

http://nileup.com/up/uploads/nilemotors_14185043427.jpg

http://nileup.com/up/uploads/nilemotors_14185043438.jpg

http://nileup.com/up/uploads/nilemotors_14185043439.jpg

http://nileup.com/up/uploads/nilemot...1850434310.jpg

اليخت كان مكونا من دور علوي وبالأسفل المقدمة والمؤخرة للصيد وفي المنتصف مكان صغير للاستراحة (ريسبشن) ثم النزول بدرجات سلم قليلة يوجد أمامها 3 غرف نوم بكل غرفة سريران صغيران فوق بعضهما ومطبخ صغير وحمام صغير

http://nileup.com/up/uploads/nilemotors_14185046551.jpg

http://nileup.com/up/uploads/nilemotors_14185046552.jpg

http://nileup.com/up/uploads/nilemotors_14185046553.jpg

http://nileup.com/up/uploads/nilemotors_14185046554.jpg

بعدما تحركنا بقليل وتمتعت بالمنظر الطبيعي الرائع للبحر

http://nileup.com/up/uploads/nilemotors_14185047621.jpg

http://nileup.com/up/uploads/nilemotors_14185047622.jpg

http://nileup.com/up/uploads/nilemotors_14185047623.jpg

كان قد غلبني النوم بسبب هواء البحر خاصة أنني لم أكن قد نمت إلا ساعة ونصف فقط فدخلت نمت بأحد الغرف من الساعة 9.30 واستيقظت الساعة 1.30 ! وخلال النوم كنت أشعر بأن اليخت سوف ينقلب بنا من شدة الأمواج
قمت تناولت بعض الطعام وأخذت ماكينة الصيد وبدأ بعض الأصدقاء يرشدوني إلى كيفية التعامل معها وبدأت رحلة الصيد التي نتج عنها الفشل الذريع :)
لم يوفق أكثر الأصدقاء إلى الصيد في هذا اليوم لأننا لم نكن في موسم الصيد وقد أخبرنا بذلك ريّس اليخت وكان يحزن إذا خرج معه أشخاص للصيد ولا يوفقوا إلى الصيد ولكن أنا لم أستاء كثيرا لأنها كانت أول تجربة وكنت أريد الخروج لتغيير الجو والاستمتاع بالطبيعة ليس أكثر

[ بعض ما قام بصيده الأصدقاء والسمكة الكبيرة صادها ريّس المركب وأعطاها لنا شفقة علينا :) ]

http://nileup.com/up/uploads/nilemotors_14185049581.jpg

http://nileup.com/up/uploads/nilemotors_14185049582.jpg

http://nileup.com/up/uploads/nilemotors_14185049583.jpg

http://nileup.com/up/uploads/nilemotors_14185049584.jpg

في أثناء ذلك شاهدنا عددا من الدلافين تقفز بجوارنا وكان منظرا رائعا

http://nileup.com/up/uploads/nilemotors_14185053111.png

http://nileup.com/up/uploads/nilemotors_14185053122.png

يتبع ...

كانت الشمس قد بدأت في الغروب فبدأنا نتحرك إلى ميناء اليخوت بعد قضاء وقت ممتع في البحر

http://nileup.com/up/uploads/nilemotors_14185053891.jpg

http://nileup.com/up/uploads/nilemotors_14185053892.jpg

http://nileup.com/up/uploads/nilemotors_14185053893.jpg

http://nileup.com/up/uploads/nilemotors_14185053894.jpg

http://nileup.com/up/uploads/nilemotors_14185053895.jpg

http://nileup.com/up/uploads/nilemotors_14185053896.jpg

http://nileup.com/up/uploads/nilemotors_14185053897.jpg

http://nileup.com/up/uploads/nilemotors_14185053898.jpg

http://nileup.com/up/uploads/nilemotors_14185053899.jpg

http://nileup.com/up/uploads/nilemot...1850538910.jpg

http://nileup.com/up/uploads/nilemotors_14185054951.jpg

http://nileup.com/up/uploads/nilemotors_14185054962.jpg

http://nileup.com/up/uploads/nilemotors_14185054963.jpg

http://nileup.com/up/uploads/nilemotors_14185054964.jpg

وكان التعب والإرهاق قد بدأ ينال منا فصلينا المغرب والعشاء جمعا وقصرا ثم قسمنا أنفسنا كلا في طريقه وقد أخذت أخي وتحركنا وحدنا اتجاها إلى مدينة بدر وقمت بتشغيل Google Maps مرة أخرى لأنني لم أكن أعرف طريق العودة وأرشدني بكل دقة حتى وصلت سالما بحمد لله
قبل أن نغادر العين السخنة وجدت أماكن على الطريق لبيع الأسماك فراودني الفضول لأتعرف على أنواع هذه الأسماك وقررت الشراء لتجربة سمك البحر بدلا من أسماك المزارع التي نأكلها باستمرار فتوقفت عند أحدهم وسألته عن جميع الأنواع المعروضة وأسعارها ولكني شعرت أنه يستغلني لأن كل الأسعار عندها كانت 70 أو 80 جنيه للكيلو والجمبري 150 جنيه !
قررت شراء سمك (مرجان بأتب) لتجربته

http://i461.photobucket.com/albums/q...AWYMASRI/_.jpg

وكذلك الجمبري الأحمر

http://kenanaonline.com/photos/12380...jpg?1299732946

وتفاوضت مع الرجل قدر استطاعتي فأخذت كيلو ونصف المرجان ب110 جنيه ونصف كيلو الجمبري ب55 جنيه وأنا أعلم أنه غال خاصة أن الرجل يعلم أنني غريب وقليل الخبرة فلن أستطيع التغلب عليه ولكني قلت أجرب
أخذنا طريق العين السخنة - القاهرة مرة أخرى ودفعنا الكارتة مرة أخرى (5 جنيهات) ثم نزلنا من فتحة إلى الطريق الدائري الإقليمي الجديد (ودفعنا كارتة أيضا 5 جنيهات) ليأخذنا إلى طريق السويس ومنه إلى مدينة بدر ووصلنا في زمن قليل خاصة أنني من الإرهاق كنت أريد الوصول سريعا ، وخلو الطريق وجودته (خاصة الدائري الإقليمي) جعلني لا أشعر إلا وأنا أمشي على سرعة 180 كيلو !

http://nileup.com/up/uploads/nilemotors_14185055781.jpg

وطبعا لا أنصح بذلك لأن الطريق ليس له أمان لاسيما وأن طريق العين السخنة به مسافات مظلمة تماما والإقليمي ليس به أي إضاءة !

حصري لمنتديات نايل موتورز ويسمح بالنقل بشرط نسخ رابط الموضوع

حمدلله على سلامتك و على عودتك من رحله الصيد الجميلة يا رب تكون استمتعت بيها و متعة الصيد فى الرحلة نفسها مش مهم قوى الصيد نفسه . تذكرت عندما كنا نذهب من المعادى الى منطقة الخطاطبة فى بنى سويف ( الكلام ده من اكثر من 25 سنه) و كان النيل بخيره كنا نجلس على أرض مفروشة بالنجيلية و الخضرة زى لسان ممتد داخل النيل بعرض حوالى 10 امتار و طول حوالى 20-30 متر داخل النيل و تسمى رأس مثلا رأس كريمة , رأس محمد الخ و الناس كانت عملها زمان مرسى للسفن النيلية و الصنادل و زى مقلت لحضرتك كان النيل فيه خير كنا نطلع كميات كبيرة من البلطى و قشر البياض و احجام كبيرة صحيح كانت ايام خير و لاحظنا نقص الاسماك مع الايام حتى تقريبا اختفت و تفرق الاحباب و الاصدقاء ( قلبت على المواجع يا استاذ ابو آسر) انا دلوقت عندى 55 سنه بس لسه غاوى صيد يا ريت الرحلة القادمة تفتكرنى فيها و طبعا معايا سيارتى و مشارك فى كل حاجة و تسلم على التقرير الرائع :x1[1]::x1[1]:

جميلة جدا وتقرير رائع

اقتباس:

---

المشاركة الأصلية كتبت بواسطة ali ashraf

حمدلله على سلامتك و على عودتك من رحله الصيد الجميلة يا رب تكون استمتعت بيها و متعة الصيد فى الرحلة نفسها مش مهم قوى الصيد نفسه . تذكرت عندما كنا نذهب من المعادى الى منطقة الخطاطبة فى بنى سويف ( الكلام ده من اكثر من 25 سنه) و كان النيل بخيره كنا نجلس على أرض مفروشة بالنجيلية و الخضرة زى لسان ممتد داخل النيل بعرض حوالى 10 امتار و طول حوالى 20-30 متر داخل النيل و تسمى رأس مثلا رأس كريمة , رأس محمد الخ و الناس كانت عملها زمان مرسى للسفن النيلية و الصنادل و زى مقلت لحضرتك كان النيل فيه خير كنا نطلع كميات كبيرة من البلطى و قشر البياض و احجام كبيرة صحيح كانت ايام خير و لاحظنا نقص الاسماك مع الايام حتى تقريبا اختفت و تفرق الاحباب و الاصدقاء ( قلبت على المواجع يا استاذ ابو آسر) انا دلوقت عندى 55 سنه بس لسه غاوى صيد يا ريت الرحلة القادمة تفتكرنى فيها و طبعا معايا سيارتى و مشارك فى كل حاجة و تسلم على التقرير الرائع :x1[1]::x1[1]:

---

الله يسلمك يا حاج علي
سبحان الله ريس اليخت عم شلبي كان برده بيحكيلنا عن أيام ما كانت طاولة الجمبري الفاخر ب5 قروش ! وكان الخير كتير والسمك تمد ايدك تصطاده وبيتحسر على الأيام اللي كان فيها بركة
إن شاء الله أنا ناوي أكلم حبيبنا كريم منير على الصيف الجاي ينظملنا رحلة زي ده وياريت تكون معانا إن شاء الله

اقتباس:

---

المشاركة الأصلية كتبت بواسطة merooxx

جميلة جدا وتقرير رائع

---

تسلم يا ميرو

اجازه سعيده

مش مهم السمك..كفايه صيد الطريق من جمبرى وخلافه

ويكفى المناظر الرائعه وهدوء البحر

تقرير الرحله جميل جدا وبجد كان يومى صعب جدا وكنت تنشن واتفرجت على الصور كأنى كنت هناك..وشعرت ببعض الهدوء


اجازه سغيده وشكرا على الموضوع والصور الجميله

اقتباس:

---

المشاركة الأصلية كتبت بواسطة طارق _عبد السلام

اجازه سعيده

مش مهم السمك..كفايه صيد الطريق من جمبرى وخلافه

ويكفى المناظر الرائعه وهدوء البحر

تقرير الرحله جميل جدا وبجد كان يومى صعب جدا وكنت تنشن واتفرجت على الصور كأنى كنت هناك..وشعرت ببعض الهدوء


اجازه سغيده وشكرا على الموضوع والصور الجميله

---

العفو يا بشمهندس طارق وشكرا على مرورك وتعليقك الجميل
فعلا منظر البحر لوحده يكفي أنا بعشق النظر إليه واستنشاق هواءه والتأمل في ملكوت الله الواسع وده كفيل بأنه يشيل أي توتر أو اكتئاب عند الواحد بعيدا عن جو القاهرة الملوث والمحبط

حمد الله عالسلامة :) إيه الجمال ده! تقرير رائع وصور حلوة. عايزين نطلع الطلعة دي في يوم

اقتباس:

---

المشاركة الأصلية كتبت بواسطة khaled online

حمد الله عالسلامة :) إيه الجمال ده! تقرير رائع وصور حلوة. عايزين نطلع الطلعة دي في يوم

---

الله يسلمك يا خالد
إن شاء الله هنظبط طلعة زيها في الصيف وناخد كل الحبايب :)

حمد الله على السلامة ، شكله كان يوم حلو ما شاء الله :)

تقرير جميل و فعلا يوم طلعه الصيد رغم انه متعب انما بترجع نفسك صافيه و ذهنك رايق

و بعدين تيجى السخنه و متقولش , قول كان سيسعدنى التعرف عليك

شركتى اول ما تطلع من القطاميه و تدخل يمين :)

و لى بعض الملاحظات عن الرحله

وقت الصيد الصح بيكون مع الشروق الى 10 الصبح و من بعد العصر الى المغرب

فتره الظهيره بتبقى شبه ميته الا لو بتصطاد فى عمق كبير

ريس المركب بيفرق فى الصيد لانه هو اللى بيخليك تصطاد او يرجعك و انت شارى من الحلقه

بمعنى انه لو هو شاطر بيعرف يوقفك فى اماكن بيكون فيها صيد و بينقل بك لو الدنيا مش تمام معاك

طيب و هو ليه ميعملش كده من الاول

هأقول لحضرتك : اول ما تركب المركب بيقيم الطلعه اللى معاه (لو اول مره يطلعوا معاه ) جايه تتفسح و تدلع نفسها

و لا جايه تصطاد و شرقانه بحر

و كمان بيقيم ناس محترفه و لا اى كلام

طيب و هو خسران ايه ما يودينا حتت حلوه , هاتفرق معاه التنقل من مكان لمكان هايصرف معاه بنزين

كمان رفع البروسى كل شويه و تنزيله بيكون مجهد (لو مش على مكنه ) و خاصه لو كان واقف فى اعماق كبيره نوعا ما 25-40 متر

و هايفضل يحكى ان كان معاه طلعه امبارح و كانوا فى المكان ده و عبوا الايس بوكسات كلها و انتم النهارده حظكم وحش

و فى الاخر دى ارزاق

تقوم انت تاخده على جنب و تقوله صيدنا و تبرزله فلوس و تشوف هايعمل ايه :)

-----------------

لا اتهم الراجل بتاعكم و لكن ده اللى بيحصل مع معظم الناس ,

و اكيد طبعا فى احتمال ان مفيش سمك و ده رزق بتاع ربنا المهم ناخد بالاسباب

اقتباس:

---

المشاركة الأصلية كتبت بواسطة m!sho

حمد الله على السلامة ، شكله كان يوم حلو ما شاء الله :)

---

الله يسلمك
هو كان حلاوته في تغيير الجو والخروج من جو الكآبة وضغوط العمل

اقتباس:

---

المشاركة الأصلية كتبت بواسطة mtak

تقرير جميل و فعلا يوم طلعه الصيد رغم انه متعب انما بترجع نفسك صافيه و ذهنك رايق

و بعدين تيجى السخنه و متقولش , قول كان سيسعدنى التعرف عليك

شركتى اول ما تطلع من القطاميه و تدخل يمين :)

و لى بعض الملاحظات عن الرحله

وقت الصيد الصح بيكون مع الشروق الى 10 الصبح و من بعد العصر الى المغرب

فتره الظهيره بتبقى شبه ميته الا لو بتصطاد فى عمق كبير

ريس المركب بيفرق فى الصيد لانه هو اللى بيخليك تصطاد او يرجعك و انت شارى من الحلقه

بمعنى انه لو هو شاطر بيعرف يوقفك فى اماكن بيكون فيها صيد و بينقل بك لو الدنيا مش تمام معاك

طيب و هو ليه ميعملش كده من الاول

هأقول لحضرتك : اول ما تركب المركب بيقيم الطلعه اللى معاه (لو اول مره يطلعوا معاه ) جايه تتفسح و تدلع نفسها

و لا جايه تصطاد و شرقانه بحر

و كمان بيقيم ناس محترفه و لا اى كلام

طيب و هو خسران ايه ما يودينا حتت حلوه , هاتفرق معاه التنقل من مكان لمكان هايصرف معاه بنزين

كمان رفع البروسى كل شويه و تنزيله بيكون مجهد (لو مش على مكنه ) و خاصه لو كان واقف فى اعماق كبيره نوعا ما 25-40 متر

و هايفضل يحكى ان كان معاه طلعه امبارح و كانوا فى المكان ده و عبوا الايس بوكسات كلها و انتم النهارده حظكم وحش

و فى الاخر دى ارزاق

تقوم انت تاخده على جنب و تقوله صيدنا و تبرزله فلوس و تشوف هايعمل ايه :)

-----------------

لا اتهم الراجل بتاعكم و لكن ده اللى بيحصل مع معظم الناس ,

و اكيد طبعا فى احتمال ان مفيش سمك و ده رزق بتاع ربنا المهم ناخد بالاسباب

---

إن شاء الله تتعوض ونطلع مع بعض الطلعة الجاية بس بتاعة نايل موتورز المرة دي :)
بخصوص الريس هو فعلا اتنقل بينا من مكان للتاني واتحركنا كتير وفي ناس من اللي معانا كانوا فاهمين وعارفين وكانوا علطول يقولوله شوفلنا حتة تانية وكده بس فعلا شكله كان بيستقرب لأننا شفنا مراكب بعيد وهو كان كل تحركاته قريبة من الشاطئ بس كان بيتحجج إن الموج عالي وبيني وبينك أنا نفسي مكنتش عايز أبعد عن الشاطئ لأني بخاف من البحر ومش بعرف أعوم أصلا :)
ده احنا كنا حاسين اننا هنتقلب خلاص واحنا على الوش ما بالك لو كنا غوطنا كمان !

حمدا لله على السلامة يا أبا آسر واجازة سعيدة :)

الله ينور, حقولك على حجتييت عشان المرة الجاية

اللنشات الطلعت بيها برده بيبيعوا السمك البيصطادوا و ممكن تشترى منهم انا عن نفسى افضلهم عن الناس العلى الطريق لان السمك بيطلع من المية يحطوا فى الفريزر على طول و مش كل شوية يجمدوا و يفكو عشان العرض

الحاجة التانية الطلعة 12 ساعة دى عادة بتكون نزهة اكتر من الصيد, لو عايز صيد صيد يبقى بتتكلم فى يوم و نص اقل شيء عشان تقدر تستغل الماكن و الاوقات المميزة فى الصيد زى الفجر و بعد العصر و اللنش يقدر يمشى لاماكن ابعد لان حيط المارينا ده متنضف اول باول

رحله جميله
كفايه انها بتغسل هموم العمل
وتكسر الروتين وتجدد النشاط

موضوع رائع وصور ولا اجمل..حمدلله ع السلامه والمهم الرحلة كانت حلوه

حمد لله علي السلامه يا أبو أسر ونصيحه من اخوك لما تيجي تطلع أي رحلة لازم تستفسر الاول عن حالة الجو وشدة الرياح وهتلاقي الكلام ده كله في منتديات الصيد والجروبات علي الفيس وثانيا ريس المركب المفروض كان يكون أمين معاكم ومينزلش بيكم في وقت هو عارف ان السمك فيه مش بياكل ثالثا سعر المركب غالي جدا 1500 في نص يوم ده انا افتكر من سنتين تقريبا نزلت بيخت في الزعفرانه كان ب 1000 جنيه 24 ساعة وبيتنا في البحر لحد تاني يوم الصبح وعملنا احلي شغل صيد وكان الجو بليل تحفه في البحر لان ده موسم الكليماري وتلاقي من بعد الساعه 6 احلي كاليماري ساعتها خدت يجي 10 كيلو كاليماري ده غير الكوشر والنواجل اللي اصطدنها بالنهار

انا كمان ساعات لما بكون في اسكندرية باخد مركب صيد من بحري من 6 الصبح لحد 4 العصر ب 50 جنيه وبتبقي رحلة جميلة بس مشكلتها ان الموج في البحر المتوسط غير البحر الاحمر خالص دوار البحر بيشتغل علي ودنه ههههههههه

المهم ان شاء الله تتعلموا من الاخطاء دي والمره الجايه نروح مع بعض

ما شاء الله
رحلة جميلة وتقرير رائع وصورة تريح النفس وتزيل الإكتئاب
فكرتني يا أبو آسر برحلات الصيد اللي بابا كان بيخدنا فيها
كان الضغط عالي عنده الدكتور نصحة بالبعد عن السجائر ووجهه بتجربة الصيد لتهدئة الأعصاب
فكان كل جمعة نتجه إلى منطقة في القناطر الخيرية معروفة للصيادين ونحجز خيمة ومركب صيد ومعنا الأيس تانك وزجاجات يتم وضعها في الفريزر ثم وضعها في الأيس تانك للحفاظ على البرودة .، ونأخد معنا الصنانير ، طبعاً أفضلهم بمكن وغيره لوالدي ، وبعض الطعم اللذي نشتريه عند وصولنا للشاطئ .
أنا كنت بخاف من الطعم وكنت أجعل بابا يضع لي الطعم ، وكان حظي جميل في الإصطياد وكنت أيضاً أخاف من السمك وهو بيفرفر ، فأصبحت وش السعد لأبي وكنت أنا المسؤلة عن الصيد وهو المسؤل عن الطعم وتفريغ السمك في الآيس تانك ، ولكنها أسماك صغيرة .
ياااه رجعت لي ذكريات جميلة منها :-
أننا لم نخلص رحلة الصيد ببعض السميكات الكثيرة
نتجة للصيادين ونأخذ منهم شروة ما إصطاده - ما شاء الله كل ما لاذ وطاب وأنواع مختلفة .
فكان يقابلنا أحد الجيران - فكان يرى ما إصطدناه وما إشتريناه وكان يقول له بابا هذا رزقنا اليوم ( على كله ) ، ويقول له لازم تيجي معانا في يوم .
وفعلاً أتفق جارنا مع والدي ، وعند ذهابنا ، كالمعتاد كل زرقنا وما نستطيع إصطيادةه هو بعض السميكات الصغيرة الكثيرة ، فقال أنكل لبابا ( أمال فين السمك الكبير والأنواع اللي كنت بشوفها معاك كل أسبوع ) فقال له بابا : أصبر دا رزق آخر اليوم
وبعد إنتهاء رحلة الصيد المعتادة فذهب بابا إلى التجار ليشتري الشروة المعتادة
فكانت مفاجأة لجارنا على أكبر نكتة بابا عملها فيه .
معلش طولت عليك بس انت اللي فكرتني بإيام جميلة
شكراً لك

الى الأخ الفاضل MTAK حضرتك اللى جبته لنفسك واضح ان حضرتك متمكن من موضوع الصيد فى البحر ( الحقيقة ان نييلى فقط) ان شاء الرحمن الجماعة فى المنتدى يحضروا لرحلة فى الوقت اللى حضرتكم تشفوه مناسب ( و هذا يحتاج بعض التنسيق) و حضرتك تكون معنا ( سيد القوم خادمهم) و نستمتع معا بالصحبة الحلوة و محبة فى الله و يوم ( ان شاء الله ايام) صيد جميل.:goldfish::goldfish::goldfish:

اقتباس:

---

المشاركة الأصلية كتبت بواسطة mohamed_hamid

حمدا لله على السلامة يا أبا آسر واجازة سعيدة :)

---

الله يسلمك يا هندسة وشد حيلك تطلع معانا الطلعة الجاية في الصيف بإذن الله :)

اقتباس:

---

المشاركة الأصلية كتبت بواسطة muhamednabil

الله ينور, حقولك على حجتييت عشان المرة الجاية

اللنشات الطلعت بيها برده بيبيعوا السمك البيصطادوا و ممكن تشترى منهم انا عن نفسى افضلهم عن الناس العلى الطريق لان السمك بيطلع من المية يحطوا فى الفريزر على طول و مش كل شوية يجمدوا و يفكو عشان العرض

الحاجة التانية الطلعة 12 ساعة دى عادة بتكون نزهة اكتر من الصيد, لو عايز صيد صيد يبقى بتتكلم فى يوم و نص اقل شيء عشان تقدر تستغل الماكن و الاوقات المميزة فى الصيد زى الفجر و بعد العصر و اللنش يقدر يمشى لاماكن ابعد لان حيط المارينا ده متنضف اول باول

---

أنا مجاش في بالي بصراحة أشتري إلا لما اتحركت وشفت الناس اللي عالطريق وقولت أهي تجربة مش هتخسر حاجة بس الحمد لله السمك طلع روعة فعلا احنا قعدنا ناكل في الكيلو ونص مرجان والنص الجمبري يومين :)

اقتباس:

---

المشاركة الأصلية كتبت بواسطة adelghanem

رحله جميله
كفايه انها بتغسل هموم العمل
وتكسر الروتين وتجدد النشاط

---

بالضبط كده هو ده كان الغرض من الرحلة مش مسألة اننا نصطاد

اقتباس:

---

المشاركة الأصلية كتبت بواسطة zrzr1

موضوع رائع وصور ولا اجمل..حمدلله ع السلامه والمهم الرحلة كانت حلوه

---

الله يسلمك
الحمد لله كان يوم جميل فعلا

اقتباس:

---

المشاركة الأصلية كتبت بواسطة corsair

حمد لله علي السلامه يا أبو أسر ونصيحه من اخوك لما تيجي تطلع أي رحلة لازم تستفسر الاول عن حالة الجو وشدة الرياح وهتلاقي الكلام ده كله في منتديات الصيد والجروبات علي الفيس وثانيا ريس المركب المفروض كان يكون أمين معاكم ومينزلش بيكم في وقت هو عارف ان السمك فيه مش بياكل ثالثا سعر المركب غالي جدا 1500 في نص يوم ده انا افتكر من سنتين تقريبا نزلت بيخت في الزعفرانه كان ب 1000 جنيه 24 ساعة وبيتنا في البحر لحد تاني يوم الصبح وعملنا احلي شغل صيد وكان الجو بليل تحفه في البحر لان ده موسم الكليماري وتلاقي من بعد الساعه 6 احلي كاليماري ساعتها خدت يجي 10 كيلو كاليماري ده غير الكوشر والنواجل اللي اصطدنها بالنهار

انا كمان ساعات لما بكون في اسكندرية باخد مركب صيد من بحري من 6 الصبح لحد 4 العصر ب 50 جنيه وبتبقي رحلة جميلة بس مشكلتها ان الموج في البحر المتوسط غير البحر الاحمر خالص دوار البحر بيشتغل علي ودنه ههههههههه

المهم ان شاء الله تتعلموا من الاخطاء دي والمره الجايه نروح مع بعض

---

أكيد الواحد اتعلم كتير المرة دي وإن شاء الله الطلعة الجاية بتاعة نايل موتورز هيبقى فيها ناس خبرا تظبطلنا المسائل دي ويكون يوم متميز بجد

اقتباس:

---

المشاركة الأصلية كتبت بواسطة friendship7897

ما شاء الله
رحلة جميلة وتقرير رائع وصورة تريح النفس وتزيل الإكتئاب
فكرتني يا أبو آسر برحلات الصيد اللي بابا كان بيخدنا فيها
كان الضغط عالي عنده الدكتور نصحة بالبعد عن السجائر ووجهه بتجربة الصيد لتهدئة الأعصاب
فكان كل جمعة نتجه إلى منطقة في القناطر الخيرية معروفة للصيادين ونحجز خيمة ومركب صيد ومعنا الأيس تانك وزجاجات يتم وضعها في الفريزر ثم وضعها في الأيس تانك للحفاظ على البرودة .، ونأخد معنا الصنانير ، طبعاً أفضلهم بمكن وغيره لوالدي ، وبعض الطعم اللذي نشتريه عند وصولنا للشاطئ .
أنا كنت بخاف من الطعم وكنت أجعل بابا يضع لي الطعم ، وكان حظي جميل في الإصطياد وكنت أيضاً أخاف من السمك وهو بيفرفر ، فأصبحت وش السعد لأبي وكنت أنا المسؤلة عن الصيد وهو المسؤل عن الطعم وتفريغ السمك في الآيس تانك ، ولكنها أسماك صغيرة .
ياااه رجعت لي ذكريات جميلة منها :-
أننا لم نخلص رحلة الصيد ببعض السميكات الكثيرة
نتجة للصيادين ونأخذ منهم شروة ما إصطاده - ما شاء الله كل ما لاذ وطاب وأنواع مختلفة .
فكان يقابلنا أحد الجيران - فكان يرى ما إصطدناه وما إشتريناه وكان يقول له بابا هذا رزقنا اليوم ( على كله ) ، ويقول له لازم تيجي معانا في يوم .
وفعلاً أتفق جارنا مع والدي ، وعند ذهابنا ، كالمعتاد كل زرقنا وما نستطيع إصطيادةه هو بعض السميكات الصغيرة الكثيرة ، فقال أنكل لبابا ( أمال فين السمك الكبير والأنواع اللي كنت بشوفها معاك كل أسبوع ) فقال له بابا : أصبر دا رزق آخر اليوم
وبعد إنتهاء رحلة الصيد المعتادة فذهب بابا إلى التجار ليشتري الشروة المعتادة
فكانت مفاجأة لجارنا على أكبر نكتة بابا عملها فيه .
معلش طولت عليك بس انت اللي فكرتني بإيام جميلة
شكراً لك

---

ان شاء الله تكون الرحلة دي سبب في ان حضرتك تستعيدي الذكريات الجميلة دي مرة تانية وتخرجي يوم زيها مع زوجك وأولادك وتقضوا يوم ممتع وجميل :)

اقتباس:

---

المشاركة الأصلية كتبت بواسطة ali ashraf

الى الأخ الفاضل mtak حضرتك اللى جبته لنفسك واضح ان حضرتك متمكن من موضوع الصيد فى البحر ( الحقيقة ان نييلى فقط) ان شاء الرحمن الجماعة فى المنتدى يحضروا لرحلة فى الوقت اللى حضرتكم تشفوه مناسب ( و هذا يحتاج بعض التنسيق) و حضرتك تكون معنا ( سيد القوم خادمهم) و نستمتع معا بالصحبة الحلوة و محبة فى الله و يوم ( ان شاء الله ايام) صيد جميل.:goldfish::goldfish::goldfish:

---

ان شاء الله بشمهندس محمد هيكون معانا والحاج علي وكل الناس الحلوة بس محدش يكسل بس على ما الصيف ييجي :)

تقرير رائع ورحلة جميلة واجمل ما في الصيد الهدوء بعيد عن دوشة الحياة ومشاكلها وربنا يوفقك في الصيد المرة القادمة يا أبو آسر : )

اقتباس:

---

المشاركة الأصلية كتبت بواسطة arkoon

تقرير رائع ورحلة جميلة واجمل ما في الصيد الهدوء بعيد عن دوشة الحياة ومشاكلها وربنا يوفقك في الصيد المرة القادمة يا أبو آسر : )

---

فعلا منظر البحر يساعد الذهن على الصفاء والتخلص من آثار مشاكل ومتاعب الحياة اليومية
وإن شاء الله المرة الجاية مش هرجع إلا ب20 كيلو سمك .. حتى لو هشتريهم ههههههههههههههههه

اقتباس:

---

المشاركة الأصلية كتبت بواسطة أبو آسر

فعلا منظر البحر يساعد الذهن على الصفاء والتخلص من آثار مشاكل ومتاعب الحياة اليومية
وإن شاء الله المرة الجاية مش هرجع إلا ب20 كيلو سمك .. حتى لو هشتريهم ههههههههههههههههه

---

حمد اللة بالسلامة ابو اسر
لسة اخى كان فى سيرة نفس الموضوع هو طلع رحلة مع ناس محترفين وكانت اول مرة لة واستمتع جدا بس كانت مكلفة وكانت 3 ايام وبرضة كان حظهم موش حلو واول يوم عانى من دوار البحر

اقتباس:

---

المشاركة الأصلية كتبت بواسطة dedi

حمد الله بالسلامة ابو اسر
لسة اخى كان فى سيرة نفس الموضوع هو طلع رحلة مع ناس محترفين وكانت اول مرة لة واستمتع جدا بس كانت مكلفة وكانت 3 ايام وبرضة كان حظهم موش حلو واول يوم عانى من دوار البحر

---

الله يسلمك أخي الحبيب
هو فعلا اليومين دول مش موسم صيد ويدل على كده ان مطلعش من اليخوت اللي كانت راكنة غير تلاتة أو أربعة والباقي مجرش
بخصوص دوار البحر في حبوب مفروض مخصصة للموضوع ده احنا كلنا أخدنا حباية أول ما اتحركنا وفعلا في الأول كان الموضوع متعب شوية بس بمرور الوقت محسيناش بحاجة

الف حمد الله علي سلامتك
ما شاء الله من الصور رحلة جميلة

اقتباس:

---

المشاركة الأصلية كتبت بواسطة s o p h o s

الف حمد الله علي سلامتك
ما شاء الله من الصور رحلة جميلة

---

الله يسلمك أخي أحمد
الحمد لله كان يوم كويس

تقرير ممتاز ورحله رائعه
ولو رجالة نايل موتورز هيعملوا رحله انا طالع باذن الله

اقتباس:

---

المشاركة الأصلية كتبت بواسطة speed_magnum

تقرير ممتاز ورحله رائعه
ولو رجالة نايل موتورز هيعملوا رحله انا طالع باذن الله

---

الله يكرمك يا دكتور
أنا اتفقت مبدئيا مع كريم وان شاء الله عالصيف هيظبطلنا طلعة حلوة بإذن الله

شكراااا يا باشا على التقرير الجامد دة وطبعاااا المتعة فى الرحله والمرة الى جاية ابقى كلم ريس المركب معاهم جدول لكل مواسم الصيد والنوات بتاعة البحر ويدللك على انسب وقت تروح وترجع بخير (سمك) من البحر والبياعين على الطريق بتكون اسعارهم غالية لو انت عايز سمك تروح ميناء الاتكة ودة فى طريق السويس يبعد عن مكانك حوالى 6 كيلو بس قادم البوابات تلاقى الصيادين لسة خارجين من البحر ومعاهم السمك طازة وممكن تفاصل معاهم وتاخد حاجات حلوة بس هما بيبعوا بالطاولة بيكون فيها شويه جمبرى على بورى كذا نوع على بعض وعقبال كل رحلة رغم انى من السويس بس ما عملتش الطلعة دية خالص بس انشاء الله اعملها اول مارجع مصر

اقتباس:

---

المشاركة الأصلية كتبت بواسطة ahmedtohamy

شكراااا يا باشا على التقرير الجامد دة وطبعاااا المتعة فى الرحله والمرة الى جاية ابقى كلم ريس المركب معاهم جدول لكل مواسم الصيد والنوات بتاعة البحر ويدللك على انسب وقت تروح وترجع بخير (سمك) من البحر والبياعين على الطريق بتكون اسعارهم غالية لو انت عايز سمك تروح ميناء الاتكة ودة فى طريق السويس يبعد عن مكانك حوالى 6 كيلو بس قادم البوابات تلاقى الصيادين لسة خارجين من البحر ومعاهم السمك طازة وممكن تفاصل معاهم وتاخد حاجات حلوة بس هما بيبعوا بالطاولة بيكون فيها شويه جمبرى على بورى كذا نوع على بعض وعقبال كل رحلة رغم انى من السويس بس ما عملتش الطلعة دية خالص بس إن شاء الله اعملها اول مارجع مصر

---

العفو يا باشا نورت الموضوع
ان شاء الله الحاجات دي المرة الجاية ناخد بالنا منها الواحد كل مرة بيتعلم حاجة جديدة أكيد