مشكلة ترشيح زيت من تحت المحرك بعد مشكلة رائحة الشياط
الأخوة الأعزاء
تحية طيبة أولا
إتكلمت معاكم وشكيت لكم وحكيت لكم عن حكاية ريحة الشياط اللى بشمها وأنا ماشى من عربيى الماتريكس الأوتوماتيك اللى كانت كويسة جدا والله لكن مش عارف ايه اللى حصل وكان الكلام على اللينك ده ..
http://www.nilemotors.net/Nile/450462-a.html
وجتلى ردود كلها محترمة ونفذتها
لكن برضه إستمرت الريحة موجودة ومبارح رحت للميكانيكى بصيت أنا وهو لقينا ترشيح زيت من تحت المحرك شكله كدة ...
http://im56.gulfup.com/WsvCGy.jpg
http://im56.gulfup.com/Xhkxl8.jpg
http://im56.gulfup.com/5UmNX8.jpg
المهم قاللى ده جوان وش التاكيهات
فك الوش ونظفة وغسله ولقى الجوان زى الفل وطرى ومفيهوش مشكلة
قام حط سيليكون رصاصى لأنه مالقاش الأسود وقفل من تانى بعد ماغسل ونظف وكدة
وأدى الصورة
http://im62.gulfup.com/1lKsXZ.jpg
المهم قفل وركب وزى الفل وغسل تحت المحرك بالبنزين
والزيت كله راح ومشيت روحت بيها والصبح بعد صلاة الجمعة النهاردة بصيت على الترشيح مالقيتش ولا نقطة زيت موجوده يعنى مفيش تسريب قلت ماشاء الله زى الفل
المهم طلعت مشوار بالليل كدة طويل شوية ورجعت أتطمن شميت ريحة بسيطة الحقيقة عن قبل كدة
لكن لقيت فيه ترشيح تانى يمكن أخف شوية لكنه موجود وإتجننت الصراحة
وقلت لازم أخد رأيكم ... أعمل إيييييييييييييييييييييييي يييييييييييييييييييييه ؟؟؟؟؟؟؟؟
والله فكرت أبيعها وأخلص من قرف العربيات كلها بس مستخسرها - كل ماأوديها لحد يقولللى العربية بسم الله ماشاء الله عليها عروسة وزى الفل وأى حاجة كلام فارغ - بس أنا زهقت
حد يقوللى بالله عليكم رأيه
ياااااااااااااااااااااااا اااااااااااااااااارب
ياجماعة حد يرد عليا الله يسعدكم
زى ماقلتلكم - بعد مشكلتى اللى خنقتنى
رحت إشتريت غطا وش التاكيهات وغيرته من التوكيل واشتريت كمان 4 أويل سيل (OIL SEAL ) والميكانيكى عمل كل حاجة تقريبا والعربية كانت زى الفل لمدة يوم ونص كاملين ماجابتش نقطة زيت - فرحت غسلتها تانى فى محطة موبيل سموحة وجريت على الميكانيكى علشان أتطمن وفعلا ماكانش فيه زيت خالص وغيرت الزيت كمان بالمرة من موبيل XHP لزيت وولفر 40/10 الأمانى وبصراحة زيت زى الفل - نعومة وخفة وصوت أقل - ورحت البيت وأنا منشكح ومبسوط وحاسس انه يوم عيد انى خلصت من المشكلة بتاعة نقط الزيت اللى بلاقيها تحت العربية دى ....
المهم بقى حطيت كرتونة وقلت يارب تبقى آخر كرتونة أحطها تحت العربية - و روحت نمت وقمت الصبح أبص على الكرتونة لقيت نقطتين زيت تانيين موجودين على الكرتونة :_Alshmokh08[1]: :_Alshmokh08[1]:
مش عارف منين بقى - زهقت وتعبت - طب لو موضوع التسريب ده من جوان وش السلندر مش المفروض العربية تسخن أو المية تقل ؟؟؟؟
هتجنن :crying1: :crying1: :crying1: والله بجد راسى هتنفجر
طبعا فى التوكيل سألت المهندس ينفع أسأل سعادته عن الموضوع قاللى هاتهالى هنا الأول
طبعا علشان الكشف اللى ب 200 جنيه وبعدين نتفاهم بقى - وقاللى كمان لما سألته عن جوان وش السلندر إنهم مابيركبوش جوانات بلدى يعنى يايغيروا وش السلندر كله يا مش هيفكوا أصلا من الأول ..
أعمل ايه ؟؟؟؟؟؟:_Alshmokh22[1]: