الموضوع: متابعة اليوم لاكبر انهيار فى تاريخ البورصة المصرية الاحد والصالات تفض بالبكاء والحزن

المشاركة الأصلية كتبت بواسطة الفجر

أغلقت الجلسة الان على اكبر انيهيار في تاريخ البورصة المصرية
نزول اكتر من خمسة في المائة وبنحو 480 نقطة

ومازال للنزول بقية

مش اكبر نزول و لا حاجه ههههه , قبل كده نزلت فى 2008 و مع الانهيار الاقتصادى العالمى من 12000 نقطه ل 4000 نقطه , كل يوم 10% داون , 480 نقطه دى تعتبر كلام فارغ بالنسبه للبورصات :)

المشاركة الأصلية كتبت بواسطة yasser100

مش اكبر نزول و لا حاجه ههههه , قبل كده نزلت فى 2008 و مع الانهيار الاقتصادى العالمى من 12000 نقطه ل 4000 نقطه , كل يوم 10% داون , 480 نقطه دى تعتبر كلام فارغ بالنسبه للبورصات :)

حبيبي هو مش هدفه فهم الموضوع أو المشكلة هو عاوز جنازة يشبع فيها لطم ....... ماتحاولش تشرحله ملهاش لازمة

المشاركة الأصلية كتبت بواسطة #maam#

حبيبي هو مش هدفه فهم الموضوع أو المشكلة هو عاوز جنازة يشبع فيها لطم ....... ماتحاولش تشرحله ملهاش لازمة

انا شرحت يا ريس للى بيدخلوا يشوفوا الموضوع . علشان يفهموا بس و مش كل الشرح كمان . ﻻنه معروف غير اسباب البترول صناديق الاستثمار و البنوك بيبيعوا قبل الجرد نهاية السنه و تغطية المراكز الماليه و تزبيط الميزانيات و دى موجوده من ساعة ما قالوا يا بورصه و حاجه عالميه معروفه . ما فيش داعى بس نستغل عدم معرفة الاغلبيه بالمجال

المشاركة الأصلية كتبت بواسطة الفجر

عايز جنازة وفيها لطم !!!!!!!!

وانا أصلا لقمة عيشى من البورصة !!! انا ادامى م اقل من شهور عديدة عشان اقدر اضارب تانى في البورصة وهدخل في بيات شتوى لحد ما اشوف السوق هيستقر ولا مش هيستقر وفى الاخر تقول عليا عايز جنازة ............ اى جنازة وانا حالتى النفسية زى الزفت الان وقلت ادخل ادردش مع اى حد فاهم في البورصة افك نفسى معاة !!

ثانيا

نزول البورصة خمسة وعشرة ىف المائة تسمية شيء هين !!!!

اليوم ناس كتير اتخرب بيتها بجد وناس اعرفهم جالهم ذبحة صدرية اليوم وتقول نزول هين !!
سبحان الله بجد

عموما انا اعتتذر ليك لو نكدت على حضرتك

يا باشا طالما حضرتك راجل بورصجى يبقا فاهم كلامى كويس :) . و المفروض انه عندك مناعه من الحاجات دى . امال لو كنت فيها 2008 كنت عملت ايه هههههه . نصيحتى لك اطلع بخسارتك دلوقتى و اركن شويه . العمليه هاتطول يا معلم :).

الموضوع ﻻ سفارات و ﻻ غيره و ده لعب عالمى على تقيل . ﻻ يعلم مداه الا الله .