كنت عايز اعرف هل كندا فاتحة باب الهجرة فى الوقت الحالى ؟ و لو فاتحة ممكن اعرف ايه المطلوب
و شكرا
عرض للطباعة
كنت عايز اعرف هل كندا فاتحة باب الهجرة فى الوقت الحالى ؟ و لو فاتحة ممكن اعرف ايه المطلوب
و شكرا
دايما فاتحين ,المعلومات علي الموقع
Citizenship and Immigration Canada
هما مش مصلحة حكومية مصريه اوراقهم ايه وتطلع.
المهم معاهم انت عايز تروح كندا ليه ؟؟؟
حسب التخصص بتاعك هل مطلوب للهجرة ولا لأ.
كندا حاليا فاتحه باب الهجره لتخصصات معينه باعداد قليله كل سنه
نصيحه ... لو حضرتك مش خبره في مجال مطلوب عندهم متوجعش في قلبك
في دول تانيه كتير اقل من كندا كمستوي بس اسهل في السفر ليها
تحياتي
ممكن تفكر في دوله عربيه شرق اوسطيه (تونس, الجزائر, المغرب)
او دوله افريقيه نضيفه (تنزانيا, كينيا) و دول بيتكلموا انجليزي عادي
سبحان الله ...... و الله اما شفت اخر تعليق لمين توقعت البقين بتوع شرق افريقيا ....... ههههههههههه
استاذ احمد كمال
انا بنصح الراجل عن تجربه اقارب و اصدقاء عايشين في افريقيا (تنزانيا, السودان, السنغال, سيراليون)
انا مش بقول اي كلام و السلام
انا خريج تجارة 2013 و عايز يبقى ليا دولة تانية و طبعا يبقى معايا باسبورها لان مستقبل البلد هنا مش مضمون + حماية
فا عشان كدة اخترت كندا
لو فيه اى دول فاتحة باب الهجرة ممكن تقترحوا عليا
استاذ احمد كمال ممكن تفيدنا بخبرتك
ياه انت لسه متخرج طازه ... اخبار جيشك ايه ؟
اي دوله في العالم تقريبا ممكن تسافر ليها و تاخد جنسيه كمان لكن بشروطهم
انت تشوف شروط انهي دوله تنطبق عليك
دلوقتي انت خبرتك العمليه تقريبا صفر ... يدوب معاك شهادتك الجامعيه بس زي معظم الناس
لازم الخبره العلميه او يكون معاك زكيبه فلوس عشان تهاجر كندا و اخواتها
الدراسه برضه في كندا و اخواتها محتاجه شوال فلوس
قدامك 3 اختيارات
1) يا تصبر و تفضل في مصر و تحاول تشتغل في مجالك و تكتسب خبره و بعدين تبقي تفكر تهاجر كندا
2) تسافر كندا من دلوقتي بس يكون معاك زكيبه فلوس زي ما قولت قبل كده عشان يا تدرس يا تفتح مشروع
3) تروح دوله عيانه في افريقيا او امريكا الجنوبيه و تشوف ناوي تفتح مشروع ايه هناك و برضه تدور علي شغل
دي الاختيارات المنطقيه اللي قدامك حاليا علي حسب سنك و خبرتك
تحياتي
طب ما دمت فكرت فى كندا ايه اخبار الانجليزى و الفرنساوى بتاعك ايه؟
هي كندا بتشترط لغتين,,,؟؟؟
دي تحت التاج البريطاني ,غير شوية الفرنساوية العبط في كيبيك
لو الفرنساوى بتاعك فعلاً قوى بيقى قدم على هجرة لمقاطعة كبيبك، ليها اجراءات هجرة منفصلة عن باقى كندا وشروطها افضل شوية، شوف موقعهم
www.immigration-quebec.gouv.qc.ca
كندا و استراليا و نيوزيلاندا تحت تاج الملكة اليزابيث ..... مش تحت التاج البريطاني
الملكة في استراليا اسمها الملكة اليزابيث الثانية ملكة استراليا ...... في كندا اسمها ملكة كندا ..... في نيوزيلاندا اسمها ملكة نيوزيلاندا ...... التاج البريطاني اتفكك من سنة 47 و اتخلقت الجنسيات المختلفة و مابقوش المواطنين في البلاد دي بريطانيين و لا رعايا للتاج البريطاني
بالنسبة لكندا لو معاك اللغتين سكورك احسن ......... و كيبيك ليها قانون هجرة خاص بيها لوحدها
بالنسبة لصاحب البوست ...... النظام الفيدرالي هيتغير اول يناير و محدش عارف لسه نظام الدرجات الجديد و ترتيب الناس ....... لازم تجيب درجات عالية او يختارك صاحب عمل من بنك الوظايف الجديد اللي هيعملوه ........ و الاحتمالين بخبرة قليلة (سنة و نص بس) صعب شوية
نظام كوبيك مش هيتغير غالبا
انا عندي سؤال لما حد بيهاجر بلد تانية مينفعش ينزل بلده في اول 5 سنين ؟
طيب معلش يا استاذ احمد انا محتاج جنسية دولة تانية مش فشخرة والله بس كنوع من الامان مش اكتر و كمان يكون فيها تعليم لانى لو هاجرت يبقى اخد جنسية + شغل + شهادات فى مجالى اللى لسة مش عارف ادخل فيه هنا فى مصر
فا ممكن الاقى اللى انا عاوزه ؟
انا بدردش معاكوا اعتبرونى اخوكوا الصغير :) فا اى نصيحة ياريت متبخلوش عليا
حضرتك بص لها من ناحيتهم ...... هيستفيدوا ايه ؟ هما برامج هجرتهم انتقائية بياخد الاكثر خبرة و الاحسن في مجاله ....... و بياخد في المجالات اللي محتاجها بس ... حضرتك بتقول عايز و عايز و عايز ..... هما كمان عايزين و عايزين و عايزين منك او من اي مهاجر :) ......
اضرب غطس في موقعهم الرسمي (اي كلام غير كده بلح) و شوف درجاتك كام بالسكور سيستم بتاعهم و شوف مهنتك مفتوح لها و لا لأ .......
افضل واسهل دوله للهجره كندا
افضل ممكن اتكلم معاك فيها و اوافقك في حاجات كتير و اعارضك في حاجات قليلة
اسهل لأ ! مش اسهل خالص ! و اجراءاتها معقدة موت
احسن دوله للهجرة جامبيا مش زامبيا
الكهرباء عندهم بتشتغل بالمولدات وساعه واحده بس في اليوم lol
ربنا يفك كرب افريقيا كلها يااااارب
حاكم دي اكتر قارة حزينه على عمرها
من الاخر لو ممعكش خبرة فى مجالك يبقى شيل كندا واستراليا ونيوزلندا الخ من دماغك او استىنى اما تبقى عندك خبرة فى مجالك + يكون مجال مطلوب + يجيلك عرض عمل + غير كده للاسف دى دول صعبة موووت
كل نصيحتى لك اوعى تروح او تهاجر لاى دولة مذيلة بكلمة عربية او اسلامية دول من الاخر اما هتتقلب فيها وهيطلعوا ++++ - او هتعامل كالعبد الاسود - وبلاش الدول الافريقية لانها مهددة برضه من قوى الاستعمار وزى مانتا شايف كده كل شوية يبعتوا وباء او فيروس جديد للقارة عشان يبيدوا الافارقة -
وفى النهاية الموضوع متوقف انتا عايز تروح تعمل ايه عيشة محترمة ولا تكوش فى الفلوس وخلاص الخ
ابحث وبعد ماتبحث جيب ورقة وقلم وشوف قدراتك ايه وشوف الدولة اللى هترضى بيك وايه الحلول اللى قدامك
وخد وقتك بقى فى البحث انا قعدت 3 سنين ابحث - او ريح دماغك واقتمص دور عماد حمدى وارشق فى اى حتة اجنبى انتا وشطارتك اهم حاجة تعمل فيها عماد حمدى او تعمل زى يحيى شاهين فى الفيلم وتمثل معاها مسرحية قيس وليلى
انا عايز جنسية عشان اخد شهادات و اعيش عيشة كويسة بس برضو هاجي مصر كتير عشان اهلي !
فا لو عرفت اخد جنسية دولة اخري هتبقي ملجأ ليا بمعني لو حبيت اعلم ولادي برة او اتعالج الحاجات دي اللي لازملها لف و دوران عشان اعرف اخدها
و كمان لو حصلي حاجة هنا في مصر اكلم السفارة الاجنبية تيجي تتصرف هي هههههه
بس اللي فهمته اني لازم ابدأ من هنا يعني ابدأ بخبرة في مجالي و شهادات و ابدأ اراسل الشركات برة
ضحكتنى جامد يا متركس - فعلا احسن حاجه الواحد يعيش فى حلم معين ويحاول يحققه ولكل مجتهد نصيب - انا كنت فى موقفك دا من 20 سنه تقريبا وحققت بعض من الاحلام
تجربه واقعيه - سافر دوله خليجيه تحقق بعض المدخرات واكتساب الخبرة وفى اثناء دا بتكون بتدرس الدول اللى ممكن تسافرها من الدول المحترمه طبعا
اقتباس:
اسمحلي ااختلف معاك في النقطه دي ... بعض دول غرب افريقيا هي اللي ظهر فيها الايبولا مؤخرا و الحمد لله دلوقتي في مرحله الانحسار و بعدين الدول الافريقيه غير مهدده من قوي الاستعمار لانها مستعمره اقتصاديه فعلا ... الدول دي جابت من الاخر و سلمت خيراتها للدول العظمي و اهم عايشين في امان بدل من الدخول في صراعات سياسيه و عسكريه هما كده كده خسرانين فيها بالتأكيد -
الانسان بطبيعته طماع ومبيملاش عينه الا التراب ودايما بيدور على الزيادة حتى لو مش محتاجها ايه اللى يخلى رؤساء الدول الفاسدين و المسئولين يسرقوا بالمليارات مع ان مليار واحد كفاية انه يعيشه ملك - ايه اللى يخلى محامى يشتغل وهو واخد فى قضيتين وحدهم 100 مليون - مصريين من اللى انا اتكلمت معاهم وقاعدين فى دول شرق اوروبا زى بولندا مثلا بتلاقيهم بيشتموا فى البلد مع انه فى نفس الوقت بيعترف ان العيشة انضف بكتير بس هو مش عاجبه وعايز ياخد كل حاجة - الخ - لازم نعترف ان الدول بتاعتنا وخاصة الافريقية فيها خيرات كتير جدا فى جميع النواحى هما ليه الاوروبيين مياخدوش الاراضى بتاعت افريقيا كمان ويبيدوا السكان زى ماحصل فى استراليا و امريكا وجنوب افريقيا الخ - و الدول اللى سلمت مش عايشة فى امان ولا حاجة بالعكس جنوب السودان من كام سنة اما كنت اقابل حد منها يقولى احنا بنحب امريكا واسرائيل ومعندناش مانع انها تحتلنا واهه متنلية وكلها اضطرابات وفى الاخر بيجوا على مصر - فرنسا كل شوية تتلكك ومش راضية تسيب افريقيا والى النهاردة بتبعت قوات تحت مسمى محاربة الارهاب وحفظ السلام الخ وفيه من الدول دى على كلام صديق ليا ان الواحد وهو ماشى بيلاقى الدهب و الماس على الطريق من غير تنقيب ولا غيره ومع كده ثروات بتتسرق والشعوب لسة فقيرة هنا الموضوع عامل زى مابتسلم لواحد حرامى هنا فى مصر يروح يركبك اكتر و اكتر
اوروبا اللى بيفكروا ازاى يغزو الفضاء و يستخرجوا الموارد فكرك مش هيفكروا فى افريقيا
ده من الوجهة التحليلية بس الدول دى كعيشة وشغل معنديش معلومات عنها لان مبحثتش فيها بس جايز يبق فيها الخير عن دول الخليج و الله و اعلم
متابع لأن ده نفس تفكيرى
مع اختلاف انى عندى خبره 10 سنوات - لكن شروط كندا الجديده بقيت صعبه عليا
بص انا هقولك علي حاجه
اسلوب الاحتلال و التدخل العسكري بطل خلاص
و لنا عبره في التدخل الامريكي العسكري في العراق
دلوقتي اللي بيحصل هو الاحتلال الاقتصادي
دول افريقيه زي تنزانيا و كينيا و غانا
سلموا مواردهم للغرب و اليهود في المقابل العيش في سلام
في دول تانيه زي السودان و النيجر و نيجيريا
ممكن يكون عندهم موارد بس مش ناويين يسلموها للغرب
او مش عندهم موارد اصلا
فتلاقي الوضع الاقتصادي و السياسي اسوأ من السوأ
الوضع مشابه هنا في مصر شويه
عندنا موارد سلمناها لليهود زي الغاز
و موارد تانيه مستحيل تتسلم للغرب زي قناه السويس
و ده مربط الفرس هنا
طول ما عندك مورد الغرب عايزه و مش راضيه تسلمه
هيتم وضع مليار مطب في مسيره التقدم و الرقي
+ خيانه المسئوليين للامانه
اسف للحياد عن هدف الموضوع الرئيسي
طب حضرتك خبره 10 سنين + حضرتك ذكرت قبل كده ان معاك مبلغ كويس
ايه مشكله الهجره لكندا بالنسبه لك ؟
يعني في مشاكل و صعوبات معاك
امال صاحب الموضوع يعمل ايه ؟ :fun_36_3_4[1]:
مشكلتى فى تفاصيل الشروط نفسها -بالنظام الجديد بقى الموضوع كأنه تنسيق الكليات بتاع ثانويه عامه مابقتشى شروط تحققها و خلاص لا دى بقيت درجات تحققها و هما بياخدو اعلى الدرجات دى بالعدد اللى هما عاوزينه
و حتلاقيهم متقصين من درجات المتزوجين و رامين جزء من الدرجات على الزوجه و بالتبعيه كده لازم المدام تدخل ielts و ده صعب بالنسبالها علشان الاولاد و خلافه غير انها هى نفسها مش متحمسه اوى للهجره
مالها ألمانيا يا جدعان
https://www.facebook.com/dina.kadery...54861121880092
بس الحقيقة للاسف العالم غير مستقر مش عارف ليه حاسس ان على حظنا الايام الحلوة راحت
ياترى المستقبل مخبى لنا ايه؟ ربنا يستر
سياسي أمريكي: واشنطن تستعد لتوجيه ضربة نووية ضد روسيا - RT Arabic
نهاجر ولا هننضرب بالنووى :)
معلش يا استاذ احمد ممكن تفهمني ازاي كندا مثلا او اي دولة تانية احمل جنسيتها تقولي مليش فيه لو انا في مشكلة في مصر ولا عشان انا هبقي مزدوج الجنسية مش هبقي من رعاياها؟