عندى مشكلة طنابير وهغيرها فى الضمان نوبيرا 2008

**ahmad--ezzat** · 02-11-2008 12:57 PM

بعد شراء السيارة
عملت صيانة الالف فى ابو غالى جسر السويس وقلتلو على موضوع الهزة اللى بتحصل للعربية قالى انا هجربها وجربها بالفعل وقالى دى مشكلة طنابير وانا لاحظتها يا فندم لما دوست فرامل بس هيا خفيفة اوى ولازم ناخد الموافقة عشان نغيرهالك
يعنى اية موافقة انا المفروض فى الضمان يعنى تتغير
وكمان انا بفكر اروح لتوكيل تانى بس مش عارف اروح لمين عشان يرضو يغروهاا انا بجد متعقد من الموضوع دة ياريت حد يساعدنى انا مش مبسوط لاداء العربية شكرااااا

**Ahmed_ragab** · 02-11-2008 02:10 PM

يا باشا لا تعقيد ولا حاجة انا معايا نوبيرا 2008
عملت صيانة الالف فى ابو غالى المعادى وهوا بيجرب العربية رجع من نفسة قالى الطنابير هتتغير هما بقى علشان مش مركز رئيسى لازم يبلغوا ابو رواش بالتغيير وبيجلهم الموافقة ودة كلة تم فى اقل من اسبوع وتغيرت الطنابير للمرة الاولى

المرة التانية كنت فى ابو غالى جسر السويس وقلتلة فى غربلة مع الفرامل وطلع جربها وبالفعل نفس العملية بياخد صورة من الضمان يبعتها المصنع ويجيلة عليها موافقة وكل دة تمم فى اسبوع وكانت الطنابير متغيرة وشغالة المرة دى زى الفل
الموضوع سهل ومفيهوش مشاكل هما هيكلموك فى اقل من اسبوع وتروح تغيرها
مش لازم يعنى ترووح مركز تانى
وياريت اكون قدرت افيدك
اى استفسار تانى انا فى الخدمة

**ahmad--ezzat** · 02-11-2008 02:27 PM

شكرا ليك يا استاذ ميدو بس المهندس اللى فى ابوغالى جسر السويس بالفعل كتب ورقة وكتب فيها تحتاج لطنابير خلفية وقالى انا هبعت الموافقة بس غالبا مش بتتقبل وورانى اوراق كتير من عملاء محتاجين طنابير قالى هبقى اتصل بيك بس مش اكيد
وكيد طبعا مش هيتصل
هو دة اللى مخوفنى معرفش اخد لا حق ولا باطل