دروس مستفادة بعد شراء راوتر ماركة مشهورة من محل تحت السلم !

السلام عليكم
القصة باختصار هي اني كنت محتاج أغير الراوتر اللي عندي وهو D-Link N150 براوتر آخر يكون مداه أكبر علشان الإشارة مش بتغطي كل الشقة وفشلت في توصيل أكسس بوينت أكتر من مرة فقلت أجيب راوتر أفضل مرة واحدة وأريح دماغي
نزلت سوق العصر في روكسي ولفيت فلقيت محل اسمه Go Net أول طرقة شمال بعد مدخل المول جنب شركة Maximum Hardware ، محل صغير بس عنده أنواع كتير لأن المحل شبه متخصص في الراوترات والأكسسات ففضلت محتار شوية بين الأنواع وبعدين دخلتله وشرحتله طلبي فقالي D-Link مشاكله كتير خليك في Linksys أو NetGear
طبعا أنا أسمع إن الماركتين دول من أفضل الماركات في السوق وأغلاها كمان
قلتله طيب رشحلي حاجة سعرها معقول فرشحلي NetGear N300 تمنه 450 جنيه ، اشتريته واداني الفاتورة ومشيت
فتحت الراوتر ووصلته وحاولت أستبه معرفتش فاتصلت بـ Tedata والموظف فضل معايا على التليفون أكتر من 20 دقيقة بدون أي فايدة الراوتر مش عايز يلقط نت ، قلتله شكرا لتعبك معايا أنا هجرب تاني لوحدي كده وأشوف
عملت رستارت للكمبيوتر وعملت الـ setup من جديد وبعد عدة محاولات اشتغل أخيرا .. بس في مشكلة !
أنا سرعة النت عندي 4 ميجا والـ D-Link كان بيقراها كلها عادي ولما بعمل اختبار للسرعة على موقع Speedtest.net بيقرا الدونلود حوالي 3.38 ميجا في الثانية وده الطبيعي في مصر انه مش بيديك كل السرعة كاملة ، المهم بصيت في اعدادات الراوتر الـ NetGear لقيته قاري السرعة أقل من 3 ميجا بشوية ! قلت يمكن كده بيقراها صح والـ D-Link كان بيشتغلني مثلا فقلت أجرب أعمل speedtest فلقيته مديني الدونلود حوالي 2.34 !! يعني أقل برده ميجا كاملة عن سرعة D-Link ، طبعا رسترت الراوتر أكتر من مرة وحدثت الfirmware لآخر إصدار وغيرت الDNS ولعبت في كل الإعدادات وبدون أي فايدة !
قلت يمكن العيب من شركة النت ! شيلته وركبت الـ D-Link تاني لقيته شغال تمام والسرعة مظبوطة ! يبقى كده مش عيب شركة دي عيب راوتر
طبعا غير الموضوع ده اكتشفت ان السيجنال برده نفس الرينج بتاع الـ D-Link برده يعني مش مغطية الشقة كلها ! كده يبقى الـ D-Link برقبته لأنه شغال تمام وبيغطي نفس المساحة وبيقرا السرعة كاملة
رجعت كل حاجة في الكرتونة وقلت أنزل بعد كام يوم أرجعه سواء أبدله بحاجة أكبر أو آخد فلوسي أو أجيب Range Extender ممكن يحل مشكلة التغطية وأشتغل على الراوتر القديم
نزلت امبارح بالليل وروحت للراجل وشرحتله المشكلة فابتسم ابتسامة صفرا كده فيها بعض السخرية وبيقولي: ترجعه ازاي يعني ؟ دي مش مشكلة اللي انت بتقول عليها دي ! ممكن تكون مش عارف تشغله كويس ! فتحت الموبايل وطلعت الصور وكنت مصور السرعة مع الـ D-Link والراوتر قدام الشاشة وصورة تانية صورت السرعة والـ NetGear قدام الشاشة برده ، كنت عامل حسابي لحاجة زي كده ، بص في الصور وعمل نفسه مش فاهم وبعد ما فهمته قالي بس أنا مش هينفع أرجعه برده انت تروح للوكيل وتشوفه هيقولك إيه !
قلتله بس أنا من حقي أرجعه خلال 15 يوم ومليش دعوة بالوكيل ، يقولي أنا مش معترف بالعيب ده ! هاتهولي مقفول وأنا أرجعهولك !! أقوله ازاي راوتر مش بيقرا السرعة كاملة وميبقاش عيب يقولي هاتهولي قولي مش شغال خالص مبينطقش وأنا أخده منك ! ومن هنا لهنا وبعد محاولات عديدة مني للإصرار على الإرجاع أو الاستبدال في مقابل إصرار منه على التنصل من المسئولية وتحميل الوكيل المشكلة كلها والابتسامة الصفرا اتبدلت بتكشيرة ؛ مشيت من عنده وأنا ناوي أكلم الوكيل أشوفه هيقول إيه مع إني عارف الرد مقدما وبعدين هقوم مقدم بلاغ في الاتنين عند جهاز حماية المستهلك أملا في إني آخد حقي منهم .

الدروس المستفادة:
1- مش كل الماركات الغالية والمشهورة بتبقى تمام ، ياما ماركات مش مشهورة وملهاش حظ في السوق ورخيصة وبتشتغل أحسن وأفضل من الماركات الغالية ، مش قاعدة عامة طبعا بس بتحصل كتير خاصة في مجال التكنولوجيا والإلكترونيات.
2- متشتريش حاجة من محل تحت السلم حتى لو أرخص من برة لأن مع أقرب مشكلة هيبيعك ويقولك معرفكش على عكس المحلات الكبيرة المحترمة حتى لو غالية شوية بس هتضمن إنك هتاخد حقك منهم لأنهم بيمشوا قانوني وصح وكمان بيخافوا على سمعتهم والموظف مش هيخسر حاجة لما يبدلك الجهاز لأنه مش محل أبوه ده مجرد موظف وبينفذ التعليمات وكمان المحلات دي تقدر تتعامل مع الوكلاء بقلب جامد ويرجعوا أتخن جهاز بدون أي مشكلة على عكس محلات تحت السلم اللي بيريح نفسه من المعافرة مع الوكيل ويورطك انت معاهم عشان يخلع هو ويريح دماغه ، وشخصيا كان ليا تجربة مشابهة مع كمبيوتر شوب اشتريت منه أكسس بوينت من فترة ومشتغلش يمكن بسببي أنا مكنتش عارف أشغله فرجعته بعدها بيوم أو اتنين وخدت فلوسي فورا وبدون أي مماطلة .
حسبي الله ونعم الوكيل

D- link اشتريته في عمان وفعلا اعطاله كثير جدا ورجعته اكثر من 3 مرات

linksys اللي هو تبع cisco والله كان خربان من اول يوم جبته

انا مرتاح جدا مع هواوي زي اللي بيوزعوه TE data شغال له 4 سنوات بدون مشاكل

منتظر اية من وكلاء بيستوردوا ارخص منتجات من الصين ودرجة تانية بهدف الربح ومش مهم المستهلك يخبط دماغة فى الحيطة

ماتسيبش حقك

يعنى اشترى اى نوع لانى عايز اغير الراوتر مش عارف انا شغال برواتر فودافون وتعبان جدااا:mahf(5):

اقتباس:

---

المشاركة الأصلية كتبت بواسطة د.محمود صلاح

D- link اشتريته في عمان وفعلا اعطاله كثير جدا ورجعته اكثر من 3 مرات

linksys اللي هو تبع cisco والله كان خربان من اول يوم جبته

انا مرتاح جدا مع هواوي زي اللي بيوزعوه TE data شغال له 4 سنوات بدون مشاكل

---

والله معايا بقاله سنين وشغال 24 ساعة ومشتكاش ومحسيتش بقيمته غير لما جبت الخردة اللي اسمه NetGear ده

اقتباس:

---

المشاركة الأصلية كتبت بواسطة mastr_n

منتظر اية من وكلاء بيستوردوا ارخص منتجات من الصين ودرجة تانية بهدف الربح ومش مهم المستهلك يخبط دماغة فى الحيطة

ماتسيبش حقك

يعنى اشترى اى نوع لانى عايز اغير الراوتر مش عارف انا شغال برواتر فودافون وتعبان جدااا:mahf(5):

---

توكل على الله وهات D-Link محدش بيشتكي منه فعلا وقرأت ريفيو لناس أجانب بينصحوا بيه

مفيش حد بيتعلم ببلاش

كان غيرت المودليشن وهيقرا معاك السرعه مظبوطه او تسيبه علي الاوتو وهو هيختار المودليشن الافضل وحتي قوه الوايرلس المفروض انك تسيبه شويه لغايه ما يجمع قناه فاضيه معليهاش تشويش وبكده الوايرلس هيكون افضل معاك او برضه ممكن تختار قناه براحتك بس تكون عامل سكان حواليك وشايف القنوات الموجوده وتختار واحده فاضيه
خلاصه الكلام الراوتر المفروض تسيبه يوم ولا حاجه لغايه ما يستقر وحتي اغلب الاجهزه كده ال ios او الاندرويد مثلا يحتاج يوم ولا اتنين لغايه ما يستقر ويديك افضل اداء واستهلاك قليل للبطاريه
وبعدين طالما الماركه كويسه يبقي مش هتفرق محل تحت السلم ولا محل علي الناصيه :tumb:
مش معقول مثلا نت جير ولا لينكسس تعمل حاجات سيئه لمصر مخصوص مثلا وبعدين مصر سوق كبير ويهم اي شركه انها تاخد حصه فيه

فيه حاجة غلط في الستنجز اكيد ........

محل فى سوق العصر يبقى تحت السلم ؟؟!@@
عيبنا ان احنا عايزين كل حاجه يعنى انت محتاج اكسس بوينت يزودلك مدى الروتر الدى لينك..تقوم تجيب روتر بالمره ..ومهو مفيش حاجه اسمها بالمره فى انا محتاج ايه ومهما اسنغليت انت مش محتاج روتر ولو جبت السيسكو ابو 600 جنيه برضه انت مش محتاج روتر !!

مهو احنا قولنا لحضرتك قبل كده ديه مش مشكلة راوتر وانت اللى مصمم تشترى

Sent from my GT-S6500D using Forum Runner

اقتباس:

---

المشاركة الأصلية كتبت بواسطة باسم يوسف

مفيش حد بيتعلم ببلاش

---

أكيد

اقتباس:

---

المشاركة الأصلية كتبت بواسطة naser_56

كان غيرت المودليشن وهيقرا معاك السرعه مظبوطه او تسيبه علي الاوتو وهو هيختار المودليشن الافضل وحتي قوه الوايرلس المفروض انك تسيبه شويه لغايه ما يجمع قناه فاضيه معليهاش تشويش وبكده الوايرلس هيكون افضل معاك او برضه ممكن تختار قناه براحتك بس تكون عامل سكان حواليك وشايف القنوات الموجوده وتختار واحده فاضيه
خلاصه الكلام الراوتر المفروض تسيبه يوم ولا حاجه لغايه ما يستقر وحتي اغلب الاجهزه كده ال ios او الاندرويد مثلا يحتاج يوم ولا اتنين لغايه ما يستقر ويديك افضل اداء واستهلاك قليل للبطاريه
وبعدين طالما الماركه كويسه يبقي مش هتفرق محل تحت السلم ولا محل علي الناصيه :tumb:
مش معقول مثلا نت جير ولا لينكسس تعمل حاجات سيئه لمصر مخصوص مثلا وبعدين مصر سوق كبير ويهم اي شركه انها تاخد حصه فيه

---

مش عارف موضوع المودليشن ده ايه ممرش عليا وأنا بجرب الاعدادات عموما هشغله تاني واشوف
لكن طبعا بتفرق انت بتشتري الجهاز منين لأني لو كنت شاريه من كمبيو مي مثلا كان زمانهم رجعوه معملوش زي محل تحت السلم ده

اقتباس:

---

المشاركة الأصلية كتبت بواسطة أحمد كمال

فيه حاجة غلط في الستنجز اكيد ........

---

مظنش لأني جربت كل حاجة ولو في غلط في الاعدادات كان مفروض مشتغلش اصلا لكن مش هيشتغل بناقص 1 ميجا !
عموما هجرب تاني

اقتباس:

---

المشاركة الأصلية كتبت بواسطة mk3

محل فى سوق العصر يبقى تحت السلم ؟؟!@@
عيبنا ان احنا عايزين كل حاجه يعنى انت محتاج اكسس بوينت يزودلك مدى الروتر الدى لينك..تقوم تجيب روتر بالمره ..ومهو مفيش حاجه اسمها بالمره فى انا محتاج ايه ومهما اسنغليت انت مش محتاج روتر ولو جبت السيسكو ابو 600 جنيه برضه انت مش محتاج روتر !!

---

وايه المشكلة لما أحتاج كل حاجة طالما بدفع فلوس وفي أكتر من أوبشن كل حاجة بتمن ؟ يعني اللي بيدفع 150 جنيه في راوتر مفروض ياخد نفس اللي بيدفع 1000 جنيه ؟! ولا هو لازم أروح أشتري راوتر وأشتري سويتش وأشتري أكسس بوينت وأشتري رينج اكستندر وأشتري كابل كات 6 علشان أغطي شقة ؟!
وإيه المشكلة لما المحل يكون في سوق العصر ويكون تحت السلم ؟ هو سوق العصر ده كله توكيلات معتمدة يعني ؟ حضرتك عمرك سمعت بس عن اسم المحل اللي أنا بشتكي منه ده ؟ وطالما بيتهرب من مسئولية مفروض من حقي قانونا آخدها يبقى محل تحت السلم طبعا

اقتباس:

---

المشاركة الأصلية كتبت بواسطة elawany13

مهو احنا قولنا لحضرتك قبل كده ديه مش مشكلة راوتر وانت اللى مصمم تشترى

---

الراوترات بتفرق من نوع للتاني في مدى الإشارة حتى النت جير ده نفسه في منه موديل أعلى شوية كاتبين مدى الاشارة بتاعه أكبر من اللي كاتبينه في ده فأنا قولت أريح دماغي وأجيب راوتر يغطي الشقة بدل حوار الأكسس اللي مش لاقيله حل

مش كل الماركات المشهورة حلوة انا كان ليا تجربه زفت مع لينكسيس في الوايرلس

الافضل من تجربتي الشخصيه 3com بس غالي شويه

اقتباس:

---

المشاركة الأصلية كتبت بواسطة MRBEBO

مش كل الماركات المشهورة حلوة انا كان ليا تجربه زفت مع لينكسيس في الوايرلس

الافضل من تجربتي الشخصيه 3com بس غالي شويه

---

حضرتك مش أول واحد أسمعه يشتكي من لينكسس على الرغم من الشهرة الرهيبة بتاعته اللي المفروض ان هو رقم 1 في الراوترات !
3com أعتقد مش موجود أصلا ! دي ماركة قديمة من الماركات المحترمة النادرة واتوقف إصدارها تقريبا

هي اتش بي اشترت الشركه ومن حوالي سنتين شفت راوتر كان بحوالي 700 لكن بقالي فترة كبيرة مش متابع السوق للاسف

اقتباس:

---

المشاركة الأصلية كتبت بواسطة MRBEBO

هي اتش بي اشترت الشركه ومن حوالي سنتين شفت راوتر كان بحوالي 700 لكن بقالي فترة كبيرة مش متابع السوق للاسف

---

السوق المصري كله مفيهوش راوترات ثري كوم جديدة خالص ودورت على أمازون برده ملقيتش فممكن تكون hp بتنزله تحت مسمى تاني أو وقفت إصداره خالص الله أعلم

----------------------

دي عينة من التقييمات اللي على الراوتر NetGear واخد تقييمات سلبية كتيرة جدا ودي عينة منها
Amazon.com: Customer Reviews: Netgear N300 Wireless ADSL2+ Modem Router (DGN2200)

ده واحد بيحكي نفس مشكلتي وجربت الاقتراح الأخير محلش المشكلة برده
Slow Speed on DGN2200 - NETGEAR Forums

اتش بي استحوذت على ثري كوم و قتلتها ....... باي باي ثري كوم ....... كانت بتعمل احسن مودمات ايام الديال اب

السﻻم عليكم . بعد قرأة الردود وحيث اننى بابيع هذه اﻻشياء و ليا بعض التجارب حبيت اشارك برائي المتواضع
اوﻻ ﻻانصح بتركيب اكسس بوينت على الراوتر ﻻنه بيعمل مشاكل وﻻزم ترستره كل شوية
و من اﻻفضل تركيب راوتر به وير لس
ثانيا بالنسبة لمشكلة حضرتك وهى ان اﻻشارة مش مغطية المساحة كلها ف دى ببساطة مشكلة اﻻنتينا بتاع الراوتر ف اما بتغيرها ب انتينا اكبر ( ودى تمنها حوالى 55 جنيه) واما بتجيب راوتر 2 انتينا وفى 3 انتينا ولو انت شرحت للبائع مشكلتك من اﻻول كان وجهك للصح
ثالثا بالنسبة للماركة ف طبعا انا سمعت ارقام غريبة وعالية جدا احنا عندنا فى اﻻقاليم شغالين تقريبا 90% بال tp لنك سعره 220 جنيه انا شخصيا مركبه عندى وشغال زى الفل
اخيرا بالنسبة لترجيع الراوتر للبائع فعﻻ بيبقى فى صعوبة خاصة بعد فتح العلبة واﻻكياس وملوش عﻻقة بالمكان ﻻزم يكون فى مشكلة فنية فى الجهاز علشان يرجعه واﻻ هيشربه هو وبالنسبة لمول العصر دا مكان محترم طبعا وتقبل تحياتى

اقتباس:

---

المشاركة الأصلية كتبت بواسطة tata2011

السﻻم عليكم . بعد قرأة الردود وحيث اننى بابيع هذه اﻻشياء و ليا بعض التجارب حبيت اشارك برائي المتواضع
اوﻻ ﻻانصح بتركيب اكسس بوينت على الراوتر ﻻنه بيعمل مشاكل وﻻزم ترستره كل شوية
و من اﻻفضل تركيب راوتر به وير لس
ثانيا بالنسبة لمشكلة حضرتك وهى ان اﻻشارة مش مغطية المساحة كلها ف دى ببساطة مشكلة اﻻنتينا بتاع الراوتر ف اما بتغيرها ب انتينا اكبر ( ودى تمنها حوالى 55 جنيه) واما بتجيب راوتر 2 انتينا وفى 3 انتينا ولو انت شرحت للبائع مشكلتك من اﻻول كان وجهك للصح
ثالثا بالنسبة للماركة ف طبعا انا سمعت ارقام غريبة وعالية جدا احنا عندنا فى اﻻقاليم شغالين تقريبا 90% بال tp لنك سعره 220 جنيه انا شخصيا مركبه عندى وشغال زى الفل
اخيرا بالنسبة لترجيع الراوتر للبائع فعﻻ بيبقى فى صعوبة خاصة بعد فتح العلبة واﻻكياس وملوش عﻻقة بالمكان ﻻزم يكون فى مشكلة فنية فى الجهاز علشان يرجعه واﻻ هيشربه هو وبالنسبة لمول العصر دا مكان محترم طبعا وتقبل تحياتى

---

وعليكم السلام ورحمة الله وبركاته
طب نقطة نقطة معلش :)
1. أنا عندي راوتر وايرلس بالفعل اللي هو دي لينك وفعلا زي ما حضرتك قلت كل ما أركب أكسس بوينت السيجنال بتقطع وكل شوية لازم أرستره وشغلانة وجربت أكتر من نوع علشان كده جاتلي فكرة شراء راوتر ذو إمكانيات أعلى علشان يغنيني عن حوار الأكسس لكن للأسف يبدو إني أسأت الاختيار
2. ممكن أجرب فكرة شراء الأنتينا الأكبر دي في الدي لينك لكن إيه الحل في الراوترات اللي بتبقى الأنتينا داخلية كما هو الوضع بالنسبة للنت جير اللي اشتريته واتدبست فيه ؟! وبحكم خبرة حضرتك ايه رأيك في Range Extender هل هيكون ليه نفس مشاكل الأكسس برده ولا بيبقى أفضل ؟
3. التي بي لينك والدي لينك فعلا أثبتوا وجودهم على الرغم من رخص أسعارهم مقارنة بالراوترات الغالية اللي أثبتت فشلها ومعظم الناس بتشتكي منها برة مصر وجوة مصر
4. أنا فتحت علبة أكسس بوينت قبل كده وشغلته وجربته ورجعته لكمبيوتر شوب وخدت فلوسي كاملة ومحدش قالي انت فتحت العلبة والكلام ده وده من حقي طالما لم يمر 15 يوم على تاريخ الشراء .
5. طبعا لما تشتري راوتر وميقراش السرعة كاملة يبقى أكيد دي مشكلة فنية فيه مش لازم المشكلة تكون انه مبينطقش خالص زي ما البياع بيقول ! أيوة الراوتر شغال بس مش بكل طاقته في عيب وده يستلزم انه يرجع وعلى فكرة انا راسلت الشركة الأم من شوية أكتر من مرة وحكيتلهم المشكلة وبعتولي حلول أجربها في الإعدادات وجربتها كلها بلا أي فائدة وقلتلهم دي كده ممكن تكون مشكلة في الهاردوير قالولي وارد.
أخيرا أنا طبعا مش بقول سوق العصر مكان مش محترم أنا مش بشتري حاجة غالبا غير منه وكل أجهزة الكمبيوتر بتاعتي بجمعها من هناك بس من شركات محترمة ليها اسم وسمعة لكن ميمنعش ان زي ما في محلات محترمة وليها سمعتها واسمها في محلات برده تحت السلم ويهمهم يبيعوا للزبون وبعد كده يخبط دماغه في الحيط لو قابلته اي مشكلة هو باع وخلاص ملوش دعوة بخدمات ما بعد البيع لانه تحت السلم وهيفضل طول عمره تحت السلم

اقتباس:

---

المشاركة الأصلية كتبت بواسطة tata2011

ثالثا بالنسبة للماركة ف طبعا انا سمعت ارقام غريبة وعالية جدا احنا عندنا فى اﻻقاليم شغالين تقريبا 90% بال tp لنك سعره 220 جنيه انا شخصيا مركبه عندى وشغال زى الفل

---

زي مانا رشحتلك في الموضوع اللي فات , هات tp link وان شاء الله مش هاتندم , وسعره معقول جدا عن الانواع التانية وقوة اشارته جباره عشان فيه antenna قويه , وبينزل منه دلوقتي بأكتر من antenna

انا كان عندي الراوتر اللي فودافون بتنزله الهواوي الابيض , ضعيف جدا جدا بالنسبة لل tp link , ركنته من زمان و مشتغلتش بيه

اﻻستاذ ابو اسر بص حضرتك زى ماقولتلك بالنسبة لتوسيع دائرة اﻻشارة الحل اﻻمثل هو اﻻنتينا او راوتر بكذا انتينا وسمعت بعض الحيل بيعملها الشباب لتقوية اﻻشارة عن طريق وضع علبة كانز فاضية حول اﻻنتينا بعد قصها وفردها .
بالنسبة لتوصيل اكسس بوينت على الراوتر بيعمل مشاكل وده سمعته من زبون ومصدقتوش غير لما جربت بنفسى عندى فى الشقة واستبدلته براوتر فقط والمساحة عندى 200 متر وجايب الشقة كلها . ملحوظة تجارية ( اﻻكسس فى منه موديﻻت 740 و741 و743 وفى منهم بيرسل ويستقبل اﻻشارة يعنى بعض الناس بيجيبه يستقبل به اﻻشارة ) عشان كده بيحصل مشاكل عند توصيله براوتر فريح نفسك
بالنسبة للنوع اللى انت ذكرته مش هعرف افيدك ال tp link مسيطر وبيعجب الناس ف ليه هوجع دماغى .
بالنسبة لحتة الترجيع وانك قبل كده اشتريت وخدت فلوسك احب اقولك ان التاجر عامة لما يجى يشتغل فى سلعة بيدور على قوة الشركة وقوة الضمان يعنى لو ورايا شركة قوية مش هخسر حاجة لما ارجعلك الحاجة واديك فلوسك ﻻنى هخدها ارجعها للوكيل فاهمنى طبعا .ال tpلنك ضمانه ممتاز بس فى حالة وجود عيب فنى وعن تجربة .
بالنسبة لحتة انه مش قايس السرعة صح ف دى صدقنى من الشركة بتاع النت بدليل السرعة عندى الصبح غير عند الفجر غير يوم الجمعة بتبقى بطيئة والكلام ده من بق ناس خبرا بتوع الوصلات.
اخيرا حتة ال 15 يوم دى ماتقولهاش عشان عيب احنا فى مصر وكمان فى نايل موتورز ههههه ياراجل دا فى موضوع هنا عن عضو اشترى عربية زيرو ولقاها مخبوطة ومرشوشة وراح يرجعها قالوله منعرفكش .اخيرا تقبل تحياتى ولو هتجيب الtpلنك هات اﻻزرق

اقتباس:

---

المشاركة الأصلية كتبت بواسطة أبو آسر

أكيد

مش عارف موضوع المودليشن ده ايه ممرش عليا وأنا بجرب الاعدادات عموما هشغله تاني واشوف
لكن طبعا بتفرق انت بتشتري الجهاز منين لأني لو كنت شاريه من كمبيو مي مثلا كان زمانهم رجعوه معملوش زي محل تحت السلم ده

مظنش لأني جربت كل حاجة ولو في غلط في الاعدادات كان مفروض مشتغلش اصلا لكن مش هيشتغل بناقص 1 ميجا !
عموما هجرب تاني

وايه المشكلة لما أحتاج كل حاجة طالما بدفع فلوس وفي أكتر من أوبشن كل حاجة بتمن ؟ يعني اللي بيدفع 150 جنيه في راوتر مفروض ياخد نفس اللي بيدفع 1000 جنيه ؟! ولا هو لازم أروح أشتري راوتر وأشتري سويتش وأشتري أكسس بوينت وأشتري رينج اكستندر وأشتري كابل كات 6 علشان أغطي شقة ؟!
وإيه المشكلة لما المحل يكون في سوق العصر ويكون تحت السلم ؟ هو سوق العصر ده كله توكيلات معتمدة يعني ؟ حضرتك عمرك سمعت بس عن اسم المحل اللي أنا بشتكي منه ده ؟ وطالما بيتهرب من مسئولية مفروض من حقي قانونا آخدها يبقى محل تحت السلم طبعا

الراوترات بتفرق من نوع للتاني في مدى الإشارة حتى النت جير ده نفسه في منه موديل أعلى شوية كاتبين مدى الاشارة بتاعه أكبر من اللي كاتبينه في ده فأنا قولت أريح دماغي وأجيب راوتر يغطي الشقة بدل حوار الأكسس اللي مش لاقيله حل

---

اه كل حاجه جهاز لوحده امال الشركات العالميه تكسب ازاى ؟! اه الروتر ابو 150 جنيه يعمل اللى بيعمله ابو 1000 كوظيفه روتنج لكن طبعا الفروقات فى حاجات تانيه كماتريال وعمر افتراضى وتحمل الحراره والبراند نفسه له تمن ووووو. انت عايز ترجع روتر اتفتح وهو ادام البايع مفهوش حاجه هسألك سؤال ترضى تاخد حاجه مفتوحه..اما مشكله السرعه فدى يتحملها الوكيل منك له عشان تثبتها . وممكن البايع ياخده منك يوديه الوكيل بس تستنى رد الوكيل

اقتباس:

---

المشاركة الأصلية كتبت بواسطة mk3

اه كل حاجه جهاز لوحده امال الشركات العالميه تكسب ازاى ؟! اه الروتر ابو 150 جنيه يعمل اللى بيعمله ابو 1000 كوظيفه روتنج لكن طبعا الفروقات فى حاجات تانيه كماتريال وعمر افتراضى وتحمل الحراره والبراند نفسه له تمن ووووو. انت عايز ترجع روتر اتفتح وهو ادام البايع مفهوش حاجه هسألك سؤال ترضى تاخد حاجه مفتوحه..اما مشكله السرعه فدى يتحملها الوكيل منك له عشان تثبتها . وممكن البايع ياخده منك يوديه الوكيل بس تستنى رد الوكيل

---

:tumb:

سبحان الله نيت جير ده افضل روتر اتعملت معاه فى حياتى
هى ممكن تكون عيب تصنيع فى ده

طيب ممكن استفسار ياجماعة انا دالوقتى موصل نت من شبكة سلكية هل ينفع اوصل السلك فى روتر واطلع اشارة للموبايل او اوصل اكسس افضل

اقتباس:

---

المشاركة الأصلية كتبت بواسطة الاستاذ

طيب ممكن استفسار ياجماعة انا دالوقتى موصل نت من شبكة سلكية هل ينفع اوصل السلك فى روتر واطلع اشارة للموبايل او اوصل اكسس افضل

---

اشتري اكسس بوينت وينفع يشتغل عادي

اقتباس:

---

المشاركة الأصلية كتبت بواسطة الاستاذ

طيب ممكن استفسار ياجماعة انا دالوقتى موصل نت من شبكة سلكية هل ينفع اوصل السلك فى روتر واطلع اشارة للموبايل او اوصل اكسس افضل

---

بص حضرتك انت محتاج اكسس مش راوتر بس لو صاحب الشبكة اللى انت واخد منه قافل عليك مش هتعرف تشغله ولازم تقول له عشان يفتح لك او تجيبه هو يشغلهولك

تحديث:
بعد أن قدمت شكوى لحماية المستهلك اتصلوا بي اليوم وأبلغوني أنهم أرسلوا خطاب للمحل المشتكى في حقه وطلبوا مني الذهاب إليه وطلب حل المشكلة وإرجاع الجهاز وإلا فسوف يقومون باتخاذ إجراء آخر إن لم يستجب
بصراحة حاجة تفرح في ظل الظروف المهببة دي
إن شاء الله هروح النهاردة للمحل وأشوف هيعمل إيه

ربنا ييسر لك الامور بأذن الله .

دلوقتى ليا سؤال عندى نت وير لس flasha usb و عايز ألقط منها نت لجهاز كمبيوتر عادى وطبعا الكمبيوتر ليس به وير لس فما العمل .
سمعت أن فى وصله ذى فلاشه بتركب فى الكمبيوتر و تلقط الوير لس . فما هو المعلومات عن حل هذة المشكله و أيه الماركه والآسعار لآى قطعه ألكترونيه هتركب وشكرا لكم

اقتباس:

---

المشاركة الأصلية كتبت بواسطة Abdm

ربنا ييسر لك الامور بأذن الله .

دلوقتى ليا سؤال عندى نت وير لس flasha usb و عايز ألقط منها نت لجهاز كمبيوتر عادى وطبعا الكمبيوتر ليس به وير لس فما العمل .
سمعت أن فى وصله ذى فلاشه بتركب فى الكمبيوتر و تلقط الوير لس . فما هو المعلومات عن حل هذة المشكله و أيه الماركه والآسعار لآى قطعه ألكترونيه هتركب وشكرا لكم

---

بتشتري حاجة اسمها Wireless USB Adapter وفي منها كذا شكل وكذا نوع وسعرها بيبقى في حدود 75 جنيه أو أقل أو أكتر حسب إمكانياتها بس أقل حاجة هتكفيك طالما مكان الفلاشة قريب من الكمبيوتر
ودي الأنواع المتاحة
150Mbps Mini Wireless N USB Adapter TL-WN723N - Welcome to TP-LINK
150Mbps Wireless N Nano USB Adapter TL-WN725N - Welcome to TP-LINK
N600 Wireless Dual Band USB Adapter TL-WDN3200 - Welcome to TP-LINK
أو بتشتري كارت شبكة وايرلس بيتركب في المازربورد جوة تحت كارت الشاشة مثلا زي ده
150Mbps Wireless N PCI Adapter TL-WN751ND - Welcome to TP-LINK
بس يفضل تجيب ال usb لأن الكارت ده انقرض وأحيانا مش بيبقى ليه مكان في المازربورد

نزلت امبارح روحت للراجل وأصر برده على إنه ميرجعش الجهاز زي ما كنت متوقع
فهنتظر اتصال من حماية المستهلك النهاردة أو أتصل بيهم لو متصلوش وأقولهم وأشوف هيعملوا معاه إيه
أنا أخدت الموضوع تحدي وعند بالرغم من إني كنت استعوضت ربنا خلاص بس فعلا اللي زي الأشكال دي لازم يتعلموا الأدب

اقتباس:

---

المشاركة الأصلية كتبت بواسطة أبو آسر

نزلت امبارح روحت للراجل وأصر برده على إنه ميرجعش الجهاز زي ما كنت متوقع
فهنتظر اتصال من حماية المستهلك النهاردة أو أتصل بيهم لو متصلوش وأقولهم وأشوف هيعملوا معاه إيه
أنا أخدت الموضوع تحدي وعند بالرغم من إني كنت استعوضت ربنا خلاص بس فعلا اللي زي الأشكال دي لازم يتعلموا الأدب

---

هل عرفته انه لو مرجعش الجهاز ودى حماية المستهلك هيرجعوا ولا مجبتش سيره له
وهل الجهاز بيعترف باى فاتورة ولا لازم فاتورة ضريبيه
وبالتوفيق

اقتباس:

---

المشاركة الأصلية كتبت بواسطة amr011111

هل عرفته انه لو مرجعش الجهاز ودى حماية المستهلك هيرجعوا ولا مجبتش سيره له
وهل الجهاز بيعترف باى فاتورة ولا لازم فاتورة ضريبيه
وبالتوفيق

---

حماية المستهلك راحوله المحل وسلموه خطاب رسمي وهو أقر إنه استلمه لما سألته وأنا برده قلتله لو مرجعتوش الجهاز هياخد معاك إجراء بس هو برده في الطراوة
أنا مقدمتش فاتورة ضريبية هو اداني ورقة مطبوعة من على الكمبيوتر عليها اسم الجهاز وسعره بس بدون أي أختام أو أرقام ضريبية وخلافه والجهاز اعتمدها واتحرك بناء عليها فأظن مش بيشترطوا فاتورة ضريبية أي فاتورة وخلاص

اقتباس:

---

المشاركة الأصلية كتبت بواسطة أبو آسر

حماية المستهلك راحوله المحل وسلموه خطاب رسمي وهو أقر إنه استلمه لما سألته وأنا برده قلتله لو مرجعتوش الجهاز هياخد معاك إجراء بس هو برده في الطراوة
أنا مقدمتش فاتورة ضريبية هو اداني ورقة مطبوعة من على الكمبيوتر عليها اسم الجهاز وسعره بس بدون أي أختام أو أرقام ضريبية وخلافه والجهاز اعتمدها واتحرك بناء عليها فأظن مش بيشترطوا فاتورة ضريبية أي فاتورة وخلاص

---

لو عايز تربيه فعلا وتخليه هو اللى يتحايل عليك اعمله محضر فى مباحث التموين هما مختصين بالحاجات وبيتحركوا فيها بسرعه مذهله

Sent from my GT-S6500D using Forum Runner

اقتباس:

---

المشاركة الأصلية كتبت بواسطة elawany13

لو عايز تربيه فعلا وتخليه هو اللى يتحايل عليك اعمله محضر فى مباحث التموين هما مختصين بالحاجات وبيتحركوا فيها بسرعه مذهله

sent from my gt-s6500d using forum runner

---

ان شاء الله المشكلة تتحل على ايد حماية المستهلك ولو متحلتش هبقى اشوف حوار مباحث التموين ده

حماية المستهلك غير مختص بالاتصالات ...اختصاص الاتصالات مرفق الاتصالات وده كلامه مع الوكلاء مش المحلات..ريح نفسك واتجه من دلوقتى للتوكيل

اقتباس:

---

المشاركة الأصلية كتبت بواسطة mk3

حماية المستهلك غير مختص بالاتصالات ...اختصاص الاتصالات مرفق الاتصالات وده كلامه مع الوكلاء مش المحلات..ريح نفسك واتجه من دلوقتى للتوكيل

---

هما اتحركوا بالفعل لحل المشكلة فلو مكنش من اختصاصهم مكنوش اتحركوا من الأول
اللي أعرفه إنهم مختصين بكل ما يتعلق بعمليات البيع والشراء سواء اتصالات أو غيره لكن أنا لو روحت للوكيل هيقولي معرفكش أنا مبعتلكش حاجة روح للمحل اللي باعلك وهيبقى عنده حق فعلا

اقتباس:

---

المشاركة الأصلية كتبت بواسطة أبو آسر

هما اتحركوا بالفعل لحل المشكلة فلو مكنش من اختصاصهم مكنوش اتحركوا من الأول
اللي أعرفه إنهم مختصين بكل ما يتعلق بعمليات البيع والشراء سواء اتصالات أو غيره لكن أنا لو روحت للوكيل هيقولي معرفكش أنا مبعتلكش حاجة روح للمحل اللي باعلك وهيبقى عنده حق فعلا

---

نو
واتمنى لك كل خير