المشاركة الأصلية كتبت بواسطة dede_dodo88
زي ما قولت ده رأيي الشخصي اللي مقتنع بيه, و لو أنا في نفس الموقف هاخد قراري بناءاً عليه,,
الأهل ليهم الحق في تربية أبنائهم لحد مرحلة معينة لما يصل فيها الأبن للنضج الفكري الكافي لأتخاذ قراراته بنفسه و بالتالي يتقلص دور الأهل ليقتصر على النصح و الأرشاد فقط إن لزم الأمر..
أحنا بنتكلم عن واحد متجوز و عنده بيته, يعني المفترض أنه أنفصل مادياً و عاطفياً عن أهله من زمان و بقى في شخص تاني يحل محل الأم, الشخص ده وجد عن طريق رباط مقدس ألا و هو الجواز..
أنا بتكلم في حالة أن الأبن و الزوجة بيعاملوا الأم كويس و مش مقصرين معاها, بس كون أن الأم لسة مش مدركة أن أبنها أتجوز و أنفصل عنها ليرتبط بشخص تاني و على أساسه هي لسة فارضة سيطرتها على الأبن, فهو هنا أكيد في خلل في المجرى الطبيعي للحياة, و الجواز عمره ما هينجح طول ما الخلل ده موجود لأن معتقدش أبداً ان في زوجة توافق على تدخل حماتها المستمر في بيتها..
أنا مش بقول أن الأهل دول خلاص دورهم أنتهى فننساهم, بالعكس ده واجب علينا رد الجميل ليهم طول الحياة,
لكن رد الجميل ده لا يتضمن أن الحياة تقف بسبب حب الأهل المفرط للسيطرة..