متابعة اليوم لاكبر انهيار فى تاريخ البورصة المصرية الاحد والصالات تفض بالبكاء والحزن

**الفجر** · 14-12-2014 11:46 AM

الان انهيار مروع واكبر نزول في تاريخ البورصة المصرية نزول بأكثر من 4 في المائة للمؤشر وبعدد 380 نقطة وخسران 13 مليار جنية في اول 60 دقيقة علما ان النزول البورصة بدء منذ اكتر من 3 جلسات
والصالات البورصة تشهد نوبات بكاء حاد وعويل
ولا حول ولا قوة الا بالله العلى العظيم

**Defender** · 14-12-2014 11:53 AM

الحرب قامت يعني ؟!
سفارتين يقفلوا يعملوا كدة

**gade2** · 14-12-2014 11:56 AM

هى البورصه كده فوق وتحت

**الفجر** · 14-12-2014 11:57 AM

علما انى منذ شهرين حذرت من انهيار كارثى في البورصة

في موضوع شهير لية وكان السخرية والاستهزاء على اخرة من شخصى

الان اتضح كل شيء ولم يعد اى شخص ينكر ما يحدث

**yasser100** · 14-12-2014 12:00 PM

شىء طبيعى بعد انهيار اسعار البترول و ده انهيار للبورصات على مستوى العالم , عام 2015 كارثى اقتصاديا على مستوى العالم

**هيثم مجدي** · 14-12-2014 01:20 PM

انا كنت قرأت تقرير ملخصة ان السبب الرئيس هو انهيار اسعار النفط, فبالتبعية المستثمرين بيحاولوا يعوضوا دا بانهم يبيعوا أسهم في بورصات غير هامة عشان يحققوا بعض الربح يعوض خسائرهم في مجالات تانية

لو حد من الزملاء خبير في البورصة يفهمنا الموضوع دا و هل دا سبب حقيقي ولا فيه أسباب تانية؟

**الفجر** · 14-12-2014 01:26 PM

المشاركة الأصلية كتبت بواسطة yasser100

شىء طبيعى بعد انهيار اسعار البترول و ده انهيار للبورصات على مستوى العالم , عام 2015 كارثى اقتصاديا على مستوى العالم

اسمحلى حضرتك اعترض على كلامك لانة مردود علية بكل بساطة

البورصة المصرية في نزول كل يوم بعد يوم من يوم اغلاق السفارات واما السوق الامريكى والاسواق العالمية بدئت النزول فقط بدء من يوم الجمعة عكس البورصة المصرية التى بدء الصريخ فيها من أيام كثيرة اليوم فقط ذاد البلة طين نزول الأسواق العالمية

**#MAAM#** · 14-12-2014 02:28 PM

وبعدين عاوز توصل لأيه ؟؟

ارحمونا بالله عليكم الواحد مش ناقص اكتئاب .......... ياريت اللي مش عاجباه بلده يرحل ويسيبنا في سلام

**الفجر** · 14-12-2014 02:35 PM

أغلقت الجلسة الان على اكبر انيهيار في تاريخ البورصة المصرية
نزول اكتر من خمسة في المائة وبنحو 480 نقطة

ومازال للنزول بقية

**yasser100** · 14-12-2014 02:37 PM

المشاركة الأصلية كتبت بواسطة الفجر

اسمحلى حضرتك اعترض على كلامك لانة مردود علية بكل بساطة

البورصة المصرية في نزول كل يوم بعد يوم من يوم اغلاق السفارات واما السوق الامريكى والاسواق العالمية بدئت النزول فقط بدء من يوم الجمعة عكس البورصة المصرية التى بدء الصريخ فيها من أيام كثيرة اليوم فقط ذاد البلة طين نزول الأسواق العالمية

باشا , اشتغلت فلى البورصه 10 سنين كمستثمر :) , بورصات الدول الناميه او التالته زينا بتبدأ النزول قبل البورصات العالميه بفتره , الاخبار اللى احنا بنعرفها بعدين المستثمرين الكبار بيكونوا عارفينها قبلنا بفتره و بيدءوا يخرجوا من الاسواق الصغيره قبلنا و باسابيع كمان و احنا مش بنكون عارفين الاخبار لسه , لانهم عارفين الاسواق الصغيره بيشتغلوا زى القطيع لو عرفوا اى خبر غير البورصات الكبيره و التقيله .

ملخص كلامى انه المستثمرين العرب و الاجانب عارفين كويس الاخبار دى و وراهم مكاتب استشاريه كبيره و بيخرجوا قبلنا بفتره و بعدين يسيبوها لنا احنا بقا بعد ما نعرف الخبر نرزع فى بعض .

قصه طويله و يطول شرحها , لاهيه بسبب سفارات و لا وزارات و لا غيره .