تغيير زيت شاهين 2007

**hazzoom** · 17-12-2014 03:10 PM

السلام عليكم

أنا لسه مشتري شاهين 2007 انجيكشن 1400 cc مانيوال 5 غيار

ايه أحسن نوع زيت موتور أغير بيه؟ (أنا بمشي حوالي 1000 ك في الشهر تقريبا)

وبرضه عايز أغير زيت الفتيس (زياده نضافه) أحسن زيت نوعه ايه؟

وهل أغير زيت الكارونه؟ وايه أحسن زيت؟

أنا عايز أحافظ عالعربيه علشان حطيت فيها كل اللي معايا :)

**Dr_Smart** · 17-12-2014 04:53 PM

اعتقد الافضل تستخدم زيت معدني 20w50 وتمشي بيه من 4-5 الاف كم حسب استخدامك ( طرق طوالي ولا زحمه .. سواقه هاديه او حرق كتير ).. عندك شل الاصفر او توتال 5000 الاتنين ممتازين او التعاون الاصفر SL جربته وكان ممتاز برضو مايفرقش عن شل وتوتال

**hazzoom** · 17-12-2014 05:17 PM

أنا بمشي 25 ك وأنا رايح الشغل الصبح وزيهم راجع ومش بقف في الزحمه كتير وبمشي بسرعه من 60 - 80 ك بالكتير.

أنا قريت مواضيع كتير هنا في المنتدى ودوخت بصراحه, أنا عايز أحسن حاجه ومش مهم التوفير على حساب الموتور.

شل - موبيل - ليكوي مولي - كاسترول - بيزول - فالفولين.. دوخت يا جماعه

**borio1704** · 17-12-2014 08:54 PM

نصيحتي ما ترتبطش بماركة.. والتزم بالمواصفات اللي مكتوبة في الكتالوج

فعليا.. مفيش فروق محسوسة بين ماركات الزيوت .. وبالذات لو جيت تقارن الزيوت المتشابهة في الماركات ببعض.

والمعروف إن كل شركة زيوت عندها كذا نوع من الزيوت علشان تتوافق مع متطلبات السيارات المختلفة.

فاللي المفروض تعرفه أول حاجة إن مش كل الزيوت تمشي في العربية...

وتاني حاجة.. لو اخترت بناء على المواصفات (مش الماركات).. فحضرتك تقدر تحط أي ماركة زيت وانت مطمئن.

وتالت حاجة... اختار المكان اللي بتشتري منه.. علشان تتجنب الغش اللي ممكن يحصل في الأماكن المشبوهة.

...