الموضوع: تغيير زيت الفتيس لاوكتافيا a5 ارجو الافاده

بص يا صديقى كل الكلام ده تخاريف وجهل الفتيس بتاعك وحسب المصنع فى كتالوج العربيه بيغير الزيت والفلتر
كل 60000 كيلو وده ضرورى جدا رايى الشخصى ان 60000 كيلو كتير اوى على اجواء مصر الحاره المغبره
يبقى الاصح ان يتم التغيير كل 40000 وبما ان عربيتك كانت بتعمل صيانات دوريه فى التوكيل اتاكد انها غيره زيت
الفتيس فى ميعاده واتكلف شويه وغيره فى ارتوك وكيل سكودا واعتقد ان الزيت الاصلى الموصى به من فولكس فاجن ثمنه للتر 270 جنيه احسبها فى 5 وثمن الفلتر والمصنعيه يبقى كله تقريبا حوالى 1500 جنيه
هناك حل تانى فيه زيت فيبى وده زيت فتيس المانى الليتر ب 90 جنيه بس تغير اسرع وشغال وهتلاقيه
عند هريسه طالما حضرتك اسكندرانى حسبما فهمت وفيه خيارات تانيه فتيسك بياخد زيت وولف مالتى فيوت atf
وده الخمسه لتر ب 380 جنيه ووممكن تتاكد من توافق الزيت مع فتيسك عن طريق خدمه العملاء بتاعتهم

انا متشكر جدا علي اهتمامك والعربيه فعلا مغيره زيت القتيس عند ال ٦٠ الف في التوكيل والعربيه دي لوقت عامله ٨٨ الف كيلو
وانا اول ما توصل لل ٩٠ الف او اقل كمان حروح اغير الزيوت كلها
بس انا كنت خايف من تغييره
شكرا علي المتابعه والرد