الموضوع: شفط الزيت ولا فك الطبة ؟؟

المشاركة الأصلية كتبت بواسطة amr_naser

السلام عليكم
ازيكم يا هنداوية
كنت بغير زيت الماتور ولقيت الراجل جايب جهاز الشفط وعاوز يشفط بية فقلت لا فك طبة الماتور ومرتضش اخلية يشفط وقعد يقنعنى ان الشفط احسن وبيشفط كل زيت الماتور انما الطبة مش بتنزل كل الزيت
وانا بصراحة معرفش فبعد ما نزل الزيت من الطبة قلت لة جرب كدة تشفط فقال لى لا خلاص
انا بصراحة عاوز اعرف هل هو فعلا كلامة صح ولا لا ؟؟؟

شفط الزيت موش بينزل كل الزيت لانه بيترك بعض الزيت لايستطيع خرطوم السحب الوصول اليه لكن طبعا هيا كميه بسيطه وميزه شفط الزيت انك موش بتفك الطبه وبالتالي بتحافظ علي سن القلاووظ والكارتيره
علي العكس فك الطبه بينزل كل الزيت لكن بعد فتره سن قلاووظ الطبه بيبوظ

المشاركة الأصلية كتبت بواسطة kaza

فك الطبة هو الطريقة المعروفة لغيار الزيت والمثلي وبتخلص الموتور من جميع الشوائب والرواسب لكن الشفط بيسيب كم كبير من الرواسب والكاربون وبترجع تلف في دورة التزييت وتعجل باتلاف المحرك ..بدعة لزوم الصيانة السريعة زي السوسيس والبرجر وغير مرجوة ..المهم درجة اجادة الفني القائم بالصيانة وسلامة المعدات التي بيستخدمها في الفك والتركيب وهو دة اللي بيبوظ السن او بيتلف الطبة

عندي اقتناع برضه ان الشفط هايشفط الرواسب اللي راقد في الكارتيرة تحت وممكن تسد مصفاة الزيت

الشفط بيعملوه علشان بيخافو الطبة تفوت زي ما الخوة الافاضل قالو و بيقلقوا الزبون يمسك في خناقهم ....

ببساطة وانا بغير زيت اخر مرة الراجل سألني ... الطبة سليمة يا باشا ولا نشفط؟؟؟؟؟؟ المغزي ان الاحسن و الاصح ان الطبة تتفك و تتنضف علشان بتبقي ممغنطة و بيلزق فيها شوائب ... انما في حالة ان الطبة او الغويط بتاعها بايظ و بيفوت فالناس بتضطر تشفط خوفا من ان الطبة تفك و تحتاس و متعرفش تقفلها تاني