ايه عرض ال2.5 % على نيسان سنترا

**mazharsafwat** · 18-12-2014 10:42 PM

هل فيه حد عنده معلومات عن عرض تقسيط النيسان سنترا فى المصرية اللى بتقول انه 2.5% ؟؟ هو فيه كده يا جماعة؟ مش اقل فائدة 10 و10.5 % وهل ده مثلا ينطبق على من يدفع 50% او 60% من السعر كمقدم؟؟ طبعا تتصل بيهم ماحدش يفيدك ابدا لكن يقولوا ليك شرفنا واحنا نتكلم فياريت لو هناك من يملك معلومة اكيدة لان نسبة الفايدة دى مش معقولة

**amr011111** · 18-12-2014 11:05 PM

اعتقد بنسبه كبيرة ان هيقولك ان انت يبقى معاك تمن العربيه بالكامل وتعمل وديعه فى البنك ومن فوائد الوديعه تدفع القسط وعليهم 2.50 فى المائه كمان والله تعالى اعلى واعلم

**mazharsafwat** · 18-12-2014 11:15 PM

المشاركة الأصلية كتبت بواسطة amr011111

اعتقد بنسبه كبيرة ان هيقولك ان انت يبقى معاك تمن العربيه بالكامل وتعمل وديعه فى البنك ومن فوائد الوديعه تدفع القسط وعليهم 2.50 فى المائه كمان والله تعالى اعلى واعلم

جايز برضه

وبكده القسط على 5 سنوات لو الهاى لاين اللى ب175 الف هايكون 3281.25 فى الشهر وده كتير برضه

**ARKOON** · 18-12-2014 11:16 PM

على حسب المقدم ولو تملك وديعة وشروط معينة تكاد لا تنطبق الا على كام واحد يعني من الاخر قسط اعمل حسابك على من 10 حتى 12 اقصى حد للفائدة .

**ARKOON** · 18-12-2014 11:21 PM

وسؤال بعد اذنك اشمعنى سنترا ؟
اصلا انا كنت بدور في قسم نيسان على حد جاب سنترا وعامل موضوع وصادفني موضوعك : )

**mazharsafwat** · 18-12-2014 11:29 PM

المشاركة الأصلية كتبت بواسطة arkoon

وسؤال بعد اذنك اشمعنى سنترا ؟
اصلا انا كنت بدور في قسم نيسان على حد جاب سنترا وعامل موضوع وصادفني موضوعك : )

شوف حضرتك لانها يابانى وفئة اعلى من الصنى واقل من القشقاى فهى فى مستوى السيراتو والالينترا وهناك من يفضل اليابانى فى هذه الفئة ومن كلام البعض فى المنتدى هى خارجيا تشدك لكن خاماتها فقيرة داخليا وهناك من يعيب عليها ذلك ولاتوجد معلومات عن اعتماديتها وقطع غيارها وتجارب القيادة للاعضاء لانها جديدة لذلك تجد التوكيل عامل عليها دعاية جامدة على موقع نيسان مصر واغرائات بالتقسيط وكده, واتمنى فعلا اى زميل يحكى لنا عن تجربته معها لو حتى عمل تيست درايف لان الفئة دى فيها كتييييييييييييييييير جدا فالسوق زحمة خالص وهى مش معبرة عن نفسها

**ARKOON** · 18-12-2014 11:35 PM

ان شاء الله تكون من ملاكها وتعمل لنا تقرير جميل عنها : ) تحياتي .

**mazharsafwat** · 18-12-2014 11:40 PM

المشاركة الأصلية كتبت بواسطة ARKOON

ان شاء الله تكون من ملاكها وتعمل لنا تقرير جميل عنها : ) تحياتي .

شكرا يا فندم وتحياتى لحضرتك ,وننتظر ديسمبر ينتهى ونشوف يناير والسنة القادمة2015 ماذا تحمل , وستحمل الخير لمصر ان شاء الله

**hozayfa** · 19-12-2014 02:34 AM

« نيسان » تدرس تجميع « سنترا » محلياً
وقال مراقبون بمجتمع السيارات، إن إقدام شركة « نيسان» ، على اتخاذ تلك الخطوة جاء بهدف العمل على زيادة حصتها السوقية من الوحدات الملاكى المباعة فى مصر، عبر تخفيض سعر بيع «سنترا» من خلال تجميعها فى مصر، خاصة مع نجاح «نيو صني» بشكلها الجديد. وسيعمل تجميع السيارة، التى كانت تستوردها نيسان من تايلاند، على تخفيض سعرها من 165 و175 ألف جنيه إلى 120 ألف جنيه، لتلافى التأثير السلبى الذى سيخلفه التخفيض الجمركى على السيارات أوروبية المنشأ.
http://www.alborsanews.com/2014/12/1...-محلياً/

**mazharsafwat** · 19-12-2014 03:26 PM

الحقيقة معاهم حق لان بصراحة مفيش فرق كبير بينها وبين النيو صنى حتى ولو تكنولوجيا مثلا كل الاختلاف ان واحدة 1500 والتانية 1600 واكبر شوية فى الابعاد ياريت يرحمونا شوية ويحسوا بالناس وبلاش فهلوة