الموضوع: شرح تفصيلي لسيارة Renault Stepway 2015 عن تجربه

فيها اير باج و لا لأ

هي ولااللوجان

طيب انا اختى جايبة ال 2013 منها او 2012 انا مش فاكرة بس انا باسوقها باحس ان اول ما العربية بتجيب ال 80 بتخف جدا جدا من عالارض..الجديد كده بردو؟

المشاركة الأصلية كتبت بواسطة medo_1982

[overline]

السلام عليكم ورحمه الله وبركاته

[/overline]

حبيت انهارده اتشارك معاكم في تجربتي مع renault stepway 2015 من حيث المميزات والعيوب

[overline]السعر :[/overline]
السعر الرسمي في التوكيل 101500 جنيه – وفي المعارض اقل شئ 105000 جنيه ، وانا جيبتها من المعرض لان التوكيل بيحتاج لحجز العربيه وبتجيلك بعد 3 او 4 شهور تقريبا.

[overline]المواصفات :[/overline]
- عربيه 1600 سي سي وسحب العربيه جميل جدا جدا جدا
- 4 سلندر
- العداد حتي 210 كم/س
– خزان الوقود 50 لتر اساسي + 5 لتر احتياطي
– عربيه عاليه جدا عن الارض لما تشوفها تحس انها 4x4 مع انها جر امامي فقط يعني مش حتحس بارتفاع المطبات وانت ماشي
- العفشه محترمه جدا ومريحه وبتقدر تشيل في العربيه كتير من غير ما تحس ان العربيه واطيه نهائي
- العربيه مصفحه من تحت الموتور يعني امان جدا
– الفرامل abs و ebd
– مقاس الجنوط 16
– فوانيس ضباب اماميه وخلفيه وتقدر تتحكم في ارتفاع وانخفاض النور
– مرايات جانبيه كهرباء والاشارات الكهربائية بالمرايات
– مساحه خلفيه مع الرشاش للزجاج الامامي والخلفي
- نظام ايموبليزر لمنع السرقه يعني م الاخرالعربيه مش بتدور ولا تشتغل الا بمفتاحها
– 4 زجاج كهربي والتحكم في زجاج السائق بضغطه واحده مع وجود سنتر للزجاج
– سنتر لوك للابواب في التابلوه
– كرسي السائق قابل انك تعليه وتوطيه
– مثبت سرعه
- بها كمبيوتر رحلات gps
– بلوتوث لربط الموبايل بالسياره والتحدث عن طريق سماعات ومايك السياره
– كاسيت يعمل بـ usb و aux و راديو و عدد 4 سماعات بالاربع ابواب وصوتهم جميل جدا ونقي
– وطارة الدركسيوت ملتي فاكشن لـ الكاسيت والموبايل وتثبيت السرعه
- 3 حزام امان خلفي بالاضافه ل 2 حزام امان امامي
- الشنطه الخلفيه حجمها حلو ولو محتاج تزود المساحه بالشنطه ممكن تقفل ضهر الكنبه الخلقيه وبكده الشنطه تكبر

[overline][overline]العيوب :[/overline] [/overline][overline][/overline][overline]
[/overline]- الموتور 90 حصان وكذلك عدد الصبابات 8 فقط
- الكلاكس في زراع النور مش في الطاره وده شئ حتتعود عليه
- التحكم في الزجاج الخلفي في التابلوه بالاضافه
- فرش ارضية الصالون مش جلد وكذلك الكراسي برده مش جلد

[overline]الحكم النهائي من وجهة نظري :[/overline]
- العربيه تحفه فنيه مقارة بسعرها وبلد المنشأ الخاصه بها ( ملحوظه هامه جدا .. العربيه سعرها في الطالع مقارة بموديل 2014 و 2013 )
- التوكيل انا لسه متعاملتش معاه لكن اللي سمعته عنهم انهم محترمين جدا في المعامله وكذلك في اسعار قطع الغيار
- مجموعة العيوب المذكوره يمكن التغاضي عنها مقارة بالمميزات الاخري واوعي حد يقارنلي العربيه دي بأي عربيه صيني لان مش ممكن يكون الصيني زي الفرنساوي

........................................

والله الموفق والمستعان

[overline]مع تحياتي / محمد البربري[/overline]

لو سمحت انا اختى جايبة منها ال 2012 اعتقد بس انا سوقتها كتير باحس ان لما بتجيب ال 80 بتخف اوى.. ده كمان فالجديد ولا الجديد ثابتة عالارض؟ لانى بافكر اجيب ال 2015 ان شاء الله

أنا جبت الـ2015 وبعتها بعدها بفترة، ثباتها سيىء جداً قبل ال100 حتى، خاصة لو الطريق مش متسفلت كويس، منصحش حد يجيبها لو كان بيحب الجري، ما عدا كده العربية حلوة وعالية وإمكانياتها ظريفة بالنسبة لسعرها !

العربية فعلا شيك و انها مانيول مش عيب فيها ...مشكلتها ثباتها .... الكل اجمع انها بعد 100 ك ...بتبقى سايق و انت مرعووووب لالاسف ... غير ان قطع غيارها نوعا ما غالية ... تامينها عالى جدا فئة bmw لية يا استاذ كدة ... مفيش اجابة

موضوع الثبات ده بيضرب العربيه في مقتل

موضوع الثبات ده بيضرب العربيه في مقتل
فعلا اوافق تماما مع حضرتك و الحقيقة هذه الشكوى متكررة جدا فى السيارة موضوع الحديث و أيضا فى التويوتا الياريس.......و للأسف ده عيب لا يمكن تجاهله لأنه يتعلق بالأمان على الطريق و خصوصا فى السفر وأحب اذكر تجربة مزعجة مرت بها و أنا على طريق مصر-اسكندرية الصحراوى فى ياريس و سرعتى 100كم/س و مر بجوارى اتوبيس رحلات بسرعة عالية وترنحت سيارتى يمين و شمال بفعل تأثير الأتوبيس و ربنا ستر . نسأل الله السلامة للجميع

118