تسقيط موتور على الشاهين

**obazzz** · 02-11-2008 04:40 AM

ياريت لو حد عندة فكرة عن المواتير اللى ممكن تنزل على الشاهين انا سمعت ان ممكن ينزل عليها Volumex او Lancia Delta1993 ودة سمعت انوا 2000 سى سى 187 حصان جر خلفى ياريت حد يوضحلى الكلام دة لانى فعلا جاد وعايز انزل موتور قوى على العربية وياريت اعرف ايه الحاجات اللى هضطر اغيرها مع تغيير المتور واسعارها تقريبا واماكن التركيب

**kingtefa** · 02-11-2008 08:12 AM

بص هو بالنسبة للشاهين انا شايف ان ماتورها ال1400 حلو لانى عندى شاهين 2001 و ماتورها مريحنى اوى و عفى .......................................
انت فعلا لو عاوز تزود السى سى بتاعة الماتور ركب تربو و اسعاره اللى انا شفتها 4000 و 6000 جنيه ده فعلا حيفرق معاك جدا لان التربو بيزود ربع او تلت ماتور مش عارف و ناس قالتلى لو ركبته حيديك 2400 سى سى بس انا مش متاكد الصراحة بس نصيحة عند الترخيص تشيل الكلام ده لانه كده حيدفعك سعر عربية ماتورها 2400 سىسى فالاحسن انك تشيله ..................... و ركب طبعا بوجيهات 3 شمعة و فلتر هوا اسبور و الكابلات و هيدر .............................. كده عربيتك حتبقى شديدة بس متسالش عن البنزين راح فين لانها بتحرق بنزين كتير اوووووووووووووى

**obazzz** · 02-11-2008 10:00 AM

على فكرة انا مش فارق معايا السى السى انا باصص للهورس بور ودة اهم حاجه طبعا وغير كدة انا مش واثق ان التربو ممكن يؤدى على الماتور بتاع الشاهين بالذات ان اللى معايا التقفيل المصرى وغير كدة الماكنه خفيفه متستحملش

**obazzz** · 04-11-2008 04:24 AM

ولا فين المهندسين بتوع المنتدى ان شايف ان المشاهدات اكتر من الردود بمراحل ياريت حد يهتم بالموضوع ويرد عليا وشكرا للاخ الفاضل kingtefa على ردة

**Nour_Peugeot** · 04-11-2008 04:55 AM

انا برده راي انك تركب تيربو او تعمل تعديلات رياضيه (فلتر هواء - هيررز - بوجيهات - الخ

**Nour_Peugeot** · 04-11-2008 04:56 AM

و علي فكره لو برده مصمم علي تسقيط مكنه

هتغير عفشه بالكامل

و لو تيربو بس هتغير نظام الفرامل في السياره

**obazzz** · 04-11-2008 05:31 AM

شكراااااااا على ردك Nour_Peugeot

**Nour_Peugeot** · 04-11-2008 10:07 PM

انا تحت امرك يا باشا

**blazer** · 06-11-2008 09:56 AM

لو انت هتدفع وت كلف الموضوع و ميهمكش يبقى ركب الماتور اللى ينفع على عربيتك بلفتيش و غير الفرامل و العفشه
انما لو محدد مبلغ قليل (اقل من 6 الاف كحد ادنى )يبقى ركب فلتر و شكمان رياضى وبوجيهات رياضيه بلسلوك بتاعتهم

**ali_aboshosha** · 24-01-2009 06:08 AM

بص يا مان احنا معانا شاهين موديل 2002 ومسقط لها موتورميفيك 1800 تيربوا ودى صورتها بصراحه من ناحية البنزين هى بتسف بنزين وعايزه بنزينه وراها بس طالما بتحب تكون رقم واحد على الطريق يبقى مش مهم البنزين المهم the speed
ودى صور للعربيه