عايزة اشتري فيات بونتو بوب 2015 مانيوال

**a7med ezz 20** · 23-12-2014 02:42 AM

المشاركة الأصلية كتبت بواسطة abou-yahia

هوه حضرتك بتقارن بناءا علي الفئه السعريه

:ka_che1[1]:

لا طبعا مش بقارن بالفئة السعرية ، انا بتكلم علي فئة العربية ، يعني ينفع تقارن البسات او الجيتا بالاكسنت مثلا ؟؟؟

**هند** · 23-12-2014 01:06 PM

طيب معلش هتبعكم..البونتو مانيوال ب 103 ولا النيسان صنى 2015 اتوماتيك ex الشكل القديم ب 112 انا محتارة بين دوول دلوئتى...ياريت تفيدونى ربنا يكرمكم

**M.Radwan** · 23-12-2014 02:06 PM

المشاركة الأصلية كتبت بواسطة هند

طيب معلش هتبعكم..البونتو مانيوال ب 103 ولا النيسان صنى 2015 اتوماتيك ex الشكل القديم ب 112 انا محتارة بين دوول دلوئتى...ياريت تفيدونى ربنا يكرمكم

العربيتين ملهمش أي صلة ببعض خالص..

البونتو: عربية مدينة من الدرجة الأولى - موفرة جدا في البنزين - سهلة في السواقة وأبعادها سهلة عشان هاتشباك - شكلها من جوا ومن برا أشيك بمراحل وتقفيلها أفضل بمراحل من السوبر صالون..انتشارها قليل وقطع غيارها أغلى سنة.

الصني: عربية عائلية - استهلاكها في البنزين عالي - خاماتها الداخلية على قدها والتقفيل معقول - شكلها الخارجي تعبان - قطع غيارها متوفرة وانتشارها أكبر.

في الحالة دي لازم تحددي احتاجك ايه من العربية. بالنسبة لي أرشحلك البونتو وبعدها سانديرو ستيب واي.

**a7med ezz 20** · 23-12-2014 10:13 PM

المشاركة الأصلية كتبت بواسطة هند

طيب معلش هتبعكم..البونتو مانيوال ب 103 ولا النيسان صنى 2015 اتوماتيك ex الشكل القديم ب 112 انا محتارة بين دوول دلوئتى...ياريت تفيدونى ربنا يكرمكم

الصني طبعا افضل بكل المقايس " اتوماتيك ، قطع غيار متوفره ، اعادة البيع سهلة ، سحبها جيد ومشاكلها قليلة "
انتي هتجيبي من التوكيل ولا من معرض وعليها اوفر برايس ، انا اخر سعر سمعته من الوكيل 104 ، المعارض بتستهبل فالاوفر برايس

**هند** · 24-12-2014 01:27 AM

على كلامكم لو جبت هاجيب من الوكيل بأه طالما انهم بيستهبلوا كده فالسعر..انا لسة ماقررتش هارسي على انهى واحدة فيهم..لانى قلقانة انى سمعت ان الصنى صاجها ضعيف وان فيه مشكلة فى تيل الفرامل..بس كل ده كلام مش من حد عنده العربية وجربها..انا محتارة ما بين انى ادفع 100 فى بونتو مانيوال ولا ازود كام الف وتبقى صنى ex اتوماتيك..انا كنت باسوق شاهين..فالمانيوال اى نوع بعد الشاهين اكيد جنة!..بس بردو طالما كده كده هاشترى واقسط زنقة ب زنقة اجيب الاتوماتيك..ال هى الصنى ولا اعمل ايه. انا محتارة.انهى فيهم احسن طيب كأمان ومتانة ومشاكل اقل وتوكيل؟

**A.Saad** · 24-12-2014 10:51 AM

المشاركة الأصلية كتبت بواسطة هند

على كلامكم لو جبت هاجيب من الوكيل بأه طالما انهم بيستهبلوا كده فالسعر..انا لسة ماقررتش هارسي على انهى واحدة فيهم..لانى قلقانة انى سمعت ان الصنى صاجها ضعيف وان فيه مشكلة فى تيل الفرامل..بس كل ده كلام مش من حد عنده العربية وجربها..انا محتارة ما بين انى ادفع 100 فى بونتو مانيوال ولا ازود كام الف وتبقى صنى ex اتوماتيك..انا كنت باسوق شاهين..فالمانيوال اى نوع بعد الشاهين اكيد جنة!..بس بردو طالما كده كده هاشترى واقسط زنقة ب زنقة اجيب الاتوماتيك..ال هى الصنى ولا اعمل ايه. انا محتارة.انهى فيهم احسن طيب كأمان ومتانة ومشاكل اقل وتوكيل؟

الصنى الجديدة هى اللى فيها مشكلة فى تيل الفرامل

القديمة لا

مشكلة قطع الغيار فى مصر سخيفة
لو عربية مش منتشرة
التاجر بيقول انا هاجيب قطع غيار ومتمشيش واركن فيها فلوس ليه
وبتلاقى صعوبة فى قطع الغيار لما تحبى تسيبى الاصلاح فى التوكيل
وممكن ما تتواجدش احيانا فى التوكيل

كمتانة الاتنين كويسين
الامان متوفر فى الاتنين
رأى الخاص الصنى

**هند** · 24-12-2014 10:35 PM

يعنى فالاخر استقريتم عال صنى. :)
.متشكرة جدا جدا عالاهتمام والمتابعة والافادة..كتر خيركم..انا فعلا لو قدرت على قسط الصنى هاجيبها ان شاء الله عشان اتوماتيك...انا تعبت اوى مع الشاهين وخلاص عايزا ارتاح..ربنا يقدم الخير..متشكرة على ذوقكم واهتمامكم..

**a7med ezz 20** · 24-12-2014 10:37 PM

المشاركة الأصلية كتبت بواسطة هند

يعنى فالاخر استقريتم عال صنى. :)
.متشكرة جدا جدا عالاهتمام والمتابعة والافادة..كتر خيركم..انا فعلا لو قدرت على قسط الصنى هاجيبها ان شاء الله عشان اتوماتيك...انا تعبت اوى مع الشاهين وخلاص عايزا ارتاح..ربنا يقدم الخير..متشكرة على ذوقكم واهتمامكم..

مفيش تعب ولا حاجة ، صلي صلاة استخارة وربنا يقدملك اللي فيه الخير ليكي

**ahmzd** · 26-12-2014 07:53 PM

الصني الشكل القديم غالية جدا على فكرة على كمالياتها! يعني بتوصل 117 في المعارض ولا فيها abs ولا جنوط ولا مرايات ضم زي زمان ولا فتحة سقف ولا مبدل اسطوانات، يعني من الآخر عربية أوتوماتيك وبس، وكمان صالونها ضيق واستهلاكها في البنزين عالي ونفس التكنولوجيا من سنين طويلة!
أنا رأيي الشخصي لو الميزانية هتعدي ال 110 ألف يبقى ممكن جين 2 أوتو بحوالي 116 ألف ) أو بونتو أول فئة أوتو ( تمنها حوالي 120 ألف ).
أما إذا فضلت الميزانية - زي ما الموضوع بدأ -في حدودو ال 100 يبقى سويفت وفقط .. والله أعلم.