السلام عليكم ...محتاج مساعدتكم وخبرتكم
كنت بقالي فترة بدور على عربية حلوة في حدود التلاتين
المشكلة ان الاسعار بقت مجنونة وغير مبررة ?
ماعلينا
المهم لافيت عربية دايو اسبيرو موديل 96
الحالة كالاتي ...لسه مفحصتهاش :
العربية مركونة بقالها فترة واستعمال خفييييبف جدا
عداد 130 الف
القزاز الامامي في شرخ بسيط بس يحتاج يتغير
الفوانيس الامامية معفرة
البوية مقشر منها شوية بحكم الركنة
مغيرلها موتور الاسود 98 1500 سي سي
تكييف شغال تمام
قزاز كهربا شغال
الجكمان مبيدخنش وبيعرق
صوت الموتور هادي جدا مع صوت تكتكة بسيط مسموع مع فتح الكبوت
الشنطة ارضسيتهافيها وش بارومة لكن مش واكلاها
دواخل العربية مفيهاش بارومة بحالة الفابريكه
ختحتاج فرش داخلي وشوية تربيط وخاجات بسيطة زي اوكر او هواية تكييف
العفشة تمام
طبعا مكشفتش عليها ميكانيكا لكن صاحبها مستعد يكشف عليها ككبيوتر وضامنها

هو عارضها على 29
الفكرة هنا
هل العربية تستاهل اخدها وتتشد كل حاجة فيها
دوكو ...سمكرة...شوية ميكانيكا ..شوية كهربا بسيطة
وهتكلف في حدود كام
ولا مش مستاهله !
صراحة العربية ركوبة ممتازة وسعرها ممكن ينزل كمان لاقل من كده بحكم الشغل الي فيها

ياريت حد يفيدني فمن ملاك الاسبيرو ولو مكاني ممكن تفكر كده !!!
وشكراااااااا