السلام عليكم ورحمة الله وبركاتة

الاساتذة والخبراء بقسم الهيونداي من فضلكم كان عندي سؤال بخصوص :-

في البداية انا الحمد لله ربنا أكرمني ورزقني بعربية هيونداي أكسيل موديل 1995 والماتور بشهادة الميكانيكي الحمد لله ممتاز ومفيهوش مشاكل .

المشكلة ان العربية كل ما أجي أدورها الصبح أو بعد ما أركنها شوية وأجي أدور لازم ادوس بنزين علشان تدور وتسخن قبل ما أطلع بيها وطبعاً علي ما أعتقد السبب الكربراتير فعلا دة صحيح ؟؟؟

ولو المشكلة في الكربراتير أصلحو فين مع العلم اني ساكن في المرج الجديدة ياريت لو حد يعرف حد بتاع كربراتير يكون قريب مني أكون شاكر جدا او أي حد بس يكون عندو ضمير وشاطر لأني لسة جديد وأول مرة اشتري عربية والحمد لله .

السؤال الثاني بالنسبة لسير الكاتينة وطقم الكهرباء أفضل مكان أشتريهم منو أصلي فين ؟؟؟؟

بالنسبة للمرايات مش بتتني ثابته مكانها كل ما أتنيها ترجع تاني دة غير انها اتجرحت مني لو حبيت أشتري مرايات جديدة بكام الاتنين بالتركيب وبالقاعدة بتاعتهم ؟؟؟؟

وهل ممكن أعالج التجريح اللي في المرايات دة بلزق أو دهان أو أي حاجة ؟؟؟

ومؤشر البنزين لا يعمل اصحلو عند مين وسهل ولا صعب والتكلفة كام ؟؟؟

وشكراً وأسف جدا علي الأطالة .