القول الفصل في شقق الاسكان

**a7medalaa** · 16-12-2014 01:15 PM

المشاركة الأصلية كتبت بواسطة swimmer25

معلش عشان الناس اللي بتدافع عن المشروعات العظيمة اللي مفيش زيها..دي ردودي

أولا السعر 4250 جنيه للمتر...مش بس كدا كمل
+ 2% مصاريف إدارية
+ 1% مجلس أمناء
+ 5% وديعة صيانة
+ 2% تميز للأدوار المتكررة
يعني إجمالي 10% يعني سعر المتر وصل 4675 !!!!..طيب على كلامك ما أشتري في فيلا أحسن لأن بكدا السعر بقى أغلى من برا بالفعل
2- ده غير إنك هتدفع مقدم كبير بالفعل وإحتمال تاخد أو متاخدش يعنى حاجز فلوس في حاجة إنت مش مالكها ومفيش أي وسيلة تقدر تجبر بيها الحكومة إنها تخلص لو إتأخرت زي الحاجزين كدا في بيت الوطن من سنة ومفيش لسه مرافق ولا حد إستلم أي حاجة ولا فيه أي نوع من أنواع التقدم
3- وياريت متكلمنيش على التشطيب لأن بغض النظر إن السعر أعلى من فيلات القرنفل اللي إنت كاتبه...مفيش حاجة في كراسة الشروط بتقول التشطيب عامل إزاي ولا حاجة بتقول أصلا إنها متشطبة ده غير إن الواحد يفضل يستلم نصف تشطيب ويشطب على مزاجه بالتكلفة اللي هو عايزها

4- المساحات مش صافي...بحساب المساحات هتلاقي إن الشقق عليها تحمل 25% بالفعل ومحدش يقدر يقول إن 25% ده حوائط !! 25 % حوائط إزاي يعني!...طيب ما نقول إن برا كمان ال 25% دي حوائط
5- الكلام المكتوب "تجمع عمراني محاط بسور من السياج الشجري"...يعني تجمع حواليه شجر فقط مش سور ببوابة وأمن وخلافه زي الرحاب أو أي كومباد تاني في القاهرة الجديدة
6- مفيش أي حاجة في كراسة الشروط بتتكلم عن أسانسير داخل الوحدات..بالتالي هتكون العمارات 5 أدوار بدون أسانسير ولا حتى مكان لأسانسير عشان السكان لو محتاجين يركبوا

ياريت لما نتكلم نتكلم بالدليل عشان فيه ناس على الكلام ده هتروح تحجز تدفع شقى عمرها

راي يحترم بس طريقة حضرتك في المهاجمة مش لطيفة ! راجع الردود انا رديت علي استفسار اخ في المنتدي بناءا علي المعلومات اللي عندي لا قولت اننا الوزير ولا انا اللي هنفذ ولا انا في موقف اامدافع مجرد رد علي استفسار من اخ
1- علي موقع هيئة المجتمعات العمرانية بيان رسمي بالغاء نسبة ال 2% مصاريف ادارية و الاكتفاء ب 0.5% مجلس امناء ده قبل بداية الحجز نزلو البيان ده و تقدر تدور عليه علي موقع الهيئة في المكان اامخصص للاخبار شوف الاخبار اللي من حووالي اسبوعين .. وديعة الصيانة هي شئ متعارف عليه في اي كومباوند في الدنيا مش اختراع و متتحسبش من سعر المتر زي محضرتك تضلت يعني لو روحت تشتري في مدينتي هيقولك المتر ب 9000 جنيه في النموذج الغلاني ووديعة الصيانة كده كده هتدفعها وصلت الفكرة لحضرتك ؟
حضرتك بتقولي اني بقول اي كلام هيسبب لغط
طيب ردا علي النقطة دي اولا الاسانسير مذكور فعليا في كراسة الشروط في الرسومات الهندسية للمشروع حضرتك تقدر تسال اي مهندس عمارة بلاش مهندس عيل في اولي عمارة هياكد لحضرتك ان الرسومات الهندسية مذكور فيها الاسانسير و مكانه بالظبط و الرسومات الهندسية في اي تعاقد عقاري هي جزء لا يتجزأ من العقد و سند قانوني يبقي اذن مش بفتي او بروج كلام بدون اصل في العقد بالاضافة للتنويه الرسمي اللي برضه اصدرت الهيئة موضح فيه للناس اللي مفهمتش الرسومات انه فعليا في اسانسير انا شخصيا عقد شقتي الحالية مفيهوش نص ان فيه اسانسير بس مرفق مع العقد رسومات العقار اللي موضح فيها الاسانسير و الالزامية للطرف اللي باعلك

2-فلوسك هتستردها لو مجتلكش شقة و لو عايز تسيبها للمراحل الجاية سيبها و هتاخد عليها فوايد زي اي وديععة في اي بنك و ده برضه مذكور
3-النقطة دي عندك حق فيها و فعلا كانت نقطة اعتراض انه مش مذكور نوع التشطيب في الكراسة بس الراجل لف الدنيا يقول سوبر لوكس و الله متشطبة و برضه طلعوا بيان رسمي انها تشطيب سوبر لوكس عارف ان ده ممش كافي كشرط في عقد بس هو يعد مسؤلية سياسية قدام الناس يعني هل حضرتك تتصور انه بعد مادار علي كل قناه يقول كده يقدر مايشطبهاش ده اللي حجزوا ياكلوه !
4 برضه اختلط عليك الامر المساحة بعد رفع الحائط ده مصطلح عقاري معناه ان المساحة مش مساحة صافي مساحة الغرف بس في نفس الوقت هي صافي مساحة العقار لان في شركات بتحسبلك مساحة الارض و تحمل عليك نسبة فيها برغم انها مش مبني عليها لان الشروط البنائية في القرنفل 45% من مساحة الارض باختصار بعد رفع الحوائط تعني صافي مساحة شقتك بعد رفع الحوائط + نسبة مشاركتك في المنور المنور بيعتبر خدمة للشقق وكل شقة بتشارك فيه وفعليا ده المتعارف عليه مفيش حد بيجمع مساحات الغرف و يقول هي دي مساحة الشقة ..
شاكر ليك علي النقاش المثمر

**swimmer25** · 16-12-2014 04:15 PM

المشاركة الأصلية كتبت بواسطة a7medalaa

راي يحترم بس طريقة حضرتك في المهاجمة مش لطيفة ! راجع الردود انا رديت علي استفسار اخ في المنتدي بناءا علي المعلومات اللي عندي لا قولت اننا الوزير ولا انا اللي هنفذ ولا انا في موقف اامدافع مجرد رد علي استفسار من اخ
1

أنا مش بهاجم شخصك ولكن بنتقد طريقة الشرح اللي زي ما بيقولوا بتعمل البحر طحينة وتحسس القارئ إن الشقق دي لقطة وهي مش كدا خالص على الأقل من وجهة نظري فكان لازم تكون الفكرتين موجودين عند القارئ عشان ميكنش فيه إتجاه واحد للرأي وبعتذر عن شدة كلامي بس أنا مقلتش أي غلط في شخصك

- علي موقع هيئة المجتمعات العمرانية بيان رسمي بالغاء نسبة ال 2% مصاريف ادارية و الاكتفاء ب 0.5% مجلس امناء ده قبل بداية الحجز نزلو البيان ده و تقدر تدور عليه علي موقع الهيئة في المكان اامخصص للاخبار شوف الاخبار اللي من حووالي اسبوعين .. وديعة الصيانة هي شئ متعارف عليه في اي كومباوند في الدنيا مش اختراع و متتحسبش من سعر المتر زي محضرتك تضلت يعني لو روحت تشتري في مدينتي هيقولك المتر ب 9000 جنيه في النموذج الغلاني ووديعة الصيانة كده كده هتدفعها وصلت الفكرة لحضرتك ؟
حضرتك بتقولي اني بقول اي كلام هيسبب لغط
طيب ردا علي النقطة دي اولا الاسانسير مذكور فعليا في كراسة الشروط في الرسومات الهندسية للمشروع حضرتك تقدر تسال اي مهندس عمارة بلاش مهندس عيل في اولي عمارة هياكد لحضرتك ان الرسومات الهندسية مذكور فيها الاسانسير و مكانه بالظبط و الرسومات الهندسية في اي تعاقد عقاري هي جزء لا يتجزأ من العقد و سند قانوني يبقي اذن مش بفتي او بروج كلام بدون اصل في العقد بالاضافة للتنويه الرسمي اللي برضه اصدرت الهيئة موضح فيه للناس اللي مفهمتش الرسومات انه فعليا في اسانسير انا شخصيا عقد شقتي الحالية مفيهوش نص ان فيه اسانسير بس مرفق مع العقد رسومات العقار اللي موضح فيها الاسانسير و الالزامية للطرف اللي باعلك

الكلام عن المصاريف الإدارية ومجلس الأمناء نزل فعلا وأنا متابع وكان قبل نزول كراسة الشروط ولكن لما نزلت كراسة الشروط نزلت بنفس الشروط المالية السابقة وحضرتك عارف إن العقد شريعة المتعاقدين ومادام الحاجز مضى على الإقرار يبقى مفيش حاجة تقدر بيها تقول مش هدفع المبالغ دي...مش هيطبع التصريح من خبر على النت ويقاضيهم بيه فبالتالي بلاش كلام عن التنويهات والتصريحات
بالنسبة للمصاعد ياريت لو مع حضرتك نسخ الرسومات دي اللي المفروض تكون موجودة في كراسة الشروط حتى يلتزم بها جهاز المدينة والشركات المنفذة و اللي هيمضي عليه الحاجز تفيدنا بيها

وبالنسبة لموضوع الكمبوند...جملة سور من الأشجار لا يدل على إنه كمبوند مغلق بسور أسمنتي يا فندم كما هو متعارف عليه...هي دي مش لغة عربية...هم مش قادرين يكتبوا جملة مفيدة تقول إنه تجمع سكني مغلق حوله سور أسمنتي وله بوابة وأمن ويوفروا إما فرد حراسة أو شركة تقوم بمهمة الحراسة والصيانة...أمال هياخدوا وديعة ليه... !!

2-فلوسك هتستردها لو مجتلكش شقة و لو عايز تسيبها للمراحل الجاية سيبها و هتاخد عليها فوايد زي اي وديععة في اي بنك و ده برضه مذكور

هتسترد أكيد الفلوس بس أنا نوهت إن أي في حالة أي تاخير في ميعاد القرعة والتنفيذ والتسليم مفيش في إيدك حاجة تعملها وده حصل بالفعل كتير في كتير من القرعات السابقة...

3-النقطة دي عندك حق فيها و فعلا كانت نقطة اعتراض انه مش مذكور نوع التشطيب في الكراسة بس الراجل لف الدنيا يقول سوبر لوكس و الله متشطبة و برضه طلعوا بيان رسمي انها تشطيب سوبر لوكس عارف ان ده ممش كافي كشرط في عقد بس هو يعد مسؤلية سياسية قدام الناس يعني هل حضرتك تتصور انه بعد مادار علي كل قناه يقول كده يقدر مايشطبهاش ده اللي حجزوا ياكلوه !

بردو التصريحات الإعلامية مالهاش علاقة بالواقع

4 برضه اختلط عليك الامر المساحة بعد رفع الحائط ده مصطلح عقاري معناه ان المساحة مش مساحة صافي مساحة الغرف بس في نفس الوقت هي صافي مساحة العقار لان في شركات بتحسبلك مساحة الارض و تحمل عليك نسبة فيها برغم انها مش مبني عليها لان الشروط البنائية في القرنفل 45% من مساحة الارض باختصار بعد رفع الحوائط تعني صافي مساحة شقتك بعد رفع الحوائط + نسبة مشاركتك في المنور المنور بيعتبر خدمة للشقق وكل شقة بتشارك فيه وفعليا ده المتعارف عليه مفيش حد بيجمع مساحات الغرف و يقول هي دي مساحة الشقة ..
شاكر ليك علي النقاش المثمر

المهم إنها مش صافي بعد ما كانوا بردو في التصريحات قايلين إنها صافي !

**swimmer25** · 16-12-2014 08:03 PM

المشاركة الأصلية كتبت بواسطة a7medalaa

الطريقة دايقتني لسبب واحد انك كلامك كان موجه ليا مش للمشروع يعني انا مش اللي حاطك الشروط دي فالنقد كان يجب ان يوجه للمشروع مش ليا يالا حصل خير احنا اخوة

مظبوط و عداك العيب العقد بيقول ان مبالغ مجلس الامناء و المصاريف الادارية انت مش هتدفعها اصلا ده دي المبالغ اللي هتخصم مم فلوسك في حالة انك بعد ما دفعت المقدم و رسيت عليك قلت لا مش عايزها هاتولي فلوسي فا فالحالة دي حسب البيان )يخصم نصف في المائة مجلي امناء( و حسب ااكراسة( 3في المائة ) انما لو دفعت و خصصتلك مش هتدفع اصلا لا نص ولا 3 ارجو تراجع الجزئية دي اختلط عليك الامر ال3 في المائة تدفع فقط في حالة الغاء الحجز

موضوع الكومباومد و الامن و الصيانة مذكور في الكراسة بصورة قاطعة في مادتين ذكرتهم نصا في رد تاني علي سؤالك
قصة التاخير دي للاسف في بلدنا الحبيبة مفيش اي قانون هيحميك لا مع حكومة ولا مع فطاع خاص و مش هيبقي ليك غير ربنا شركات القطاع الخاص اللي عمالين ينهبوا فينا دول مش ملابكة 2 قرايبي كانوا واخدين عفارات و مستلموش في المواعيد المحددة بل واحد منهم استلم بعد المعاد المحدد باكتر من 3 سينين !! كان حاجز في بيتشو امريكان سيتي و الشركة قالتلهم مش عاجبكم ارفعوا قضية يا تستنوا علينا و كمان لما سلموهم سلموهم في نماذج غير اللي حجزوها بس هيعملوا ايه نص العمي ولا العمي كله ! فمتفتكرش ان القطاع الخاص جنة ده مصايبه ياما برضه علي الاقل احنا هنا بنتناقش هيحطلي كامرية مراقبة ولا لا و هيعملي باركنج تحت الارض انما علي الاقل مش هياخدوا فلوسي و يهجوا ولا يقولولي استني سنتين 3 ولا يمرروني علما يركبوا العداد ..... الخ
كل حتجة وليها بلاويها و كل واحد بيحسب الاستثمار الأمن من وجهة نظره
تحياتي

فعلا الجزء المالي مش كاتب عن المصاريف الإدارية ومجلس الأمناء ومكتوب فعلا في حالة التنازل قبل وبعد الإستلام فقط
بالنسبة للكمبوند بردو مش أكيد بس مش هجادل لأني قلت رأيي وخلاص
وبالنسبة للمصاعد حضرتك مردتش فين الرسم ده في كراسة الشروط