الموضوع: سؤالين مهمين ضرورى لو سمحتوا

الورق يتصلح الاول طبعا شوف اية الاجراءات وخليم ورا التاجر لان ممكن تعدى فى الفحص دلوقتى وبعد كدة لا تيجى تبيع مثلا والى يرخص يعمل مشكلة هيرجع عليك ويكون الموضوع مات عند الاجر

انا برضه مركب موتور استيراد بس لحد دلوقت ما رحتش اثبت الموتور انا اخدت صورة الإفراج والفاتورة مختومة من المرور والمستخلص ملاني رقم الصادر وتاريخه بس انا حاجدد في شهر 2 الجاي عشان كده مستني وربنا المستعان
بالنسبة لبك السلانسيه الصيني يعمل حوالي 30 جنيه اما التشيكي يعمل 120 جنيه اصلي بك السرعة الواطية 92.5 والسرعة العالية 120 بيعمل الواحد 10 جنيه اما بك الكهربا ماعرفش بس ممكن تختبره فك السلك اللي عليه وانت ملقط كوناكت واسمع صوته ملقط والا لا اما الrpm اللي بيلعب ممكن يكون عندك تسريب هو في الكربراتير من القاعدة او جواناتها ممكن تعرف ده عن طريق رش منظف الكربراتير حوالين الكربراتير والعربيه دايره من تحتيه وحواليه وعلي الخراطيم الموصله ليه لو العربية بطلت يبقي فيه تهريب في الحته اللي انت رشيت فيها لو ما كانش اضبط الهو بتاع الكربراتير زود شويه شمال من مسمار الهوا لحد ما تلاقي العداد ثبت معاك وبعد كده وطي من مسمار السلانسيه اللي ورا واتاكد ان الكهربا مظبوطه
اسف للإطالة عليك بس وضعك زي وضعي برضه تقدر تقولي موديل الموتور اللي انت ركبته ايه 135و 135b و 136, 136b , 136m لان كل نوع من دول ليه نسبة انضغاط مختلفة عن التاني لو كان الأخير زي حالاتي يبقي لازم تضبط كهربا وكربراتير كويس ويستحسن تستخد بنزين 92 عشان الموتور ده نسبة انضغاطه عاليه وممكن يسبب خبط وترزيع جامد
فيه حاجة تانية انت غيرت سير الكاتينه بتاع التقسيمة والا لسه ضروري تغيره وتضبط التاكيهات علي 0.2 عشان اغلب المواتير الإستيراد بتيجي الكاتينه محتاجة تغيير حاتفرق مع الموتور .
اسف علي الإطاله بس انا مريت بالتجربة دي و حبيت اقوللك عليها وربنا يوفقك

[QUOTE=f0lf0l;3875844467]

انا من شهرين سقطت موتور استيراد المهم دلوقتى فوجئت لما بجيب الورق من التاجر ان رقم
الموتور فى صوره الافراج الجمركى فيه صفر زياده عن بصمه الموتور اللى متاخده كمان على نفس
الورقه بتاع الافراج الجمركى يعنى البصمه 2581158 الموظف بتاع الجمارك كاتبها 25811058

المهم انا اتخانقت مع التاجر وقولتله مش ذنبى حللى المشكله قالى روح رخص ولو مرضيوش
هاتلى اورنيك الفحص وانا هبعت للجمرك تانى

هل الكلام ده صحيح ولا ارجعله تانى وابدل الموتور ولا اعمل ايه ويا ترى ممكن فى المرور يفوتوها
باعتبار ان بصمه الموتور اصلا على ورقه الافراج الجمركى


تانى حاجه واسف طولت عليكم كنت عايز اعرف سعر بيك السلانسيه واشتريه منين لان العربيه
انهارده لقيتها كل اما اشيل رجلى من البنزين تبطل والميكانيكى شافها وقالى انه بيك السلانسيه
عايز يتغير ونظفه وعلالى الكهربا وماشى بيها كده وصوت الموتور على ومطلع ريحه
وحشه والار بى ام مش ثابت عمال يطلع فوق العشره وينزل تانى تحتها بحاجات بسيطه علما انى
مركب الكاربرتير القديم على الموتور الانجكشن ارجو الافاده واسف مره تانيه عشان طولت

ظبط الكربراتير عند حد كويس و الكهربا لو عاليه قوى تعلى معاك صوت الموتور و تخلى الار بى ام مش ثابت