اسئلة لملاك فلوانس فيس ليفت

**Dr.Galileo** · 14-12-2014 08:17 AM

لسلام عليكم ورحمة الله
بصو بقا يا رجالة
عاوز مساعدتكم جميعا في اللي هاقوله ده
1- عاوز افرش العربية جلد زي بتاع الهاي لاين في ناس قالتلي انهم فرشو عند جينز كار في م نصر ب 3200 وبيقولو تمام
بصراحة انا مستغلي المبلغ شوية ... ايه رأيكو وعملتو ايه
2- عاوز اجيب دواسات محترمة جدا للعربية .... في واحد عالنت معاه فلوانس 2014 بيقولي انه جابهم من التوكيل لما راح اول زيارة وانهم بتوع العربية الاصليين ومقاسهم مضبوط جدا .....ايه رأيكو
3- عاوز اجيب نواكل للشنطة ورا حد عنده فكرة منين وبكام
4- وعاوز اجيب فرش للشنطة اللي هو بيبقى بلاستيك ده مش عارف اسمه
لو حد جابه يدلني جابه منين
5- عاوز اجيب كمان دلايات اصلي وسمعت انهم في التوكيل ب 700 جنية وده كتير جدا عليهم لانهم ارخص بره
6- لو جبت شاشة فيها gps هل الوكيل يرضى يركبهالي ولا يقولي هاتخرجك من الضمان واللي ركب قبل كده يقولنا عمل ايه مع الوكيل
7- لو انت زي حالاتي مش بتحب زيت توتال وجبت ليكوي مولي توب تيك يرضى التوكيل يغيره ولا هايغلس .... واللي ليه تجربة فعليه يا ريت يفيدنا يا شباب
8- اجيب جراب للريموت منين ... في واحد لونة اسود شوفته على النت تحفة بس معرفش بيتباع فيه
9- عاوز اغير دواسة الفرامل لواحدة عريضة شوية ... في ناس قالتلي روح عند السجان عند سور نادي الزمالك .. حد عنده فكرة ؟
ياللا هجووووووووووووووووووووووو وووم بقا مشاركات

**Dr.Galileo** · 15-12-2014 04:55 AM

ايه يا جدعان ولا مشاركة
فوق ال 150 واحد دخلو ومفيش ولا رد

**midofox5** · 15-12-2014 09:50 AM

ان شاء الله حد يفيدك من الاعضاء الكرام

**M.Radwan** · 15-12-2014 10:53 AM

أنا مش من ملاك الفوانس بس أقدر أجاوبك على بعض الحاجات:
1- الفرش بتاع جينز كار غالي بشكل مبالغ فيه..وبعد ما عملته في عربيتي واستخدمته فترة حسيت انه عادي يعني مش مستاهل المبالغ الخرافية دي! انت ممكن تعمل فرش زيهم بالظبط عند ناس محترمة ومش هيوصل نص التمن ده حتى.
2- الدواسات بتاع التوكيل على ما أفتكر انها موكيت، اوعى تجيبها حتى لو مقاسها مظبوط عشان هتعذبك في التنظيف.
5- هات أي دلايات تمشي ع العربية، الموضوع مش مستاهل 700 جنيه كتير أووووووي!!!
6- دي تسأل فيها التوكيل عشان تعرف التكلفة كمان هتبقى قد ايه.
7- مش هيرضو يحطو أي زيت غير المعتمد عندهم وتوتال زيت كويس مش وحش.

**Dr.Galileo** · 15-12-2014 02:22 PM

المشاركة الأصلية كتبت بواسطة m.radwan

أنا مش من ملاك الفوانس بس أقدر أجاوبك على بعض الحاجات:
1- الفرش بتاع جينز كار غالي بشكل مبالغ فيه..وبعد ما عملته في عربيتي واستخدمته فترة حسيت انه عادي يعني مش مستاهل المبالغ الخرافية دي! انت ممكن تعمل فرش زيهم بالظبط عند ناس محترمة ومش هيوصل نص التمن ده حتى.
2- الدواسات بتاع التوكيل على ما أفتكر انها موكيت، اوعى تجيبها حتى لو مقاسها مظبوط عشان هتعذبك في التنظيف.
5- هات أي دلايات تمشي ع العربية، الموضوع مش مستاهل 700 جنيه كتير أووووووي!!!
6- دي تسأل فيها التوكيل عشان تعرف التكلفة كمان هتبقى قد ايه.
7- مش هيرضو يحطو أي زيت غير المعتمد عندهم وتوتال زيت كويس مش وحش.

متشكر جدا لذوق حضرتك