سؤال لخبراء الصيانة فى المنتدى ، وخاصة عمنا سبعاوى
عندى عربية بولونيز - بعد اخر مرة غيرت فيها فلتر الزيت وغيرت الزيت
ولمبة الزيت بترعش رغم أن مقاس الزيت مضبوط ، والزيت تمام
لما امشى بالعربية شوية تطفى اللمبة ، وبعد شوية ترجع ترعش تانى
والموضوع قالقنى :shock: :x
ياترى ممكن يكون السبب ايه علما ان العربية عاملة طقم شمبر من عام 1998
وكانت ماشية كويس بدون مشاكل
ملحوظة :-
غيرت الفلتر بواحد جديد ، وتفس المشكلة موجودة
فكيت ماكينة الزيت ونظفتها وركبتها تانى وركبت السلك اللى داخل فيها كويس والحال متغيرشى
لسه بترعش
العربية مش بتاكل زيت ، ولون الزيت عادى
ارجوا الافادة ولكم جزيل الشكر
ساعة الزيت باية او سبيكة واسعة
حاجة من اتنين
يا إما ساعة الزيت بايظة
يا إما السبيكة واسعة
بص ، إعمل الآتى، غير الزيت بنوع كويس ويكون ثقيل شوية(انصحك بشل X100)
لو رعشة اللمبة راحت يبقى سبيكة الموتور خفيفة شوية بس تمشى
لو مراحتش غير الساعة، لو راحت يبقى الساعة هى اللى كانت بايظة
لو غيرت الساعة ومراحتش اشترى علبة زيت شنبر (زيت ثقيل يضاف الى الزيت العادى) وحطها على زيت العربية، لو الرعشة راحت يبقى سبيكة الموتور عندك خفيفة وقدامك حل من اتنين، يا إما تضيف زيت شنبر الى كل غيار زيت يا إما تعمللها طقم سبيكة