شكر خاص جدااااااااااااااااااااااا لدايهاتسو مصر

**ragea Abdoo** · 02-11-2008 01:31 PM

احب ان تعرف الناس جميعا شكري الخاص لديهتسو مصر وللمهندس محمد عبد المقصود والمهندس احمد عبد الوهاب وذلك للاهتمام الغير متوقع لتقديم افضل خدمة لعملاء ديهتسو ............ وكل ذلك لآني كنت اعاني من مشكلة في سيارتي التريوس ٢*٢ ........وقد عرضت هذة المشكة من قبل فى نيل موترز .............وهي انه يوجد هزة فى الدركسيون عند سرعة المائة وتلك المشكلة ظهرت عندما غيرت الجنوط العادية بواحدة اسبور واستمرت هذة المشكلة حتي اني كنت سابيع هذة العربية واستبدلها بواحدة ثانية لاني خلال هذة المشكلة عملت ترصيص خمس مرات في التوكيل ومرتين برة التوكيل وما زالت المشكلة موجودة ثم غيرت الجنوط مرتين حتي ظننت ان العيب فى السيارة نفسها او فى العفشة.......
طبعا هذا من الطبيعي ان يقوم التوكيل بصيانة السيارة او قطع الغيار او اكماليات التي نقوم بشرئها من التوكيل وهذا شيء طبيعي ولكن شكرى الخاص لهم هو تقديم هذة الخدمة باحسن من العادي وافضل مما كنت اتوقع ............................فقد تم تغير الجنوط بجنوط جديدة جمدة جدااااااااا واغلي من التي كنت اشتريتها واثقل واكثر ثباتا وعايز كمان اقول لكم ان هذة الجنوط الجديدة اعطت ثبات اعلي للعربية لم يكن موجود من قبل مع الجنوط الاصلية للسيارة ولذلك اكرر شكري للقائمين علي الخدمة فى ديهتسو مصر (م/محمد عبد المقصود المدير الاقليمي لديهتسو مصر - م/ احمد عبد الوهاب مدير الصيانة بالمركز)................................... وكمان عايز ابعث بشكر خاص لأبو عبد الله لأنه كان مهتم بمشكلتي بصفة خاصة وهو لم يكن يعرفى معرفة شخصية إلا من خلال نيل موترز وهو الذي عرفي على مهندس احمد عبد الوهاب.

**Sharky** · 02-11-2008 02:02 PM

اولا الف مبروك على إنتهاء المشكلة

ثانيا هى المشكلة بتاعة حضرتك إللى كان حضرتك كاتب عتها من سنة تقريبا فى المنتدى !!!

ثالثا العيب طلع من الجنوط الأسبور إللى حضرتك شاريها من التوكيل ؟

رابعا هل حضرتك غيرتها مرتين فى التوكيل خلال السنة دى ؟

**ragea Abdoo** · 02-11-2008 02:14 PM

فعلا هذة المشكلة عرضتها من سنة تقريبا
وفعلا غيرت الجنوط مرتين فى التوكيل

**Sharky** · 02-11-2008 02:31 PM

يعنى التوكيل غير لحضرتك الجنط مرتين و برضه العيب فضل موجود

و فى الاخر غيره الجنط بجنط اكبر و هو دا إللى حل المشكلة

يعنى العيب كان من جنوط التوكيل فشئ طبيعى إنهم لازم يحلوا المشكلة بس دول طولوا قوى يعنى قعدوا سنة بحالها علشان يحلوها !!!

**ragea Abdoo** · 02-11-2008 03:29 PM

انا عارف ان الوقت طول جد................ا ولكن كان الوقت بين البحث عن اصل المشكلة فين لآنهم كانوا يقومون بالكشف علي العفشة ثم الكشف علي الطارات وعلبة الدركسيون وبين تصليح الجنوط نفسها بالترصيص او تغيير الرنجات وتغير الجنوط نفسها والتجريب في الطرق السريعة فكل هذا كان باخذ وقت ايضا .......وعايز اقوللك اني لم ان لدي الوقت لكي اتفرغ لهذة المشكلة يعني مش كل يوم كنت بروح التوكيل وذلك لآني بشتغل في شركة قطاع خاص وانت عارف ان القطاع الخاص اجزاته ليست بسهولة يعني لوكنت متفرغ لحل هذة المشلة او اقدر اسيب العربية في التوكيل كانت هذة المشكلة اتحلت فى وقت اقل بكثير لاني جايب العربية علشان توفر لي وقت وليست تضيع مني وقت فخلال هذة السنة معظم الوقت انتظار علشان الاقي وقت اروح التوكيل............وعايز اقول ان التوكيل قال لي انهم علي استعداد لتغير العفشة كاملة اذا كانت هي المشكلة.........ولكن فتح العربية من بطنها ليست بقرار السهل وكان يجب التاكد ان العيب من العفشة........وان تغير الجنوط مرة او مرتيت ارخص واحسن للعربية من فتج بطن العربية والعبث بها..................وفي وقت من الاوقات قام التوكيل بتصوير هذة المشكلة فيديو وعرضها علي لجنة من اليابان كانت في زيارة للمركز في مصر يوم ٢٨/٩/٢٠٠٨ يعني انا شايف ان الوقت طول شوية ولكن كان لازم التعامل مع المشكلة بحرص وفي النهاية حصلت علي الثبات الي كنت بدور عليه والحمد لله ان المشكلة طلعت في الجنوط وليست فى السيارة نفسها....
---الجنوط الي غيرتها ليست اكبر في الحجم ولكن اثقل في الوزن

**أبو عبدالله** · 02-11-2008 03:29 PM

الف شكر لك يا أخي الفاضل
ومبروك عليك الجنط الجديد
وحل المشكلة والحمد لله ان زي ما قولتلك المشكلة اكيد مش في العربيه
لأن تغيير الجنط كان بيفرق معاك في المشكلة

عالعموم والله يشكر التوكيل انه فضل معاك لحد ما تحل المشكلة

ويا احمد يا حبيبي

التوكيل حلله المشكلة في النهاية وبعدين هو مكنش كل يوم عندهم طول السنه يعني
هما أخدوا الحلول الأوليه له ولكن كانت نتيجتها بتيجي مش اد كده

عالعموم ان التوكيل يحل في النهاية المشكلة ويغير الجنوط دي كلها
ده معناه ان الوكيل بيساعد مش بيقلب او بيطنش يعني نية الاهتمام بالمشكلة موجود
ودي مش اول مره يحصل فيها حاجه زي كده

وده مش دفاع او حاجه
ولكن والله ده احقاق للحق انهم بيحاولو على اد ما بيقدروا

وليه يا حمد شايف الجانب الضيق مع ان الموضوع في نهاية ان المشكلة اتحلت واتغير للراجل اكتر من جنط
هما لو نيتهم وحشه مكنوش غيروا كل الجنوط دي

**م. تيمور** · 02-11-2008 03:31 PM

ربنا يحفظلك عربيتك من كل سوووء
فعلا مشكله ما تحصلش الا واحد في الالف ومحدش اشتكى من جنوط التوكيل قبل كده عشان كده خدت وقت في حلها :)
تحيتي ,,,

**Sharky** · 02-11-2008 03:34 PM

يا أبو عبدالله يا حبيبى
هو انا قلت إيه وحش على التوكيل

أنا بس مستغرب إن المشكلة قعدت سنة و مش عارفين المشكلة فين

تيمور باشا المشكلة ماكنتش فى جنوط الأصلية كانت من جنوط إشترها من التوكيل غير إللى بتنزل فيها

**ragea Abdoo** · 02-11-2008 03:41 PM

اقتباس...
يعنى العيب كان من جنوط التوكيل فشئ طبيعى إنهم لازم يحلوا المشكلة بس دول طولوا قوى يعنى قعدوا سنة بحالها علشان يحلوها !!!
-----
انا عارف انه شيء طبيعي انهم لازم يحلوها ولكن خلال المشكلة كنت فاكر ان اخرها هرجع هذة الجنوط واخد الفلوس تاني واكتفي بالجنوط الاصلية العادية
ملحوظة الجنوط الاسبور الموجودة (الي ركبتها اول مرة) هي جنوط موجودة في السوق العادي يعني في اي محل والتوكيل بيبعها علي انها كمليات وان شكري الخاص لهم علي انهم قاموا بتغير الجنوط الي جنوط احسن في النوعية والجودة واغلي ثلاث اضعاف السعر دون اي تحمل مني لفرق السعر........ وانت لما يكون عندك مريض ومش عارف تعلجة ازاي مش انت بتشكر الدكتور الي عالجه مع انك عارف انه واجبه وان الدواء هو الي خففه مش الدكتور .....مش كده ولا ايه....