امي وزوجتي -مشكلة ليس لها حل

**teka_100** · 16-12-2014 04:22 PM

مشكلتي بدات بعد الزواج انا الابن الوحيد والأب متوفي وامي دائمة الشجار مع زوجتي بتتلكك علي أي حاجه تافهه وتتدخل في كل تفاصيل حياتنا وطريقة تصرفات زوجتي وكل شيء تتمني ان تسير كما تحب هي (علي أساس انها اكبر وعندها خبره وتفهم اكتر ومراتي عيله ومبتفهمش) زوجتي كانت بتستحمل دلوقتي بعد طفلين وثلاث سنوات زواج لم تعد تستحمل الاستفزازات والتحكم من امي بدات ترد عليها وساعات لما الموضوع يكبر تاخد العيال وتروح عن والدها وامي عاوزه الولد (بس مش عاوزه تشوف امه) محدش يقولي افصل بينهم هو امي عندها شقتها بس ست كبيرة ومش عاوزه تسيبنها مع بعض أصلا علشان لو سابتنا مراتي هتستريح وهيا متعتها انها تضايقها وتزلها .دي نبذه مختصرة لان الموضوع اكبر مما تتخيلو والعيشه مرار ارجو اللي عنده حل يطرحه والل معندوش اسأله الدعاء وجزاكم الله خيرا

**amr011111** · 16-12-2014 04:26 PM

متزعلش والدتك مهما حصل لان الام لا تعوض ولكن الزوجه تعوض

**Bassem Youssef** · 16-12-2014 04:36 PM

اصل المشكله انك اتجوزت في بيت والدك مع والدتك

الزوجه و حماتها دونت ميكس

الحل الجذري هو شراء او تأجير شقه اخري

بس تكون قريبه من بيت والدتك برضه

**teka_100** · 16-12-2014 04:40 PM

والله انا اتجوزت في شقه جديده وقريبة من شقة والدتي علي أساس أكون دايما قريب منها لكن والدتي مش عاوزه تدي فرصة لمراتي تاخدني منها (هيا حاسه جواها انها اخدتني وخلتني مش عاوز امي مع ان كل اللي بعمله عكس كده ) لكن الغريزة بقي ومش عاوزه تسيبلها الشقه علشان متحسسش زوجتي انها انتصرت عليها (كانها في حرب)

**HeMa_LanCeR** · 16-12-2014 04:47 PM

لا حول ولا قوة إلا بالله
ربنا يصبرك ويكون في عونك

**Bassem Youssef** · 16-12-2014 04:48 PM

و الله الرك عليك دلوقتي انك تفهم والدتك ان اللي بتعمله ده غير صحيح و بالعكس ممكن يخليك تتضايق منها و تبعد عنها و لازم تعرفها انك راجل كبير ملو هدومك و مفيش حد يقولك تعمل ايه و متعملش ايه غير نفسك

**dede_dodo88** · 16-12-2014 04:54 PM

أنا رأيي الشخصي أن لو في تعارض بين الأهل و الزوجة فالزوجة مصلحتها تأتي في المقام الأول..

**حسام الغرباوي** · 16-12-2014 05:00 PM

جرب الحل دا

خد والدتك علي جنبك كدا في قاعدة صفا ...وفهمهم انك انت اللي تعبان من الموضوع دا ..وان هي بتصرافتها دي بتخليك انت مش مستريح وقلها يعني ترضيلي مكنش مستريح وفهمها ان مراتك عمرها ما قالتلك حاجة عنها وكدا يعني ...وحاول تخلي مراتك تتجنب ولدتك وتيجي علي نفسها شوية وتكون زكية يعني

**أبو آسر** · 16-12-2014 05:02 PM

مشكلة أبدية ملهاش حل غير فصل البنزين عن النار
بر والدتك وخليك قريب منها بس في شقة تانية تبعد فيها عن زوجتك ومهما حاولت تحتك بيها ابعدها بالعافية لأنك لو معملتش كده هتبقى ظلمت زوجتك
زورها كل يوم انت والأولاد لكن متاخدش زوجتك معاك ومهما حاولت توقع بينكم أو تسخنك عليها قولها حاضر واطلع من عندها ولا كأنك سمعت حاجة وهي مع الوقت هتتعود والأمور هتمشي
ربنا يعينك مشكلة صعبة فعلا حاسس بيك لأن أختي عندها نفس المشكلة للأسف مع حماتها وكانت هتوصل للطلاق