بلاغ ضد توكيل منصور شيفروليه وحماية المستهلك بالمستندات

انا اشتريت شيفروليه كروز 2013 الشكل الجديد هي كعربيه ممتازه من كلو ثبات و سحب و شكل و اداء مشابه للالماني بس مشكلتي مع التوكيل لانهم مش فاهمين يصلحوا العربيه ازاي.. من اول صيانه و انا حاسس ان في مشكله في الفرامل و روحت الفرع الرئيسي في الصحراوي و قلت على المشكله قالولي الفرامل سليمه بس للامان اكتر نغير تيل امامي استغربت ان العربيه مش مكمله 5000 كيلو و عايزه تيل كبرت منهم و قلت خاليه في صيانة 10000 اغيره المهم فعلا ده حصل .. بعدها عملت حادثه و غيرت باب خلفي يمين و اكصدام امامي و جنط لان شغلي في اسماعيليه و انا ساكن في الهرم عملت حادثه على الدائري و انا راجع من الشغل و روحت التوكيل فرع الصحراوي عشان اصلح العربيه و غيروا الباب و الاكصدام و الجنط و لما روحت استلم العربيه لاقيت شغل زفت و تفنيش العربيه ازفت في فروق باينه في الاكصدام و الباب برده و باين انهم راشيين مش شغل توكيل ولا حتى بوهيجي تحت الكوبري اشتكيت طبعا و روحت لمدير قسم الصيانه مجدي سالم و واحد اسمه محمد التهامي دخلوا العربيه تاني و برده بعدها الشغل طالع وحش و انا الصراحه قرفت و قررت استلم العربيه عشان اعرف اسافر شغلي لان بقالي 10 ايام من غيرها و زهقت مع الوعد مهم ان لما اجي اعمل الصيانه الدوريه هيظبطوا الفروق و كل ملاحظاتي على العربيه .. بعدها رجعت مشكلة فرامل العربيه وقتها كانت عامله 15000 كيلو و ده ثابت في ريبورت العربيه ان في رعشه بعد سرعة 100 كيلو و دخلت الصيانه و قالولي برده مفهاش حاجه و انهم ظبطوا الفرامل كبرت دماغي و فضلت فتره متعايش مع العيب لانه شويه يظهر و شويه يختفي لغاية لما جبت اخري و العيب بقى ظاهر اوي و موجود باستمرار و روحت التوكيل قالولي عايزه طنابير و تيل امامي و طبعا مسكتش و بعد زعيق و شتيمه اتفقت معاهم اغير الطنابير في الضمان و اتحمل من تمنها 30% و التيل على حسابي و بعد فتره العيب ظهر تاني و روحت عملت مشكله تاني و غيروا الطنابير في الضمان من غير ما اتحمل اي حاجه ,, بعدها الفرامل بقت ضعيفه عن الاول و روحت تاني و طلبت مهندس يطلع يجرب عشان مصورش قتيل في التوكيل و فعلا طلع معايا مهندس اسمه/ عمرو رشاد و فعلا قال الفرامل ضعيفه و فيها مشكله غير الباب الخلفي يمين الي متغير في التوكيل بيسرب هوا من الشوراعه و زوايا العربيه مش مظبوطه و العيب ده من اول ما جبتها و كل شويه يصلحوها و الزوايا برده بايظه و غير التكييف بيدخل ريحه برغم من ان البوابات مقفوله كل ده ثابت في الريبورت و هنزل صوره منه .. المهم العربيه دخلت عشان العيوب دي تتصلح و برده غيروا تيل و طنابير و استلمت العربيه و انا رايح شغلي بعدها عملت حادثه بسبب الفرامل و كنت هروح فيها و الحمد لله ربنا ستر بس العربيه اتخبطت طبعا في الرفرف الامامي يمين و الاكصدام الخلفي غير المرايات و غير العربيه الي خبطها و صلحتها على حسابي بعدها روحت عملت محضر في نيابة الهرم و عملت شكوى في حماية المستهلك .. و لما قعدت مع حماية المستهلك و وريتهم ريبورتات العربيه قالولي العربيه دي فيها عيب صناعه و لازم تتغير و الشكوى مشيت و قعدت مع التوكيل في جلسة تفاوض و طبعا عاملوا من بنها و طلبت ان العربيه تتفحص تبع الجهاز و فعلا روحت هندسة عين شمس و دفعت 1400 جنيه رسوم فحص و بعد كده التقرير طلع غريب جدا و مضمونه ان العربيه كحاله عامه ممتازه بس فيها عيوب و هي قطع في قعدة الموتور , باب خلفي يمين بيسرب هواء , فرامل بترعش بعد 100 كيلو , التكييف بيسرب ريحه و هو شغال , زوايا مش مظبوطه , صوت غير طبيعي صادر من التابلوه .. كل العيوب دي و العربيه حالتها ممتازه ازاي غير ان المهندس الفاحص قايل اني مركب فرش جلد و سبويلر و زينون و نواكل على الابواب و سينسور بارك و ان سبب صوت التابلوه راجع للحاجات الي ركبتها دي طيب ازاي يا محترم حاجات خارجيه بتاثر على تابلوه العربيه غير ان التقرير انتهى الى ان العيوب دي في منها مناسب للكيلو متر المقطوع و محددش ايه العيوب المناسبه للكيلو متر و ايه العيوب الي بسبب التوكيل او عيب صناعه .. تقرير باهت و ركيك و باين انه معمول بالحب ,, انا مسكتش و عملت مذكره في النيابه و مكتب وزير التموين و شاكيت المهندس في جهاز حماية المستهلك و الموضوع خلاص هينزل جلسه في المحكمه الاقتصاديه .. مع العلم ان التوكيل رفض يبعت صوره من هيستوري العربيه بالصيانات كلها الا لما النيابه العامه بعتتلهم و عملتلهم محضر تاني بالرفض ده ,,راحوا بعتوا الهيستوري للنيابه بعد ما رفضوا يبعتوا لجهاز حمياة المستهلك .. كل كلامي ده موثق بورق هرفعه دلوقتي مع الشكوى دي ., و كل واحد لي مشكله مع منصور ميسكتش عشان دول فاكرين ان البلد سايبه وانا والله ما هسبهم و هاخد حقي باذن الله و اي واحد عنده مشكله معاهم زي بتاعتي يقولي و هعرفه يعمل ايه و ان شاء الله الحق هيرجع .. انا اسف على الاطاله بس لازم كنت افضحهم و اوري الناس انهم مش بيرعوا سلامة العملاء بتوعهم.

http://nileup.com/up/uploads/nilemotors_14186662901.jpg

http://nileup.com/up/uploads/nilemotors_14186662902.jpg

http://nileup.com/up/uploads/nilemotors_14186662913.jpg

http://nileup.com/up/uploads/nilemotors_14186667241.jpg

حسبي الله ونعم الوكيل
المفروض تاخد واحده جديدة والله

خد حقك تالت ومتلت

لا اله الا الله حتى بتوع حماية المستهلك شربوا شاي بالياسمين وارتشوا

والله اغلب الصنايعيه الى فى التوكيلات كفتجيه ولا يعرفو حاحه


اما بخصوص مهندس حماية المستهلك الى انت متعرفهوش ان التوكيلات بتشربهم شاى بالياسمين وعايشين الحب مع بعض والمستهلك فى اغلب الاحوال يولع ولا يهمهم الا من رحم ربى وهم قله للحق

بشكر كل الي رد و شجعني و ان شاء الله مش هسكت و مكمل و برده الي عنده مشكله زي حالتي يقولي و هساعده يوصل للمحكمه الاقتصاديه ازاي

ربنا يكون فى عونك يا باشا و متسكتش على حقك و ان شاء الله تكسب القضيه و يغيرولك العربيه :)

ربنا يقويك ينصرك عشان احنا مبنعرفش ناخد حقنا غير بالقضايا والمشاكل زى ما يكون حرام لو خدنا حقنا بدون مشاكل وحسبى الله ونعم الوكيل

ربنا معاك يارب وينصرك عليهم وكمل الطريق اللي انت بدأته ومتسكتش عن حقك الاجراءات في مصر طويله للاسف والتوكيلات بتماطل وبتستغل ضعف القوانين بتاعت حماية المستهلك وتخاذل وتواطؤ المهندسين والموظفين في حماية المستهلك وميعرفوش ان تقريرهم ده محاسبين عليه امام الله للاسف البلد لسه منضفتش وارجو من اي حد عنده شكواه من التوكيل يتضامن معاك واي مجموعه عندها شكوي من اي توكيل في مصر تتضامن مع بعضهم الجهاز لما بيلاقي شكاوي كتير من توكيل واحد بيهتم بالموضوع وبيتخذ اجراءات فعلا عشان بتوصل للاعلام وبيخاف وربنا معاك ومع كل واحد متضرر

ربنا معاك
وفعلا الى عملته ده بطوله
وربنا ينصرك وتاخد حقك.

اولا احب احييك على اصرارك انك تاخد حقك
عربيتك دي لازم تتغير
كفايه انك عملت حدثه بسببها مرتين
ربنا معاك
وياريت تعرفتنا كل جديد
واكتب كل التفاصيل عشان الناس تعرف الاجرئات ايه
ربنا يرجعلك حقك

ربنا يعينك و يقدرك و اكيد ربنا هينصرك
فعلا الواحد خلاص مش قادر يسكت على القرف ، يعنى حضرتك جايب عربية محترمة و يطلع فيها العيوب دى كلها ، يبقى فعلا الوض على البلد دى .

لا ضاع حق وراءه مطالباً ... كمل ياباشا للاخر ومن الورق المحكمة ان شاء الله هتنصفك..

كمل , لا يضيع حق وراءه مطالب
انت مش بتدافع عن حقك بس , ده حق كل واحد بعدك يحصل معاه كده من شوية توكيلات نصابه و لا استثنى توكيل .

ربنا معاك ياباشا وانا اخويا عمل نفس المشكلة قبل كدة مع حماية المستهلك واخد تعويض كويس الحمدلله اول مالجلسات تبتدي ولو معاك محامي شاطر هيجروا وراك

ربنا معاك و ان شاء الله المشكلة تتحل

ربنا يعينك يا باشا .....................كفايه والله حرقه الدم والتوتر لما بتتخبط ............

ربنا معاك ،، فعلا اسوأ توكيل لمنصور بتاع الصحراوى ،، لما كانت معايا الاوبترا كنت بروح اوتوماستر انضف بكتر منهم خصوصا فى السمكرة و الدهان

حسبنا الله ونعم الوكيل .... وإن شاء الله تاخد حقك منهم قريبا باذن الله

انا بردو عندى افيو 2013 وفيها عيوب فى الفرامل من ساعة ما اشتريتها واشتكيت فى حماية المنصور قدصى المستهلك ...............وطلعلى تقرير وفى دلوقتى الموضوع فى النيابة وبيماطلوا فيه عشان ميروحش المحكمة الاقتصادية.................دعواتك� � معنا وحسبى الله ونعم الوكيل فى دا توكيل نصاب........................

ان شاء الله ربنا هيكرمك عشان دول مش بيراعوا ربنا ... ان شاء الله خير

السلام عليكم احييك على اصرارك وانك ماتسيبش حقك وكمل معاهم فى القواضى ورايى كمان تهريهم ايملات للشركه الام للسياره وتعرفهم الن التوكيل عنده مشكله

اتضح انه توكيل فاشل لا يخدم عملائه


الموضوع ده اتكرر كتير على فكره

اقتباس:

---

المشاركة الأصلية كتبت بواسطة hossam_elwani

اتضح انه توكيل فاشل لا يخدم عملائه
الموضوع ده اتكرر كتير على فكره

---

ايه الهم دا , واحد شارى عربية جديدة عشان تريحه ولا عشان تتعبه ويجرى وراها وورا قرفها , والله يا استاذ حسام انا حبيت العربية دى من تقرير حضرتك عنها وكلام دكتور شهدي فى تقريره بس والله الواحد احتار جدا . اكمل واشتريها ولا الله الغنى وابعد عن منصور وقرفه . :120146b

ماهيا غلطتنا اننا بعد كل فضايح منصور دي اللي اخرها الاوبترا الصيني لسه بنشتري شيفروليه

اقتباس:

---

المشاركة الأصلية كتبت بواسطة sharkawy85

ايه الهم دا , واحد شارى عربية جديدة عشان تريحه ولا عشان تتعبه ويجرى وراها وورا قرفها , والله يا استاذ حسام انا حبيت العربية دى من تقرير حضرتك عنها وكلام دكتور شهدي فى تقريره بس والله الواحد احتار جدا . اكمل واشتريها ولا الله الغنى وابعد عن منصور وقرفه . :120146b

---

هو حضرتك بعد كل ده لسه بتسأل تشتريها ولا لأ؟؟:8954[1]: العربيه ده لو مع توكيل محترم كانت عملت شغل هايل ...

ابعد عن منصور وغبور... صحيح كل التوكيلات في مصر سيئه للغايه لكن الاتنين دول ملهمش مثيل..

فيه توكيلات كتير من التوكيلات السيئه غيرت مواتير وفتايس تمنها عشرات الالاف لعربيات خوفا من العملاء والشوشره في الوقت اللي الاتنين دول بيتهربوا من تغيير قطع غيار باسعار زهيده وبكل بجاحه وماعندوش مانع انه يتفضح ويخسر رضاء عميل علشان يوفر 100 جنيه ...

اوعي تحط صباعك تحت درسهم

دول شوية بصمجيه شوفوا اللي حصل معايا
http://www.nilemotors.net/Nile/481891-a.html

اقتباس:

---

المشاركة الأصلية كتبت بواسطة محمد حسانين

انا اشتريت شيفروليه كروز 2013 الشكل الجديد هي كعربيه ممتازه من كلو ثبات و سحب و شكل و اداء مشابه للالماني بس مشكلتي مع التوكيل لانهم مش فاهمين يصلحوا العربيه ازاي.. من اول صيانه و انا حاسس ان في مشكله في الفرامل و روحت الفرع الرئيسي في الصحراوي و قلت على المشكله قالولي الفرامل سليمه بس للامان اكتر نغير تيل امامي استغربت ان العربيه مش مكمله 5000 كيلو و عايزه تيل كبرت منهم و قلت خاليه في صيانة 10000 اغيره المهم فعلا ده حصل .. بعدها عملت حادثه و غيرت باب خلفي يمين و اكصدام امامي و جنط لان شغلي في اسماعيليه و انا ساكن في الهرم عملت حادثه على الدائري و انا راجع من الشغل و روحت التوكيل فرع الصحراوي عشان اصلح العربيه و غيروا الباب و الاكصدام و الجنط و لما روحت استلم العربيه لاقيت شغل زفت و تفنيش العربيه ازفت في فروق باينه في الاكصدام و الباب برده و باين انهم راشيين مش شغل توكيل ولا حتى بوهيجي تحت الكوبري اشتكيت طبعا و روحت لمدير قسم الصيانه مجدي سالم و واحد اسمه محمد التهامي دخلوا العربيه تاني و برده بعدها الشغل طالع وحش و انا الصراحه قرفت و قررت استلم العربيه عشان اعرف اسافر شغلي لان بقالي 10 ايام من غيرها و زهقت مع الوعد مهم ان لما اجي اعمل الصيانه الدوريه هيظبطوا الفروق و كل ملاحظاتي على العربيه .. بعدها رجعت مشكلة فرامل العربيه وقتها كانت عامله 15000 كيلو و ده ثابت في ريبورت العربيه ان في رعشه بعد سرعة 100 كيلو و دخلت الصيانه و قالولي برده مفهاش حاجه و انهم ظبطوا الفرامل كبرت دماغي و فضلت فتره متعايش مع العيب لانه شويه يظهر و شويه يختفي لغاية لما جبت اخري و العيب بقى ظاهر اوي و موجود باستمرار و روحت التوكيل قالولي عايزه طنابير و تيل امامي و طبعا مسكتش و بعد زعيق و شتيمه اتفقت معاهم اغير الطنابير في الضمان و اتحمل من تمنها 30% و التيل على حسابي و بعد فتره العيب ظهر تاني و روحت عملت مشكله تاني و غيروا الطنابير في الضمان من غير ما اتحمل اي حاجه ,, بعدها الفرامل بقت ضعيفه عن الاول و روحت تاني و طلبت مهندس يطلع يجرب عشان مصورش قتيل في التوكيل و فعلا طلع معايا مهندس اسمه/ عمرو رشاد و فعلا قال الفرامل ضعيفه و فيها مشكله غير الباب الخلفي يمين الي متغير في التوكيل بيسرب هوا من الشوراعه و زوايا العربيه مش مظبوطه و العيب ده من اول ما جبتها و كل شويه يصلحوها و الزوايا برده بايظه و غير التكييف بيدخل ريحه برغم من ان البوابات مقفوله كل ده ثابت في الريبورت و هنزل صوره منه .. المهم العربيه دخلت عشان العيوب دي تتصلح و برده غيروا تيل و طنابير و استلمت العربيه و انا رايح شغلي بعدها عملت حادثه بسبب الفرامل و كنت هروح فيها و الحمد لله ربنا ستر بس العربيه اتخبطت طبعا في الرفرف الامامي يمين و الاكصدام الخلفي غير المرايات و غير العربيه الي خبطها و صلحتها على حسابي بعدها روحت عملت محضر في نيابة الهرم و عملت شكوى في حماية المستهلك .. و لما قعدت مع حماية المستهلك و وريتهم ريبورتات العربيه قالولي العربيه دي فيها عيب صناعه و لازم تتغير و الشكوى مشيت و قعدت مع التوكيل في جلسة تفاوض و طبعا عاملوا من بنها و طلبت ان العربيه تتفحص تبع الجهاز و فعلا روحت هندسة عين شمس و دفعت 1400 جنيه رسوم فحص و بعد كده التقرير طلع غريب جدا و مضمونه ان العربيه كحاله عامه ممتازه بس فيها عيوب و هي قطع في قعدة الموتور , باب خلفي يمين بيسرب هواء , فرامل بترعش بعد 100 كيلو , التكييف بيسرب ريحه و هو شغال , زوايا مش مظبوطه , صوت غير طبيعي صادر من التابلوه .. كل العيوب دي و العربيه حالتها ممتازه ازاي غير ان المهندس الفاحص قايل اني مركب فرش جلد و سبويلر و زينون و نواكل على الابواب و سينسور بارك و ان سبب صوت التابلوه راجع للحاجات الي ركبتها دي طيب ازاي يا محترم حاجات خارجيه بتاثر على تابلوه العربيه غير ان التقرير انتهى الى ان العيوب دي في منها مناسب للكيلو متر المقطوع و محددش ايه العيوب المناسبه للكيلو متر و ايه العيوب الي بسبب التوكيل او عيب صناعه .. تقرير باهت و ركيك و باين انه معمول بالحب ,, انا مسكتش و عملت مذكره في النيابه و مكتب وزير التموين و شاكيت المهندس في جهاز حماية المستهلك و الموضوع خلاص هينزل جلسه في المحكمه الاقتصاديه .. مع العلم ان التوكيل رفض يبعت صوره من هيستوري العربيه بالصيانات كلها الا لما النيابه العامه بعتتلهم و عملتلهم محضر تاني بالرفض ده ,,راحوا بعتوا الهيستوري للنيابه بعد ما رفضوا يبعتوا لجهاز حمياة المستهلك .. كل كلامي ده موثق بورق هرفعه دلوقتي مع الشكوى دي ., و كل واحد لي مشكله مع منصور ميسكتش عشان دول فاكرين ان البلد سايبه وانا والله ما هسبهم و هاخد حقي باذن الله و اي واحد عنده مشكله معاهم زي بتاعتي يقولي و هعرفه يعمل ايه و ان شاء الله الحق هيرجع .. انا اسف على الاطاله بس لازم كنت افضحهم و اوري الناس انهم مش بيرعوا سلامة العملاء بتوعهم.

---

any updates, did you go to court