الموضوع: وفاة صديق لي علي المحور

أرجو المعذرة...
المقصود من الفتوى ان من تجاوز السرعة فعليه كفارة القتل الخطأ..
ومن تجاوز السرعة ومات في حادث كان كمن قتل نفسه خطأ..
وبالتالي على من تجاوز السرعة وصدم شخص الدية والكفارة..
http://www.islam-qa.com/ar/ref/93687/

اانا لله وانا اليه راجعووووون
البقاء لله يا محمود ربنا يصبر اهله ويغفر له ذنبه ويسكنه فسيح جناته

متشكر لكم كلكم يا جماعة الدوام لله وحده و جزاكم الله كل خير .

المشاركة الأصلية كتبت بواسطة tamera

بالنسبة لكلامك دا صحيح فعلا لأن الشيخ ابن باز افتى بأن من تجاوز السرعة وخالف قواعد المرور وصدم احد الاشخاص وقتله لا يعتبر هذا قتل خطأ وانما يعتبر قتل متعمد .. -معظم الناس فاكرين انه لما يكون ماشي بسرعة ويخبط واحد بيعدي الشارع يبقى دا قتل خطأ-
ويعتبر كذلك من مات في حادث وهو يقود السيارة ومتجاوز السرعة كمن قتل نفسه..

شكراَ لك و جزاك الله خير ، يا ريت الناس تحط في دماغها كدة لأن انا شايف الموضوع مفيش فرق بين متدين و غير متدين و شاب أو كهل حتي .. كتير الاقي ناس عمالة تاخد غرز في المراية و اما ييجي يقف ورايا الاقيه ملتحي و زبيبة الصلاة منورة في وشه قد كدة .. و كذا مرة أو تقريباَ كل يوم بشوف ناس كبار و بالشعر الأبيض و بياخدوا غرز مميتة ولا الأوتوكروس .. يا ريت الناس تقرأ و تعرف إن ده حرام .

المشاركة الأصلية كتبت بواسطة birdybirdy

لا حول ولا قوة الا بالله ربنا يغفرله يارب ويرحمه.
بد كل الناس بتوع الشد والسباقات والنيلة دي مش طبيعيين
حرام عليهم نفسهم ولو هما مش خايفين على نفسهم حرام عليهم الرعب اللي بيعملوه للناس اللي حواليهم بالغرز والشد والقرف ده.

انا ممكن أحترم حد بيتدرب في مكان فاضي علي مهارات القيادة لو دي هواية عنده و دماغه كدة .. أحترم الناس اللي بتشارك في الأوتوكروس .. أو اللي بيمشي بسرعات عالية في السفر مثلاَ ده بيبقي طريق سفر و في الغالب فاضي يمشي براحته طالما ماشي في خط طوالي مستقيم (و بيبقي خطر برضه و لكن عالأقل لو ضر لن يضر غير نفسه) .. لكن بقي اللي بيمشي في طرق المدينة الزحمة اللي الناس بتبقي رايحة شغلها و أشغالها عليها و ماشي عامل زي الثعبان بين العربيات عمال ياخد غرز ولا أكنه طريقه الخاص .. ده انا بصراحة بعتبره نوع من الإحـــداث .. و شكراَ ليكي .

المشاركة الأصلية كتبت بواسطة karim_monir

ماهو لازم يبقى في تشديد على المحور لان الطريق مغري
ماهي العربيات الكيا الجديدة واقفة تصور وبس
ما هو لو جريت ورا كذا واحد من بتوع الغرز دول وجابتهم وعملتهم عبرة
مفيش حد هايجروء والحركة هاتسمع كتير
لكن دي واقفة تصور وخلاص
طب ما يجيبو شاهين ويحطو فيها الكاميرات اوفر من العربيات اللي بنص مليون دي

اللي يغيظ إن العربية دي اما إشتروها، إشتروها تحت بند و إسم "عربيات المطاردات" !!!!!!!!!!!!!!!!!!!

انا علي المحور كل يوم .. عمررررررري ما شفت العربيات دي بتتحرك ولا ماشية حتي .. فين المطاردات ؟ علي أي أساس سموها كدة ؟؟ طب ما لو كدة فعلاَ يجيب حتي كرسي يحط عليه الجهاز بدل ماهو موقف نص مليون جنيه عالأرض مهمتها "كاميرا" !! و بعدين ما المخالفة مش سرعة بس .. ما ممكن الطريق يبقي زحمة كله ماشي 60 أو أقل و انا ماشي أغرز ما بينهم من غير ما أعدي ال 80 ، و لو إن الحق يتقال المحور أصبح أكثر إنضباطاَ من ذي قبل و الضباط بيقفوا يوقفوا الميكروباصات و عربيات النقل اللي مبتمشيش في الطريق البطئ المعمول لهم إلي جانب مخالفات الردار .. بس لازم يفهموا إن السرعة مش كل حاجة و أسلوب السواقة الغلط كارثة أكبر من السرعة .. و شكراَ لك و جزاك الله خير .

شكراَ يا جماعة

لا اله الا الله

ان لله و ان الية راجعون
الله يرحمة و يغفر لة و يسكنة فسيح جناتة و يصبر اهلة
اللهم احفظ طريقنا جميعا

"انا لله و انا اليه راجعون" البقية في حياتك و ربنا يلهم اسرته الصبر و السلوان

بصراحة مش عارف اقول ايه , لسه امبارح كنت راجع من شغل في حلوان و انتوا عارفين الطريق عامل ازاي مغري جدا لمحبي الجري و السباقات و اذا بعربية كورسا سايقها شاب شكله كده في الجامعة يعدي من يميني بأقصي سرعة و كمان ضرب غرزة بقي قدامي في اقل من ثانية علشان يعدي نقل بمقطورة كانت امامي علي اليمين

تخيلوا لو انا ماعنديش ضمير و شديت معاه كان ايه اللي ممكن يحصلو , و المهم انه لم يتعظ و استمر في الجري و الغرز بين العربيات اللي معظمها نقل تقيل و تقيل اوي

ربنا يهدي الجميع و يسترها معانا و يسلم لنا طريقنا